الساعه ١١:٠٠ Pm
نزف خشم لمار دم طلعت بسرعه من الفندق وراحت المستشفى
(بترجم لكم)
الدكتور: انتي مضروبه على خشمك؟
لمار: ليه؟
الدكتور:الاشاعه تقول ان خشمك مكسور كسر خطير عشان كذا نزف خشمك انتي معنفه ؟
لمار:لا بس طحت على خمشي
الدكتور: تمام حنى بنلفه بشاش وامورك بتمشي بس استني شوي ابلغ الممرضات
لمار: تمام
دق جوال لمار
لمار: الو
بهاج: هلا لمار افتحي الباب طلبنا عشا وحسبنا حسابك
لمار: الله يعطيك العافيه بس انا مو موجوده
بهاج: وينك؟ الساعه ١١:٠٠؟
لمار : ايه خابره ان الساعه ١١ رحت المستشفى
بهاج: ليه سلامات وش فيك ؟
لمار: خشمي مكسور
بهاج: انتي باي مستشفى
لمار: بالمستشفى الي جنب الفندق
بهاج: لا تتحركين جايك الحين
وقفل الخط بوجه لمار
بهاج رجع الغرفه وهو مستعجل
نواف: وش فيك؟
محمد: بهاج وين رايح؟
بهاج: عندي مشوار وجاي
مبارك: اي مشاور والناس مقفله الحين خلها الصبح حنى بالقوه اقنعناهم يجيبون طلبنا الحين
بهاج: مايمدي الصبح الموضوع ضروري مبارك عطني مفتاحك
مبارك: سم انتبه تسوق بسرعه
مسعود:انت وش فيك متوتر خلاص اهدى
محمد: بهاج وين بتروح
بهاج: محمد اسكت عنيي يرحم والديك
محمد: قولي وين واسكت
طلع بهاج مستعجل بدون مايرد على محمد
دخل بهاج المستشفى وهو خايف دق على لمار
بهاج: لمار انتي باي غرفه؟
لمار: بغرفه لو سمحتي كم رقم الغرفه؟
الممرضة: غرفه رقم ٥
لمار: رقم ٥
سال بهاج الرسبشين عن الغرفه ودلوه عليها وراح يركض
دخل الغرفه الا الممرضه توها مخلصه دخل بهاج وهو مخروش
بهاج: لمار انتي بخير؟
لمار: ايه ايه بخير وش فيك خايف
بهاج: وشلون انكسر ؟
لمار : اكيد عقب ضربه ماجد الله ياخذه
بهاج: الحين انتي خلصتي؟
لمار: اي خلصت
طلعو من المستشفى
رجعو لمار وبهاج الفندق دخل الغرفه بهاج لقى العيال كلهم يستنونه
بهاج: وش فيكم؟
مسعود: وين كنت؟
بهاج: قلت لكم كان عندي مشوار وخلصته ايه صح عطني اكل لمار بوديه
نواف: شف شف قام يصرف الموضوع
اخذ بهاج الكيس ومسك جواله دق على لمار
نواف : حطه سبيرك الحين
بهاج: ليه؟
نواف: بس تعرف بعدين
لمار: هلا بهاج امرني
بهاج: اء لمار
لمار: هلا ؟
بهاج: اكلتي؟
لمار: تبي الصدق لا وميته جوع المستشفى يجوع ناويه اطلب تبي اطلب لك معي؟
بهاج: لا انا حاسب حسابك معنا
لمار: صدق مشكور ما كان له داعي تكلف على نفسك
بهاج: افا ي لمار ماش كلافه
لمار: اوف المستشفى ذا جاب لي الاكتئاب
بهاج: ليه؟
لمار: شفت واحد مجنون يخوف كان ينادي باسامي غريبه ومنهم اسمي تبي الصدق والله اني خايفه
بهاج: ماعليك منه اكيد بالصدفه
لمار: يمكن بس قام يناظر فيني وهو يقول اسمي
بهاج: صدقيني بالصدفه افتحي الباب جايك الحين قبل لا يبرد العشاء
لمار: تمام بفتحه اييّيي
بهاج: علامك ؟
لمار: طحت على خشمي فوق انه مكسور انكسر زياده
بهاج : شلون طحتي؟
لمار: التفت رجلي وطحت
بهاج: حطي ثلج
لمار : بحط
قفل بهاج وناظر بالعيال
بهاج: ارتحتو؟ رحت المستشفى مع بنت خالتي تحقيق ودنيا ومسوين سالفه
مبارك: انا اصلا خابر وتفاهم معهم
بهاج: انت شلون عارف؟
مبارك: انا شايف الJBS حق السياره وعارف
بهاج: وليه تتبعيني؟
مبارك: خفت عليك شفتك بذا الوضع قلت الرجال فيه بلا
بهاج: انا بروح اودي الاكل واجي
محمد: بتروح ل لماري؟
ضرب نواف راس محمد
نواف: عيب تدلع البنت من يوم ما وصلنا وانت ماعندك سالفه غيرها لماري ولماري
محمد وهو يحك راسه: شسوي هي حلوه
نواف: اعقب وتمدحها بعد
محمد: والله انها حلوه انت شايفها بنفسك
نواف: عيب ماناظرتها تحسبني زيك بس تطالع بالحرمه انت اصلا اول مره تقعد تمدح حرمه كذا ولا مره قد كلمت حرمه وش معنا ذي ؟
محمد: ذي لها اسم واسمها لمار بعدين انا ابي اروح لها ابيها
نواف: اعقب ي الخفيف منت بهين
بهاج: خله يروح معي بعدين لمار بنت خالتي مو غريبه يلا البس نعالك
محمد: اييههه بروح ل لماري بروح ل لماري
مسعود: بهاج انت خاطب؟
بهاج: ايه ليه؟
مسعود: لا بس شفت الخاتم واستغربت انك تلبس خاتم
مبارك: ماشاءالله الف مبروك منهي؟
بهاج: لم
محمد: لماريي ؟
بهاج بضحك: ايه
نواف: انا اشوف ليه مهتم فيها هالكثر وطالب لها معنا ولما درى ان خشمها مكسور راح طيران و مقومني من مكاني اثره عشانها
بهاج: حتى لو انها مو خطيبتي كنت بهتم فيها كذا بعد
مبارك: شوف شوف الحب يطلع من عيونه
بهاج: انا بروح عشا البنت برد
راحو بهاج ومحمد وسمعو صوت لمار وهي تغني
بس انا خايف علينا ي غلاي لا يجينا يوم وافقد مسمعك وان فقدتك وش بقى فيني معاي وانا كلي فاقده لانه معك
محمد: شكلها مروقه
دق بهاج الباب
لمار: طيب الله حمودي
محمد: لماريي
لمار: شكرا بيهج
بهاج: العفو اذا بغيتي شي غرفتنا هنا
اشر بهاج على غرفتهم
لمار: ابشر
بهاج: يلا امش محمد
محمد: لا بقعد عند لمار
بهاج: امش بس
لمار: خله عندي نتونس انا وياه شوي وش رايك حمودي نتابع فيلم؟
محمد: ايه
لمار: وش تحب فليم؟ تحب سبايدر مان؟
محمد: سبايدر ماننن
بهاج: خلاص اجل متى ما بغى يجي اتصلي علي
لمار: ابشر
راح بهاج ودخلو لمار ومحمد الغرفه وتابعو فليم
عند بهاج
نواف: محمد وين؟
بهاج: عند لمار
نواف: ليه خليته؟
بهاج: بغى المقعاد ولمار لما شافته كذا قالت خليه شوي
نواف: ي ليلي من محمد هو وش يبي بالبنت ناشب لها كذا
مسعود: ليه مسوي كل هالسالفه عادي طفل وراح عندها؟
نواف: انا مستغرب من محمد مو من عوايده يحب بنت كذا طول الوقت يسولف عنها وكل شوي يبي يروح لها مو من عوايده دايم يخاف من الحريم بعد ذيك الحرمه الي صرخت عليه وهو كاره الحريم بس يحب امي واختي الا هالبنت عشقها عشق موب صاحي
مسعود: ي رجال لا تكبر السالفه ورع وعرف له وحده تعطيه على جوه طبيعي يحبها كذا انا بنتي نجد يوم عطاها بهاج وجه طارت فيه عادي
نواف: مدري بس محمد غريب كان يسب الحريم عندي ويطقطق على اشكالهم الا ذي يمدحها وماعنده سالفه غيرها
مبارك:كلام مسعود حقيقي طفل ولقا من يسليه عادي
بعد ساعتين جلسو يسولفون دق جوال بهاج
بهاج: هلا لمار
لمار: بهاج محمد يبي برجع تعال خذه
بهاج: يلا جايك
نواف: وين ؟
بهاج: بروح اجيب محمد واجي
نواف: تمام
راح بهاج ولغرفه لمار
بهاج: عسى ما ازعجك؟
لمار: بالعكس كان هادي استانسنا
بهاج: زين اجل
لمار: انتبه له
بهاج: منتبه ماعليه
محمد: باي لماري
لمار: باي حمودي
اليوم الثاني الساعة ٩:٠٠Am
لمار: كذابه قولي قسم
بالين: ولله حتى تعلمت كلمات جديده عشان اذا رحت هناك
لمار: قهر المشكله انا في لندن مقدر استقبلك
بالين: لعيونك بجي لندن بعد ما اخلص شغلي بالسعوديه
لمار: ي لبى زين اسمعي بدور لك احد يكون مرشد سياحي لك عشان يساعدك
بالين: تمام
لمار دقت على عبدالله
عبدالله : هلا لمو كيفك
لمار: والله بخير انت اخبارك؟
عبدالله: بخير
لمار: عبدالله يمدي اطلب طلب؟
عبدالله: امري عيوني لك
لمار: مايامر عليك عدو صديقتي بتجي السعوديه وماتعرف احد فيها وعندها شغل ومحتاجه احد يساعدها تعرف يعني والود ودي تستقبلها
عبدالله: والله ي لمار الود ودي اساعدك بس مقدر انا وامي وابوي رايحين الجنوب
لمار: قهر طيب مايمديك تكلم احد يساعدني؟
عبدالله: بشوف احمد وارد لك
لمار :تمام شكرا
جهزت لمار وطلعت
وهي طالعه صادفت نواف ومحمد ومسعود ومبارك
محمد: لمارييي
لمار: اهلا حمودي اخبارك
محمد: بخير وين رايحه؟
لمار: بروح اخلص لي شغل واجي الا وين بهاج ما اشوفه معكم؟
محمد: عيى يقوم
انفتح باب الغرفه وكان بهاج واضح من وجهه انه توه صحى
بهاج: نواف استنوني بجهز واجي معكم
نواف: طيب استعجل
محمد: هذا امداه يقوم
نواف: محمد تجي معي ولا تستنى بهاج؟
محمد :لا بجي معك باي لماري
لمار: باي حمودي
دق جوال لمار وطلع عبدالله
لمار: هلا عبود
عبدالله: لمار احمد وافق
لمار: صدق قول قسم
عبدالله: قسم بالله بس هي متى تجي ؟
لمار: اتوقع بكره بروح بسالها وارد لك خبر
لمار عند باب الاصنصير معها مسعود ونواف ومحمد ومبارك
دقت لمار على بالين
بالين: هلا لمار
لمار: باليني ابشرك لقيت لك مرشد سياحي
بالين: صدق مين؟
لمار: يصير ولد جيرانا اسمه احمد يعرف تركي بس ما اتوقع مره يتابع مسلسلات تركيه كثير فا اكيد انه يعرف
بالين: الله يتابع مسلسلات تركيه حبيت يارب يتابع مسلسلي
لمار: ماعليك مختم كل المسلسلات يعني لو فيه مسلسل بينزل قريب تلاقينه مختمه قبل ينزل
بالين يضحك: واضح انه يحب المسلسلات مره
لمار: يحبها وبقوه بعد ايه صح متى بتجين
بالين: بكره ان شاء الله
لمار: للحين متضايقه اني مارح اقابلك كنت استنى هالفرصه من زمان
بالين: عوافي انا اصلا اذا خلصت شغلي هنا بجي لندن
لمار: صدق
بالين: اي والله
لمار: الله تحمست اشبو دا عيى يطلع
جا بهاج ناظرت لمار ساعتها
لمار بصدمه : تاخرتت باي بالين اكلمك شوي
بالين : باي لمو
نزلت لمار الدرج مستعجله
وطلعو من الفندق
راحت لمار ل الجامعه وخلصت اجراءات السكن
لمار: طفش شسوي الحين؟
راحت لمار ستاربكس اخذت قهوه ولبست سماعتها وقعدت تتمشى وتهوجس كيف بتصير حياتها الجديده وهل في احد بيفقدها وكيف بتتعرف على صحبات جدد كانت لمار خايفه من التغير الي بيصير بحياتها بيوم وليله نقلت من الرياض الى لندن
وقطع حبل افكارها حضن محمد لها
لمار: وي وي القهوه لاتنكب
محمد: اسف انكبت عليك؟
لمار: لا ما انكبت بس انت من وين جاي لا يكون ضيعت ربعك
محمد: لا هم هناك
لمار:زين اجل
محمد: وشفيك تهوجسين ومو مع العالم واضح انك متضايقه
لمار: لا مو متضايقه بس طفشانه
محمد:واضح عليك
لمار: اوف لهدرجه
محمد: مره طيب ليه ماتجين معنا؟
لمار: لا صعبه مع اخوك واخوياه مره فشله
محمد: طيب بهاج؟
لمار: بهاج فيه شويه ميانه بينا مو مره بس شويه
محمد: طيب تكفين تعالي
لمار: ما ينفع مره صعبه
محمد: ليه طيب؟
لمار: تستهبل اضايقهم ولا شي مستحيل
محمد: اف خلاص خليك هنا
لمار: وش بتسوي؟
محمد: خليك ثواني وبجي
راح محمد عند بهاج
محمد وهو يسحب بهاج: تعال ي ابن الناس
بهاج: وين ماخذني؟
طلعو بهاج ومحمد من المحل وكانت لمار واقفه قدام الباب قاعده تتامل شوارع لندن
بهاج: لمار؟
محمد: تعال ترا تكسرت وانا اسحب
لمار: اوه بهاج اهلا وش هالصدفه الجميله ؟
بهاج :اهلين عيونك الحلو..اءاء اقصد انتي اجم..اقصد
لمار بضحك: بعتبرك رديت ماعليك
محمد:يلا اقنعها
بهاج:اقنعها بايش؟
لمار:لا تحاول انت وياه قلت لا يعني لا لو ويش ماتسوي
بهاج: وش السالفه؟
محمد: اقنعها تجي تتمشى معنا
بهاج: اعقب عيب
لمار: شفت قلت لك
محمد: اوف كنت ابيك تتونسين
لمار: اتونس بس مو كذا
محمد: الله بولو
راح محمد ل بولو ولحقه بهاج
كملت لمار طريقها ودخلت كوفي واختارت لها طاوله تكون عند الشباك وطلبت لها حلا وقهوه وقعدت تتامل بالناس
مبارك: بهاج مو هاذي خطيبتك؟ شكلها زعلانه
بهاج: الا بس غريبه وش مزعلها؟
مبارك: والله مدري
لاحظتهم لمار ولوحت لهم بيدها
لوحلها بهاج واشر على خده بمعنى زعلانه؟
لمار حركت اصبعها بمعنى لا
بهاج: مبارك ثواني وبجي
مبارك: تمام بس استعجل
راح بهاج عند لمار
بهاج: احد مزعلك مضايقك؟
لمار: لا ليه ؟
بهاج :مبين من وجهك حتى عيونك كلها دموع
لمار: ايه هاذي بس اشتقت
بهاج: ل مين بالظبط؟
لمار: ل اهلي
بهاج: ما صارلك يوم
لمار: احسها سنه
بهاج:بتتعودين
لمار: يارب شكل اصحابك ينتظرونك
ناظر بهاج ل الشباك لقاهم العيال يناظرون فيهم
بهاج: عن اذنك ثواني بس
لمار: خذ وقتك
راح بهاج للعيال وكان يبي يضربهم ولمار تناظر وتضحك على اشكالهم
بعد ما انحاشو العيال ناظر بمكان لمار لقاها فاطسه ضحك على اشكالهم
ابتسم بهاج ولوح بيده وراح ورا العيال
خلصت لمار ورجعت الفندق وكان باين عليها الطفش
لمار: اذا هذا يوم واحد كيف الايام الباقيه؟ اصلا الايام الباقية ان شا الله بتعرف على صحبات
قعدت لمار تفكر ب عبدالله وكيف كان اسلوبه معها بنص هواجسيها دق عليها عبدالله
لمار: عبود توك كنت في بالي
عبدالله: هلا هلا بعيوني وقلبي هلا ب لولوه حياتي ها كيف كان يومك
لمار: ي لبى صراحه كان سيئ رحت خلصت اجراءات السكن وبنقل بعد اسبوع وحاليا انا باقصى مراحل الطفش رحت تقهويت وتمشيت بس طفش لما تكون لحالك الا صدق امي وابوي عندك؟
عبدالله: لا والله توني منزلهم امي عند خالتي حصه وابوي عند عمي مفلح وانا قاعد اتمشى مع عيال عمي مفلح مشاري وفيصل
لمار بضحك : يوهه مشاري القصير القزم ذاك الي كنت امردغه
عبدالله بضحك: ايه هو الي كنتي تمردغينه وابشرك للحين قزم
لمار: وفيصل هو نفسه الي كل ماشفنا بعض تماسكنا بشوش
عبدالله وهو فاطس ضحك: ايوه هو نفسه الي تتماسكون بشوش
لمار: يوه ايام حلوه والله اني اشتقت ل الديره
عبدالله: كلهم يسالون عنك لمار وين وراها ماجت من خوالي ومن عماني
لمار: ي حلوهم سلم لي على امي وابوي وخوالي وعماني والي عندك والله اني مشتاقه لهم
عبدالله: يوصل ان شا الله
لمار: صدق عبود تخيل
علمت لمار عبدالله السالفه الي صارت مع بهاج والعيال
عبدالله بضحك: يوه بهاج مو صاحي ي ناس
لمار بضحك : ابدا تخيل مردغهم مردغه
عبدالله: حرام رحمتهم صدق لمار مادريتي؟
لمار: وشو؟
عبدالله : حفله الي تحبينهم البنات الاربع بلاك بينك عندكم بلندن بعد بكره حجزتي لها؟
لمار: لا والله ولا فكرت اروح لها
عبدالله: غريبه عليك مو من عوايدك عاد ذولا بالذات تعشقينهم مو بس تحبينهم
لمار: مات شغفي
عبدالله: كيف مات انتحر ولا انقتل ههههههه
لمار بضحك: لا اندفن
دق جرس الباب
لمار: غريبه مين جاي؟ باي عبود بشوف مين عند الباب
عبدالله:باي
كان صوت جوال عبدالله مرفوع فاكانو العيال يقدرون يسمعون
مشاري: هاذي لمار ؟
عبدالله: ايه ي حلو لمار ي ناس
مشاري: الا هي وينها صدق ما اشوفها معكم ؟
عبدالله: اوه لمار راحت لندن
فيصل: ألا عبود عندي سوال من باب الفضول اذا مايضايقك
عبدالله:تفضل اسال
فيصل: بهاج ذا منهو و وش عرف لمار فيه؟
عبدالله: شكلكم قاطين معي
فيصل: لا والله بس صوت الجوال مرفوع فا قدرنا نسمع
عبدالله: عشان ارضي فضولك بهاج ذا خوي وخطيب لمار متملكين على بعض
مشاري بصدمه: لمار متزوجه!!
عبدالله: يوه من زمان
مشاري : ليه حنا اخر من يدري؟
فيصل: ي درج وان امي معلمتنا ذكليوم تقول لمار تملكت
مشاري: ما اذكر
فيصل: شكلك كنت راقد وقتها
عبدالله: نصيبها عاد وش نسوي
عند لمار
فتحت لمار الباب
محمد: لماريي
لمار: هلا حموديي اخبارك
محمد: والله بخير كيفك انتي
لمار: بخير ي عيوني انت وش الجارح يدك؟
محمد: اوه هذا شقيت يدي بالغلط
لمار: كذاب ! شلون شقيتها اشوف اح والله انها عميقه
محمد: كنت اقطع فطيرتي وجرحت نفسي
كان بهاج يناظرهم بصمت وهو يبتسم
لمار: ايه صح اثري ما ظيفتكم فشله حياكم داخل
بهاج: لا حنا كنا طالعين انا ومحمد قلنا نمر نتطمن عليك تامرين على شي توصين على شي
لمار: ابد سلامتك
راحو بهاج ومحمد للبقاله
قعدت لمار تتابع موفي وكلمت غزيل وقالت لها على السوالف الي صارت
غزيل: هههههههه يوه بهاج نكته
لمار: ههههه مره يوه ي ما ضحك عليه
صيته: غريلللل
غزيل: هلا يمههه لمار شوي وبجيك
لمار: تمام
راحت لمار جهزت نفسها وطلعت تسوي شوبينق وتستكشف المدينه
——————————————————————
اتمنى انه كان بارت لطيف خفيف
تجاهلو الاخطاء الاملائية
وبس والله سيو
