في بيت علي
الساعه ٧:٠٠Am
لمار: good morning mamy
هند: انتي وش تقولين؟
عبدالله: قاعده تصبح عليك تقولك صباح الخير مامي
هند: مامي يعني ويش؟
لمار: يعني يمه بس بدلع
هند : اها اعذريني ي بنيتي ما افهم كلامكم ذا
لمار وهي تحب راس هند: شدعوه ي يمه
علي: ي صباح النور والسرور
لمار وهي تحب راس علي: صباح الخير يبه
علي: هلا هلا بالغاليه صباح النور
عبدالله: افا وانا ماني غالي؟
علي: انتي غالي وهي غاليه بعد
عبدالله بضحك : حلوه التصريفه يبه
جلسو يفطرون ويسولفون
لمار: يمه يبه عندي لكم خبر مدري هو بيفرحكم ولا بيضايقكم
هند بخوف: تكلمي ي بنيتي عسا مافيك شي؟
لمار: لا يمه مافيني شي
علي: هاه تكلمي
لمار: جتني بعثه على لندن
عبدالله بفرحه: قولي قسممم
علي: بعثه وشنهي؟
عبدالله: يعني تدرس برا
هند بفرح: الف الف مبروك ي بنيتي
لمار: بس مارديت لهم خبر قلت لهم بشوف وارد لكم
عبدالله: وراك ما وافقتي
لمار: صاحي انت ارد لهم كذا من باب الطاقه يمكن ابوي مو راضي يمكن امي مو راضيه
علي: انا عن نفسي ي بنيتي موافق
هند : وانا شوري من شور ابوتس
لمار: انا بروح لخالتي صيته
هند : انتبهي ل نفستس
لمار : أبشري يمه
راحت لمار ل غرفتها وردت لهم وراحت لخالتها صيته
عند بيت صيته
بهاج بعد ماقام ورتب نفسه نزل وافطر
بهاج: يلا تصون بشي
صيته : سلامتك
بهاج: الله يسلمك
جا بيطلع من البيت الا ويسمع صوت لمار وهي تكلم نفسها
لمار جلست تتامل السماء :الله ي لمار بتروحين وتدرسين ب لندن مدينه الاحلام ي سبحان مغير الاحوال من بنت كانت كارها عيشتها مع ناس كانو يسمون نفسهم اهلها الى بنت بتدرس ب لندن ولها طموحاتها الخاصه
فتح لها بهاج الباب
شافت بهاج مبين بوجه الضيقه
لمار: سلام بهاج اخبارك ليه وجهك كذا مقلوب؟
بهاج: مافيني شي
وطلع بسرعه
لمار بنفسها : وش فيه ذا متضايق؟ يمكن فريقه خسر مباراتهم
دخلت لمار وهي تغني اهه ي لندن
جلست لمار عند صيته
صيته: اخبارس وش علومس
لمار: بخير ي خاله عندي لس بشاره
صيته: وشنهي؟
لمار: جتني بعثه ب لندن
غزيل: كذابه ؟
لمار: قسم بالله
صيته : مبروك مبروك
لمار: الله يبارك فيك
غزيل: انا بس اسبوع احسه سنه اجل شلون اربع سنين؟
لمار: ولا يهمك بجيكم كل فتره وفتره
صيته: الا متى بتروحين
لمار: اقرب رحله بعد يومين وحجزتها
صيته: الله يوفقس
عند بهاج
بعد ما مشى قرابه النص ساعه
صادفه احمد
احمد : بهاجج!! علامه وجهك ملفوع؟؟
بهاج: وش اقول ي احمد و وش اخلي
احمد : تعال تعال اركب السياره وعلمني
ركب بهاج السياره
احمد :عسا ماشر احد من الاهل فيه شي؟
بهاج : لا كلهم طيبين
احمد: اجل علامك؟
بهاج: لمار ي احمد لمار
احمد: قل قل وانا اخوك لا تخلي شي بخاطرك
بهاج : لمار بتسافر لندن بتدرس هناك
احمد: وجامعتها؟
بهاج: تقول انها بتخليها جتها بعثه هناك
احمد: طيب هي تدري انك دريت؟
بهاج: لا
احمد: طيب ليه ما تسافر معها ؟
بهاج: تهقى؟ بس يمكن اضايقها؟
احمد: يعني انت لاتعطيها بوجها اتفق انت وكم واحد من اخوياك وروحو عساس انكم مسافرين صدفه
بهاج: والله فكره بكلم مبارك يظبطني
مبارك: هلا بهاج
بهاج: مبارك وش رايك نتلها ل لندن؟
مبارك: ماعندي مشكله شوف الشباب ورد لي خبر
بهاج: ابشر
اتصل بهاج ب نواف
بهاج: نواف
نواف : ي لبيه؟
بهاج: تتلها معي ل لندن؟
نواف: قدام بس انت ومين؟
بهاج: انا وانت ومبارك باقي مسعود للحين ما كلمته
نواف :زين بس متى؟
بهاج: للحين ما حجزنا بس نتاكد من العدد بس هاه لا تنسى محمد
نواف بضحك : ابشر
اتصل بهاج مسعود
بهاج: مسعود تتلها ل لندن؟
مسعود: بسم لله الناس تسلم بالاول
بهاج بضحك: اعذرني متحمس
مسعود: ماعليه معذور انا موافق
بهاج: زين اجل انا بروح اكلم مبارك
بلغ بهاج مبارك وحجز التذاكر
احمد: استانست الحين؟
بهاج: اي والله الله يجزاك خير
احمد : الله يرزقني احد يحبني كثر ما تحبها
بهاج: انا عازمك على القهوه عندي وش قلت
احمد: ما اقول لا دق على عبدالله خله يجي
عند لمار
صيته: الا لمار امتس ماراسلتس او سالت عنس
لمار: لا والله ي خاله من يوم ذكليوم وانا ما سمعت صوتها
غزيل: واضح انها تبي الفكه
صيته : عيب ي بنت وش هالكلام
غزيل: انا ماقلت الا الصدق
لمار: انا استاذنكم بروح البيت
صيته : سلمي لي على هند وقولي لها خالتي صيته زعلانه منس وراها مازارتني
لمار: ابشري ي خاله
طلعت لمار و وجها متضايق من طاري اهلها بس ما بينت ل صيته
وقفت سياره سودا ومظلله قدام بيت صيته
الا ونزل بهاج ولاحظ ضيقة لمار ونزل وراه احمد مسك بهاج لمار على جنب
بهاج: لمار؟ وش فيه وجهك ضايق احد مزعلك قايل لك شي؟
لمار: لا مافيني شي ولا احد قالي شي بس تعبانه
بهاج: متاكده؟
لمار بنبره عصبيه: ايه ايه متاكد ممكن تخليني اروح
بهاج: تفضلي
راحت لمار البيت
علي : لمار تعالي برنامجك بدا
لمار طنشته وراحت غرفتها
عبدالله: بروح اشوفها واجي
راح عبدالله ل غرفة لمار وسمع صوت بكاها طق عبدالله الباب
عبدالله: لمار افتحي
لمار: عبود روح خلني لحالي
عبدالله: شلون يهون علي اروح واخليك متضايقه افتحي بالله
فتحت لمار الباب وهي تصيح
عبدالله: افا مين منزل دموع هالعيون الحلوه؟
حضنت لمار عبدالله وهي ساكته دخل عبدالله وسكر الباب
عبدالله: قولي لي ي عيون اخوك انتي وش مزعلك
لمار وهي تبكي: ليه أمي سندس وابوي ماجد ما يموتون وارتاح من طاريهم
عبدالله: ليه؟
لمار: اليوم خالتي صيته جابت طاري امي وقالت لي ما كلمتك وغزيل قالت انهم يبون الفكه مني لهدرجه انا مكروها؟
عبدالله: مين قال انك مكروه عليميني بالعكس تماما
لمار: اجل ليه هم ما يحبوني زي ما يحبون اخواني لدرجه كرهو اخواني فيني
عبدالله: هم كانو يبون ولد بس ربي ما اراد
لمار: يبون ولد ويكرهوني اجل وش معنى ما كرهو خواتي بعد؟
عبدالله: خلاص انتي ولا يهمك اغسلي وجهك وانزلي اجلسي معنى
لمار: ما ابي ابي اقعد بغرفتي
عبدالله: ولا يهمك اجلسي بغرفتك بس هاه لا تبكين
لمار وهي تمسح دموعها: ابشر
طلع عبدالله من غرفه لمار وجلس مع ابوه وامه
هند : لمار وش فيها تبكي؟
علمهم عبدالله
عبدالله: بس هاه لاحد يدري
عبدالله: انا بروح لعيال شوي وبجي
علي: انتبه ل نفسك
لما فتح عبدالله الباب لقى سندس بوجه
تنكد لما شافها
سندس: امك فيه
طنشها عبدالله
سندس: اصمخ انت انا اكلمك
عبدالله: خاله وخري عن الباب ابي اطلع
سندس: تخلخلت عظامك وخرنا هاه ارتاح
طلع عبدالله ودخلت سندس ودخل علي
جلست سندس مع هند وقعدو يسولفون
طلعت لمار من الغرفه وهي حاطه ماسك ولابسه السماعه وقاعده تغني باعلى صوت
ي سيده كل البنات الله عليك
هند: لمار تعالي قهوي خالتك
لمار ابشري مامي
سندس: ماشا الله هند ما قلتي لي عندك بنت بهالجمال ملامحها مو غريبه وش اسمك ي حلوه؟
هند : افا ي سندس ما عرفتي بنتك حنان؟
سندس: حنان؟؟
لمار: عفوا خاله حنان كان مجرد اسم قديم تافه حاليا لمار ولا مامي؟
سندس باسلوب مستفز : سبحان الله صارت الام خاله الحين
لمار: والله ي خاله انا ما اعرف ام غير امي هند الله يخليها لي مير انتي بالنسبه لي مجرد وحده كانت بحياتي واختفت
سندس: وش قله الادب ذي
لمار باسلوب مستفز: عن اذنك مامي انا بروح اسوي لي ماتشا واجهز شنطتي عشان رحلتي ل لندن تامرين على شي ؟
هند: سلامتك ي روحي
لمار: تسلم روحك صدق مامي كنت بنسى ترا خالتي صيته تسلم عليك وتقول خلي امك امري علي
هند : بمرها ان شا الله
سندس: صايره قليله ادب
لمار باسلوب مستفز : مامي اليوم بتجي عامله جديده عشانك تعرفين بروح ل لندن مافيه احد يساعدك عشان كذا قدمت لك على عامله وبتجي اليوم
هند: الله يعطيك الف عافيه ي بنيتي
لمار: الله يعافيك انا استاذنكم
لمار راحت المطبخ وهي تغني
دق الجرس
هند: عن اذنك بشوف مين عند الباب؟
لمار: طلبي مامي ارتاحي
استلمت لمار طلبها
لمار: مامي وين بابي؟
هند: ابوك موجود بالمقلط ليه
لمار: لا بس طلبت له قهوه معي وترا عصيرك موجود بالثلاجه
هند: عصير وش؟
لمار: سويتلك عصير حلو ولذيذ ومفيد اعرفك مالك بالقهوه
هند: زين ي بنيتي
راحت لمار ل علي
لمار: دادي
علي:عيوني
لمار: لبى عيونك سم اعرفك تحب البلاك
علي: شكرا
علي: لمار عسى سندس ما زعلتك
لمار: تزعلني عجوز قريح ما بقى الا هي بس ابشرك يبه جلدتها
علي: كفو اي هاذي بنيتي الي ما يزعلها احد
لمار: كفوك يلا انا استاذنك بروح اجهز اغراضي
راحت لمار ل غرفتها تجهز اغراضها
عند عبدالله كان طول الوقت يهوجس فجاة قام
عبدالله: عن اذنكم دقيقه وجاي
دق عبدالله على لمار
لمار: عيوني
عبدالله: واضح انك مروقه اسمعي عسى خالتي سندس ما ضايقتك
لمار: ي رجال مابقى الا عجوز قريح تضايقني
عبدالله: ليه ترفعين صوتك طيب
لمار: ي خبل عشان تسمع بس مسكتها تخيل ماعرفتني
علمت عبدالله الي صار
عبدالله: معقول ماتعرف بنتها
لمار: مدري عنها بس يوم قلت بجهز اغراضي عشان سفرتي ل لندن بغت تموت بمكانها
عبدالله: ليه؟
لمار: ليه يعني غيرانه بناتها مو حقات دراسه ودرجاتهم تسود الوجه ليه ماتغار يعني
عبدالله: صراحه تستاهل
لمار: دقيقه عبود العامله جت بروح استقبلها واجي
عبدالله: اي عامله؟
لمار: ايه صح اثري ما علمتك قدمت على عامله ل امي عشان تساعدها مقدمه عليها اول مادخلت البرنامج بس تو تجي
عبدالله: زين انك جبتيها
لمار: بروح لا اتاخر عليها سيو
عبدالله: سيو
دخل عبدالله عند العيال وعلمهم وش سوت لمار بسندس
احمد: كفو عليها
بهاج: احسن تستاهل هذا اقل جزاها
وراحت لمار تستقبل العامله
لمار: تعرفين عربي؟
ميري: ايوه مدام
لمار: كويس
علي: لمارر
لمار: سم تعالي
راحت لمار والعاملة ل علي
علي : مين ذي؟
لمار: ذي العامله الجديده جبتها لك ول امي ميري هذا بابا انا
ميري: سلام عليكم بابا
علي : وعليكم السلام زين اجل دخليها داخل وعليمها على البيت
لمار: ابشر
دخلت لمار الصاله الي كانو جالسين فيها هند وسندس
راحت لمار وجلست جنب هند
لمار وهي تحضن هند: هذا ماما انا هاذي حرمه تاني مافيه بيت بيت تاني طيب؟
سندس بنفسها: اهخخ ي القهر الحرمه الغريبه تعاملها احسن مني
ميري :طيب مدام
لمار:مامي هاذي ميري العامله الجديده
هند: هي مسلمه؟
لمار: ايوه تاكدت من الشركه انها مسلمه
هند: سلام عليكم ميري كويس؟
ميري: عليكم سلام كويس الحمدلله
لمار: تعالي ميري
راحت لمار ورت ميري غرفتها وقالت لها تنظفها شوي بعد ما توريها البيت
راحت لمار و ورت ميري البيت وعلمتها وش تسوي
وجهزت اغراضها وراحت تتجهز عشان تطلع مع صحباتها
لمار وهي تكلم : ايه تخيلي من اليوم وهي هنا كان ما عندها بيت
لفت على امها
لمار: مامي بطلع مع البنات تمام
هند: تمام ي نظر عيني بس علمي ابوك
لمار: ابشري مامي
راحت لمار ل ابوها ولقت متكي و واضح انه طفشان
لمار: يبه تراني بطلع مع البنات
علي: زين انتبهي على نفسك بس سندس ماراحت
لمار: لا عجوز قريح متكيه ما عندها نيه تروح
طلعت لمار واتصلت على عبدالله
عبدالله: هلا لمار
لمار: وينك؟
عبدالله: في بيت بهاج
لمار: زين اطلع لي انا عند باب بيتنا
عبدالله : ليه صاير شي؟
لمار: لا بس تعال
عبدالله: زين جايك
عبدالله: انا استاذنكم بروح
احمد: وين تونا ي رجال
عبدالله: لا بس لمار تبيني بموضوع وبشوفها
بهاج: زين انتبه على نفسك
عبدالله: ابشر
طلع عبدالله ولقى لمار
عبدالله: هلا وش بغيتي
لمار: انا بطلع مع بنات وابوي جالس طفشان وعجوز قريح هاذي ماعندها نيه تسري خذ ابوي ومشيه وغير نفسيته شوي
عبدالله: ابشري بس ابوي وين جالس؟
لمار :بالمقلط
راح عبدالله للبيت
عبدالله: يبه
علي: هلا
عبدالله : تعال خل نتمشى شوي باين عليك طفشان
علي: يلا مشينا
طلعو عبدالله وعلي وقعدو يتمشون بالحاره ويسولفون
علي: مو من عوايدك تترك قعده اخوياك تقول خل نتمشى بعدين تعال بسالك وش دراك اني طفشان
عبدالله : صراحه يبه لمار جايتني قالت لي ابوي طفشان خذه وطلعه
علي: ي حلو لمار تصدق بفقدها
عبدالله: كلنا بنفقدها والله
تسريع احداث
يوم السفر ودعت لمار اهلها وهي طالعه قابلت ماجد
ماجد: حناننن
لمار مطنشته
ماجد: حناننن
عصب ماجد وجاها وضربها بخشمها
عبدالله: هييي خيرر تمد يدكك على اختييي انت مو محرم لهاا
ماجد : تستهبللل كيففف مو محرم لهااا انا ابوهااا
عبدالله: لااا مو ابوهااا انت متبرييي منها ناسييي!!
دف عبدالله ماجد عنها
لمار: نعم وش تبي تبريت مني قلت ماعليه افتك من العيشه الي عايشتها تجي بعد كل هالسنين وتناديني ولمعلوماتك اسمي مو حنان اسمي لمار شكل عجوز قريح ما قالت لك
ماجد: عجوزز قريح ذي امك يالي ماتستحينننن
لمار: امييي؟؟ امييي الي رمتنييي وما اهتمت ليييي هاهه ولا الييي كانتتت تحرجينييي قدام الناسس هاههه
مسكو الجيران ماجد وركبو لمار وعبدالله السياره وراحو
ولمار طول الطريق معصبه وحاطه راسها على القزاز وقاعده تبكي
عبدالله: ي لمار ارحمي نفسك من اليوم وانتي تبكين خلاص
لمار: الله ياخذه اكيد عجوز قريح قالت له الله ياخذهم كانوهم ماخلوني بحالي
وصلو المطار و لقو بهاج هناك
عبدالله: بهاج اخبارك وش السالفه وين؟
بهاج: رايحين لندن انا والعيال كم يوم نفلها ونرجع
عبدالله : توصلون بالسلامه
بهاج: الله يسلمك
لمار: عبدالله انا بروح دوره المياه وبجي
عبدالله: زين انتبهي لنفسك
بهاج: ليه وجها احمر؟
عبدالله: تهاوشت مع ماجد وضربها على خشمها ومن يوم مشينا لين وصلنا وهي تصيح
بهاج: ماجد ماعنده نيه يفكها من شره؟
عبدالله: شكله لا بس اسمع انتبه لها
بهاج: ابشر بعزك
رجعت لمار
وخلصو كل الاجراءات وركبو الطياره
طلع كرسي نواف جمب لمار
محمد: نواف ليه هي تبكي؟
نواف :مدري بس لا تقروشها
دخل بهاج بالواتس عند نواف
بهاج: نواف بادلني
نواف: ليه؟
بهاج : بعدين اعلمك
نواف: بس محمد اخذه؟
بهاج : لا خله وين توديه
نواف : خلاص اجل تعال
محمد شاف لمار واضح انها كانت تبكي ومتضايقه
محمد: كنتي تصيحين ولا حاطه مكياج؟
لمار: تبي الصدق
محمد: ايه
لمار: كنت ابكي
محمد: افا مين بكاك علميني وانا اروح اصفقه
لمار: المشكله انه ضخم ما يمديك تضربه
محمد: عادي اقرط فيه
لمار: هههههه ي حلوك وش اسمك ي بطل؟
محمد: لا تقولين لي بطل احس اني ورع
لمار: خلاص ولا يهمك بس وش اسمك
محمد: وش تبين باسمي؟
لمار بضحك : ماتدري يمكن نطلع بفندق واحد زي المسلسلات الرخيصه
محمد: شكلك تتابعين مسلسلات كثير
لمار: تبي الصدق ما اتابع المسلسلات الا من وين ل وين
محمد: طيب ليه حكمتي فندق ليه مو طياره
لمار: طياره لاني ما رح ارجع السعوديه الا بعد فتره طويله
محمد: كم يعني ؟
لمار: يعني يمكن بعد سنه ويمكن بعد اربع سنين
محمد: ليه اربع سنين؟ مارح تشتاقين ل اهلك؟
لمار: مين قال اني ما رح اشتاق بس بدرس هناك عشان كذا
محمد: ابوي دايم يقول لا تقطعون صله ارحامكم ولما اساله مين يقول ابوكم وامكم واقاربكم
لمار: انا ما اعرف ابوي وامي واقاربي ما اعرفهم
بهاج انصدم وناظر لمار
لمار تغمز لبهاج بمعنى اسكت
محمد: كيف ماتعرفين امك وابوك يعني هم ميتين؟
لمار: هم مو ميتين بس انا ابغاهم يموتون
محمد: كيف تبغينهم يموتون! شكلك مجنونه
لمار: انا مو مجنونه بس هم يضايقوني
محمد: انتي مو تقولين انك ماتعرفينهم؟ يعني كنتي تكذبين؟
لمار: تبي الصدق انا اعرفهم بس هم متبرين مني مايبوني عشان كذا اعتبرهم ميتين
محمد: اها طيب ليه تكذبين؟
لمار: لاني ما ابي كل الناس تعرف سالفتي عشان كذا اختصرها واقول ميتين
محمد: خلاص انا بصير ولدك
لمار: بسم لله على امك مو ولدي وش رايك تصير اخوي الصغير؟
محمد : قدام
لمار: بس ماقلت لي وش اسمك؟
محمد : انا محمد المطيري
لمار: عاشت الاسامي حمودي
محمد :وانتي وش اسمك
لمار : ناديني لماري
لف محمد على بهاج
محمد: بهاج نواف وين راح ؟
بهاج: راح عند مسعود
طلعت لمار كتابها وقعدت تقراه
محمد: وش هالكتاب؟
لمار: روايه
محمد : وش اسمه؟
لمار: دغيبج
محمد : طلعتي تقرين
لمار : ايه من زمان اقرا حتى جبت معي كتب كثار احتياط
محمد : وريني
دق بهاج كتف محمد بمعنى اسكت
لمار طلعت الكتب جلست توريه
لمار: شوف هاذا بحيره العشق وهاذا جريمه في منزلي وهذا جزيره ران اي صح طلع معي ذا
محمد: ليه ماخذه معك هاذي روايه؟ واضح انها قديما
لمار: هذا اول كتاب اقراه بحياتي تبي تقراه؟
محمد: لا شكرا ما احب الكتب افضل الافلام والمسلسلات
رجعت لمار كتبها ولبست سماعاتها وكملت قراءه
وصلو ل لندن ونزلو اغراضهم راح محمد ل لمار
محمد : لماري
لمار :عيونها
محمد : وين بتسكنين؟
لمار : بسكن بفندق اكيد
محمد : لا قصدي باي فندق؟
لمار: ليه؟
محمد :لاني انا تعبان ابي انام وهم بيقعدون يفرفرون يدورون فندق
عطت لمار اسم فندقها ل محمد
راح محمد ركض ل نواف
محمد :نواف نواف
نواف : هاه وش تبي؟
محمد: دبرت فندق
نواف: شلون دبرت؟
محمد: رحت ل لماري واخذت اسم فندقها
نواف وهو معصب: لماري مين وتدلعها بعد
محمد: وحده جلست جنبي هي قالت لي ناديني لماري
بهاج: نواف هدي
نواف: شلون تبيني اهدي وذا فشلنا راح للبنت وقالها ابي فندقك
بهاج: نواف خلاص قلت هذي انا اعرف لمار ذي بنت خالتي
نواف: اشوى بنت خالتك
——————————————————————-
البارت طويل تعويض عن السحبه
تجاهلو الاخطاء الاملائية
تعالو الانستا: _saadd__33
وبس والله سيو
