كيف خليتني عقب الجماعة وحييد ؟؟

Part 3

" ليتك تشوف الحال من بعد فرقاك "

---------------

قمت مفجوع ادور عليه بعيوني بعد الحلم ، زاراني بحلمي و جلس يوصيني ع نفسي وعلى اختي ! ناظرت للغرفه و كانت ريماس متلحفه بالبطانيه

مسحت وجهي من العرق بما ان الغرفه مافيها مكيف ، فتحت جوال جدي و شفت الوقت 6:15 فاتتني صلاة الفجر
قمت و رحت عند راس ريماس و ناديتها ، و بالغصب قامت و خرجنا من الغرفة ندور حمام نتوضى فيه

نزلنا الدور الارضي و رحت للحمام وتوضيت وتوضت من بعدي ريماس
رجعنا للغرفة وبما انه مافي سجاده صلينا ع الارض
خلصت من الصلاه و جلست ع الارض استغفر و ادعي لجدي بالرحمه

ريماس بخفوت : محمد

التفت لها بهدوء وهي ناظرتني بدمعة ع عيونها
ريماس: تتوقع جدي مرتاح بقبره ومايتعذب ؟

تنهدت و ناظرت للسقف
: يمكن ، انتي حاليا ركزي بدعواتك لجدي ولاتنسيه من لسانك

همهمت لي بتفهم ، و اما انا نزلت دموعي ل ذكراه ، يا ناس شلون انساه اذا حتى مرور اسمه يبكيني ؟ مهربي الوحيد اللي كنت الجأ له من أسى و سواد ايامي ما صار موجود ، المهرب اللي كنت احكي له عن حزني ، صار هو احدى اسباب هالحزن

شيء يزعل المكان اللي كنت تظن امانك ويغمرك بحنانه واللي بكيت
بحضنه خوفا من خسارته هو اللي خسرك وتركك بنص الطريق

كان شخص حنون تجاهي كان ألينّ الاشياء اللي امتلكها ، كان يسعى دايم انه يرمم خرابي حتى لو هو تعبان ، يرممه كأنه يرمم منزله ، حتى لو اهدم كل شيء يبدأ معي من نقطه البدايه ... وهذا سبب كافي يخليني احبه وارفض نسيانه

كان عندي استعداد اني اتباهى فيك في وقت تخرجي ، بس انصدمت بتركك لي و تغطية نفسك بالتراب ... ابتسامتك ، حنانك ، لمسات يدك ، سواليفك ، اللي يسمع كلامي بيقول اني احب ؟ ايه انا مغرم وعاشق وكيف ما اعشق ذا الجد الحنوون ؟ اشتاق لك بكل ثانيه لكنك مدفون تحت التراب

ذي الفتره تجيني اسأله غريبه ، هل هو مرتاح بقبره ؟ هو يتعذب ؟ سوا ذنب وقاعد يتعذب بقبره ؟

فتحت جواله وناظرت بصورنا مع بعض ، كل صوره لها ذكريات خاصه
ناظرت بأول صوره صورتها معاه لما كان عمري سنة
كان هو منسدح  ومبتسم وانا متكي ع جسمه و اناظر للي يصورنا بفهاوه

نزلت دموعي و صرت اشاهق ، ناظرت للصور الباقيه وكل ماشفتها كان قلبي ينقبض اكثر واكثر
بكل صوره كان مبتسم فيها كانت الابتسامه ماتفارق وجهه
حسيت بنفسي ينكتم و صرت اتنفس بقوه ، ضربت ع صدري بقوه و جلست اكح من الالم