اليوم الثالث
الساعه ١٠:٠٠AM
صحو العيال وقعدو يجهزون اغراضهم
محمد: بهاج لمار بتروح معنا؟
بهاج: ما اتوقع
نواف: محمد وين الكاب حقك ؟
محمد: في شنطتي
بهاج: وش الطاري على هالسوال؟
محمد: لا بس كذا
طلع محمد بدون ما ينتبه له احد من العيال
عند لمار
طق باب الشقه
لمار وهي تفرك عيونها: طيب ما امداني اكد الطلب
فتحت لمار الباب
محمد: لماري
لمار: عيون لماري صباح الخير غريبه بهاج مو معك
محمد: صباح النور انا طلعت بدون ما يدري احد
لمار: تستهبل اكيد اخوك خايف عليك قاعد يدورك
محمد: طيب برجع بس بتروحين معنا السعوديه؟
لمار: لسوء حظي مقدر ي حمودي
محمد: ليه؟
لمار: بعد كم يوم ببدا دوام ولازم اجهز وبعد بكره بانقل اغراضي يعني ما يمديني مره
محمد: قهرطيب اسمعي وين جوالك؟
لمار: ليه؟
محمد: خذي رقم اختي وسولفي معها وصادقو بعض عشان ما تملين
لمار : عشان اختك ولا عشانك ههههههه
محمد: اثنينا
لمار: ي حلوك ي حمود والله بشتاق لك
محمد: سجلي عندك ٠٥
عطاها محمد الرقم
لمار: متاكد من الرقم؟
محمد : اي ليه؟
لمار: ذا رقم صديقتي ريناد
محمد: منجد
لمار: ايه
محمد: الله خلاص تم اذا جيتي السعوديه بقابلك انا وريناد
لمار: ولا يهمك
طلع نواف من الغرفه معصب ولقا لمار ومحمد يتكلمون عند الباب اشر نواف ل محمد باصبعه بمعنى الحقني ودخل
محمد: يوه ذا لازم يخرب سيو لولي
لمار: سيو حمودي
دخل محمد ورا نواف
نواف: تستهبل انتتت
محمد: وش سويت؟ ليه تصارخ علي؟
نواف: كيف تطلع من الشقه ولا بدون علمنا بعد
محمد: عادي كنت عند لمار
نواف: اشغلتنا ب لمار ذي خلاص فكنا منها
محمد دخل تحت الفراش وقعد يبكي
بهاج: مسعود انت ومبارك خذو نواف شوي وبنلحقكم انا ومحمد
اخذو مسعود ومبارك نواف وطلعو يتمشون شوي
بهاج: حمودي حبيبي لا تتضايق تعرف نواف عصبي
دق جوال بهاج
بهاج : هلا لمار
لمار: بهاج محمد صاير فيه شي؟
بهاج: ليه؟
لمار: لان الصراخ مو طبيعي
بهاج: لا بس نقاش صار
لمار: لا يكون عشان محمد جاني ؟
بهاج: لا سالفه تافه
لمار: وش صوت البكى الي عندك؟
بهاج: محمد قاعد يبكي
لمار: عطني ياه
محمد بنبره البكاء: ه...هلا
لمار: حمودي حبيبي مين زعلك اروح اصفقه لك
محمد: بشتاق لك
لمار: ي حبيبي انت عطني بهاج
بهاج :هلا
لمار: متى رحلتكم
بهاج: الساعه ٣
لمار: طيب اسمع استاذن من اخوه بتمشى مع محمد شويات قبل تسافرون ورد لي خبر
بهاج: تمام
قفل بهاج الخط ودق على نواف
نواف: هلا
بهاج: اول شي لا تعصب ثاني شي لمار تبي تتمشى مع محمد شوي قبل لا نسافر عشان تتغير نفسيته شوي ترا هي مادرت عن المشكله الي صارت
نواف: طيب والمطلوب ؟
بهاج: نبي اذنك موافق او لا
نواف: خله يروح الشكوى لله
بهاج: زين انتو وين؟
نواف: حنا بالكوفي
بهاج: زين بجهز اجيكم
نواف: تمام
قفل بهاج الخط
بهاج: تبي تروح مع لمار؟
محمد: اييي
بهاج: ها يلا قوم غسل وجهك
دق بهاج على لمار
لمار: هلا بشر؟
بهاج: وافق
لمار: زين بتجهز واجي
بهاج : تمام
طلعت لمار واخذت محمد وراحو للدزني لاند
الساعه ٢
لمار: يلا حمودي لازم تروح تمام؟
محمد: تمام
دقت لمار على بهاج
بهاج: هلا
لمار: وينكم؟
بهاج: حنا عند برج ايفل
لمار: حلو حنا عنده تشوفونا؟
بهاج: ايه عانيكم
راحو لمار ومحمد عند العيال
لمار: يلا حمودي انا لازم اروح توصي بشي؟
محمد: سلامتك بس ابي احضنك
لمار: تعال ي قلبي انت
حضن محمد لمار وقعد يبكي
لمار: حمودي وش فيك ؟ في احد ضايقك بشي ؟
محمد: بتوحشيني
لمار: ي روحي انت لا تبكي ترا ببكي معك
محمد: لولي عادي اطلب طلب
لمار: امر لو تبي عيوني عطيتك
محمد: تسلم عيونك عادي اذا جيتي الرياض اقابلك؟
لمار: ان شا الله اذا جيت اول شخص اسلم عليه انت ولا يهمك
بس لا اشوف دموعك
محمد: تمام
في الديره عند عيال العم مفلح
مشاري: فيصل شلون تبي تقنعني ان حب حياتي ماهي من نصيبي شلوننن
فيصل: اي حب حياتك والبنت اساسا مادرت عن حبك بعدين خلاص قسمه ونصيب وهذا نصيب البنت
مشاري: طيب وانا ؟ وحبي لها ؟ شلون بعيش مع وحده غير لمار شلوننن تدري اذا ما اخذتها محد ياخذها غيري
فيصل: وش بتسوي؟ صاحي انت مايمديك خلاص
مشاري :مالي دخل لو اذبح رجالها اهم شي اتزوجها فاهممممم
طلع مشاري معصب ودخل عند علي
علي: بسم لله وش فيك وانا عمك
مشاري: ي عم تكفى طلبتك ولا تردني
مفلح: اخلص وش عندك؟
مشاري: تكفى ي عم ابي لمار تكفى
علي: والله ي مشاري صعبه البنت تزوجت لو انك جاي قبل كان عطيتك ياها بس الحين مقدر
مشاري: ي عم ناضر ترا الخاطر يبيها من سنين كم تكفى ي عم تكفى ابيها لو تطلقها منه وتزوجني ياها راضي ي عم انا احبها تكفى بخليها بعيوني وبحافظ عليها تكفى
عبدالله: هييي على كيفك طلقها وزوجني ياها الدنيا فوضى هي بعدين اذا انت لهدرجه تبيها ليه ماخطبتها من اول
مشاري : عبدالله اطلع منها
مفلح: مشارييي سد حلقك وانقلع
عبدالله: ماني طالع منها وخلاص البنت تزوجت يعني لو وش ماتسوي مارح تتزوجها
مشاري: عبودددد سد فمك احسنننن لككككك
ركض فيصل يم مشاري مسكه ويحاول يهديه
فيصل: اعذروه مخه مو براسه
طلعو فيصل ومشاري من المجلس
دقت لمار على عبدالله
عبدالله: عن اذنكم
رد عبدالله
لمار: عبود
عبدالله : لبيه ي عيون عبود وروحه وعروق قلبه انتي اخبارك
مفلح: وين؟
عبدالله: عندي مكالمه
طلع عبدالله من المجلس
علي: دامه قعد يهلي هلون تراها لمار
لمار: ي حلوك ي عبود والله انك واحشني
عبدالله: تخيلي لمار وش صار
لمار : وشو هوشه عرس زواج وشوو؟
علم عبدالله لمار
لمار: وخزياه منجده ذا عجيب ذا الورع
عبدالله: مدري عنه الاهبل ولا ويقول انا احبها ويحطها بعيوني ي شيخ سري بس وينك من اول
لمار: عاد ابوي وش قال؟
عبدالله: رفض اكيد وشو لعبه السالفه يطلقك من ذا ويزوجك ذا
لمار: الحمدلله شكله انهبل
عبدالله: والله الظاهر
لمار: ابوي وامي عندك؟
عبدالله: لا والله يوم دقيتي وانا اطلع من عند ابوي
لمار: زين اجل بروح اكلمه واجيك
عبدالله: تمام ي بعدي سيو
لمار بضحك: حركات تطور من مع السلامه ل سيو
عبدالله : ههههه اي اعجبك
لمار: يلا اجل مع السلامة
قفلت الخط لمار وراحت دقت على ابوها
لمار : ي هلا بروحي ي هلا بعيوني الي اشوف فيها اخبارك ي يبه
