" وينك ياروحي ؟ "
--------------------------
: عظم الله اجرك
كانت هي الكلمه الوحيده الكفيلة اللي خلتني انهار واستوعب الدنيا اللي حولي ، ماقدرت اوقف ع رجليني ... ياعالم قولوا هذا حلم قولوا انه مقلب وما مات !!
رميت نفسي بالارض و صرت اناظر بالاشيء .. اشوف الرجال ملتمين حولي لكن مااسمع وش يقولون اصواتهم بعيييده عني
هو صدق مات وتركني ؟
مابقدر اصبح وامسي عليه ؟
ما بقدر نتقهوى مع بعض ونتهاوش و شويه ونرجع نسولف ولاكأنه صار شي ء ؟
صحيت من شرودي وناظرت للرجال اللي ملتمين حولي ... بلعت ريقي وتكلمت بصوت مبحوح : وينه ؟
التفتوا الرجال ع بعض بإستغراب وتكلم واحد منهم كان كبير بالسن
: ياولدي من تبي واجيبه لك
ناظرته وكان عندي امل انه كل شيء كذب : ابي جدي جيبوه لي
شفت نظرت الحزن بوجهه وتكلم بتردد : راح عند اللي ارحم منا ولا نقدر نجيه وان شاء الله نقابله بجنات النعيم
ماقدرت استوعب كلامه وجلست اصارخ بغضب
: اقولك شفته قبل شوي بالصباح وكنا نسولف ونضحك كيف تقولي راح لربه ؟!
دفيتهم و قمت ادور عليه بعيني ... صرت التلفت واصارخ بنداء عليه
: جديي يا جديييي تعال شف الرجال موجودين ..... جدي ؟
التفت ع الرجال وهم ناظروني بحزن وشفقه وتكلمت بحده
: انتم شوفوا وشبلاه مايرد علي ... ذي مو من عوايده
اقترب مني خالي نواف وهو ينتفض من البكاء والشهاق ... مسك كتوفي و خلاني اناظر بوجهه المدمع والمحمر من البكاء ، استجمع نفسه وتكلم : محمد صحصح ماصار موجود بذي الدنيا شفيك انجنيت علينا ؟!
توسعت عيوني و دفيته بقوه اما هو ابتعد وترنح بوقفته ، تكلمت بغصه
: كذااااب لا تكذببب اكيد هو متخبي بغرفته
أنت تقرأ
كيف خليتني عقب الجماعة وحييد ؟؟
Romanceجعل اليدين على الطيب ربتني تدخل جنات الخلد وتقطف ثمرها [رواية سعودية ]
