دخيله الأسد 🔞🔞🔞

البارت 9+10🔞

#دخيله_الاسد

البارتات9_____10

🔞🔞🔞🔞

ﺳﺎﺧﺒﺮ ﺍﻟﺠﻤﻴﻊ ، ﺍﻧﻨﻲ ﺍﺣﺒﺒﺘﻚ ﻓـ ﺧﺬﻟﺘﻨﻲ ،
ﺍﻟﺸﻴﺦ ﺍﺳﺪ ...
ﺑﻌﺪ ﻣﺎﻋﺮﻓﺖ ﺑﺴﺎﻟﻔﻪ ﺭﻳﻢ . ﻛﻠﺖ ﻻﺯﻡ ﺍﺑﺪﻱ ﺍﺩﻭﺭ ﻋﻠﺊ ﻫﺬﺍ ﺍﻟﻤﻴﺘﻢ ﻭﺍﻋﺮﻑ ﻣﻜﺎﻧﻪ ﻭﻗﺴﻤﺖ ﺑﺎﻟﻠﻪ ﺍﻟﻪ ﺍﺧﻠﻲ ﻫﺬﺍ ﺍﻟﺤﺎﺭﺱ ﻳﺘﻤﻨﺊ ﺍﻟﻤﻮﺕ ﺑﺲ ﻣﺎﻳﺎﺧﺬﺓ ﻋﻠﺊ ﺍﻟﻲ ﻣﺴﻮﻱ ﺏ ﺭﻳﻢ ﻭﺳﺠﺊ ﻭﺍﻟﻠﻪ ﺍﻟﻲ ﻳﻌﻠﻢ ﻛﺪ ﺑﻨﻴﻪ ﻣﺴﻮﻱ ﺑﻴﻬﺎ ﺷﻲ ﻭﻣﻌﺘﺪﻱ ﻋﻠﻴﻬﺎ ...
ﻓﻜﺮﺕ ﻻﺯﻡ ﺍﺳﺌﻞ ﺭﻳﻢ ﻋﻦ ﻣﻮﻗﻊ ﺍﻟﻤﻴﺘﻢ ﻭﺍﺳﻢ ﺍﻟﺤﺎﺭﺱ ﻭﺍﺳﻢ ﺍﻟﻤﺪﻳﺮﺓ
ﺩﺧﻠﺖ ﻟﻠﺒﻴﺖ
ﺍﻟﺸﻴﺦ ﺍﺳﺪ : ﺍﻟﺴﻼﻡ ﻋﻠﻴﻜﻢ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ ﻭﺍﻟﺮﺣﻤﻪ
ﺍﻟﺸﻴﺨﻪ : ﻫﻼ ﺑﻮﻟﻴﺪﻱ ﺗﻌﺎﻝ ﺍﻛﻌﺪ ﻳﻤﻲ
ﺍﻟﺸﻴﺦ ﺍﺳﺪ : ﻳﻲ ﺷﻴﺨﻪ ﻛﻠﺒﻲ ﺟﺎﻳﺞ ﺑﺲ ﺿﻴﻮﺵ ﺑﻮﻳﺔ ﺍﺭﻳﺪ ﺍﺳﺘﻜﺎﻥ ﺟﺎﻱ ﻳﻌﺪﻝ ﺍﻟﺮﺍﺱ
ﺿﻲ ﺍﻟﮕﻤﺮ : ﺣﺎﺿﺮ
ﺍﻟﺸﻴﺨﻪ : ﻫﺎ ﻳﻤﻪ ﺷﺒﻴﻚ ﺭﺍﺳﻚ ﺑﻲ ﺷﻲ
ﺍﻟﺸﻴﺦ ﺍﺳﺪ : ﻻﺷﻴﺨﻪ ﻛﻠﺒﻲ ﺳﻼﻣﺘﺞ ﻣﺎﺑﻴﻪ ﺷﻲ ﺑﺲ ﻣﺼﺪﻉ ﺷﻮﻳﺔ
ﺍﻟﺸﻴﺨﻪ : ﻫﺎﺍ
ﺍﻟﺸﻴﺦ ﺍﺳﺪ : ﺍﻳﻲ ... ﺷﻴﺨﺘﻲ ﺷﻨﻲ ﺍﻟﺴﺎﻟﻔﻪ ﺍﻟﻴﻮﻡ ﻣﺤﺪ ﺑﺎﻟﺒﻴﺖ ﺟﺎ ﻭﻳﻦ ﺍﻣﻲ ﻭﻧﺴﻮﺍﻥ ﻋﻤﻲ ﻭﺑﻨﺎﺕ ﻋﻤﻲ ﻣﻮ ﻣﻦ ﻋﺎﺩﺗﻬﻦ ﻣﺎﻳﺠﻦ ﻳﻤﺞ
ﺍﻟﺸﻴﺨﻪ : ﻭﺍﻟﻠﻪ ﻳﻮﻟﻴﺪﻱ ﺍﻣﻚ ﻭﻣﺮﺕ ﻋﻤﻚ ﺭﺿﺎ ﺭﺍﺣﻦ ﻟﻠﺴﻮﻙ ﻳﺸﺘﺮﻥ ﻣﻼﺑﺲ ﻝ ﺭﻳﻢ ﻻﻥ ﻣﺎﻋﺪﻫﺎ ﺗﻠﺒﺲ ﺧﻄﻴﻪ ﻭﻣﺮﺕ ﻋﻤﻚ ﺣﺴﻦ ﻭﺭﺍ ﺍﻟﺒﻴﺖ ﺗﺨﺒﺰ ﻭﺑﺎﻟﺒﻨﺎﺕ ﻛﻠﻬﻦ ﺑﺎﻟﺪﻭﺍﻡ ﺑﺲ ﺿﻲ ﻣﺎﻣﺪﺍﻭﻣﻪ ﺗﻜﻮﻝ ﻣﺎﻟﻲ ﺧﻠﻚ ﺍﺩﺍﻭﻡ ﺍﻟﻴﻮﻡ
ﺍﻟﺸﻴﺦ ﺍﺳﺪ : ﻫﺎ ﺧﻴﺮ ﺍﻥ ﺷﺎﺀ ﺍﻟﻠﻪ
ﺍﺟﺖ ﺿﻲ ﺑﻴﺪﻫﺎ ﻛﻼﺹ ﺍﻟﺠﺎﻱ
ﺗﻔﻀﻞ ﺑﻮﻳﺔ ﺟﺎﻳﻚ
ﺍﻟﺸﻴﺦ ﺍﺳﺪ : ﻳﻲ ﺭﺣﻢ ﺍﻟﻠﻪ ﻭﺍﻟﺪﻳﺞ
ﺿﻲ ﺍﻟﮕﻤﺮ : ﺗﺪﻟﻞ
ﺍﻟﺸﻴﺦ ﺍﺳﺪ : ﺑﻮﻳﺔ ﺿﻴﻮﺵ ﻟﻴﺶ ﻣﺎﻣﺪﺍﻭﻣﻪ ﺍﻟﻴﻮﻡ ﻣﺮﻳﻀﻪ؟
ﺿﻲ ﺍﻟﮕﻤﺮ : ﻻﺑﻮﻳﺔ ﻣﺎﺑﻴﻪ ﺷﻲ ﺑﺲ ﻣﺎﻟﻲ ﺧﻠﻚ ﺍﺩﺍﻭﻡ ﺗﻌﺎﺟﺰﺕ ﻫﻬﻬﻪ
ﺍﻟﺸﻴﺦ ﺍﺳﺪ : ﻫﺎ ﺧﻮﺵ ﻫﻬﻪ ﺍﻟﻌﺠﻮﺯﻳﺔ
ﺿﻲ ﺍﻟﮕﻤﺮ : ﻫﺎ ﺭﺍﺡ ﺗﻄﻠﻌﻠﻲ ﻟﻘﺐ ﻣﻮﻭ
ﺍﻟﺸﻴﺦ ﺍﺳﺪ : ﻫﻬﻬﻬﻬﻬﻬﻪ
ﺭﻳﻢ ...
ﺟﻨﺖ ﺑﺎﻟﻐﺮﻓﻪ ﺑﺪﻟﺖ ﻣﻼﺑﺴﻲ ﻭﺿﻔﺮﺕ ﺷﻌﺮﻱ ﻭﻛﻠﺖ ﺧﻠﻲ ﺍﻧﺰﻝ ﻳﻢ ﺿﻲ ﻭﺍﻟﺸﻴﺨﻪ ﻋﻴﺐ ﺷﻴﻜﻮﻟﻦ ﻋﻠﻴﻪ ﺧﺎﺗﻠﻪ ﺑﺎﻟﻐﺮﻓﻪ ﻭﻫﺴﻪ ﻣﺤﺪ ﺑﺎﻟﺒﻴﺖ ﻛﻠﻬﻢ ﺑﺎﻟﺸﻐﻞ ﺣﻄﻴﺖ ﺣﺠﺎﺑﻲ ﻋﻠﺊ ﺟﺘﻮﻓﻲ ﻭﻧﺰﻟﺖ ﻭﺍﻧﻲ ﺍﺻﻴﺢ ﺏ ﺍﺳﻢ ﺿﻲ ﺿﻴﻴﻴﻮﺵ ﻛﻠﺒﻲ ﻭﻳﻨﺞ ﻭﺻﻠﺖ ﻟﻠﺼﺎﻟﻪ ﺍﻟﺘﻠﻔﺖ ﻣﺤﺪ ﺑﻴﻬﺎ ﺩﺧﻠﺖ ﻟﻠﺼﺎﻟﻪ ﺍﻟﺠﺒﻴﺮﺓ ﺑﺪﻭﻥ ﺍﻧﺘﺒﺎﻩ ﻭﺻﺤﺖ ﺿﻴﻮﺵ ﺧﻴﻪ ﻭﻳﻨﺞ
ﻣﺎﺍﺳﻤﻊ ﺑﺲ ﻭﺍﺣﺪ ﻳﺤﻤﺤﻢ ﺩﺭﺕ ﻭﺟﻬﻲ ﻭﺍﺷﻮﻑ ﺍﻟﺸﻴﺨﻪ ﻭﺿﻲ ﻣﻴﺘﺎﺕ ﺿﺤﻚ ﻭﺍﻟﺸﻴﺦ ﺍﺳﺪ ﺻﺎﻓﻦ ﻋﻠﻴﻪ ﺍﻧﻲ ﻛﺒﻞ ﺭﻛﻀﺖ ﻭﻭﻛﻌﺖ ﻋﻠﺊ ﻭﺟﻬﻲ ﺏ ﺍﻭﻝ ﺩﺭﺟﻪ ﻭﺍﺳﻤﻊ ﺻﻮﺗﻪ ﻳﻜﻮﻝ ﻋﻠﺊ ﻛﻴﻔﺞ ﻳﺒﻮﻳﺔ ﻻﺗﺘﻌﻮﺭﻳﻦ ﻳﺒﻮﻭﺓ ﻃﺒﻨﻲ ﻋﺮﺝ ﺗﻔﺸﻠﺖ ﺷﻨﺰﻟﻨﻲ ﻫﺴﻪ ﺍﻧﻲ ﻭﺭﺣﺖ ﺭﻛﺾ ﻟﻠﻐﺮﻓﻪ
ﺍﻟﺸﻴﺨﻪ ﻭﺿﻲ
ﺍﻟﺸﻴﺨﻪ : ﻟﺞ ﺿﻲ ﺷﻔﺘﻲ ﺍﻟﻲ ﺍﺳﻮﻓﻪ ﻣﻮ ﺟﺪﺓ
ﺿﻲ ﺍﻟﮕﻤﺮ ‏( ﺑﻔﺮﺣﻪ ‏) : ﻳﻴﻲ ﺟﺪﺓ ﺷﻔﺘﻪ ﺷﻠﻮﻥ ﺻﻔﻦ ﻋﻠﻴﻬﺎ ﻭﺑﺎﻟﻪ ﻭﻳﺎﻫﺎ ﺷﻠﻮﻥ ﺧﺎﻑ ﻋﻠﻴﻬﺎ ﻭﺗﺪﺭﻳﻦ ﺟﺪﺓ
ﺍﻟﺸﻴﺨﻪ : ﺑﺸﻨﻮ ﻭﻟﺞ
ﺿﻲ ﺍﻟﮕﻤﺮ : ﺍﻟﻠﺒﺎﺭﺣﻪ ... ﻭﺣﺠﺘﻠﻬﺎ ﺍﻟﺼﺎﺭ
ﺍﻟﺸﻴﺨﻪ : ﺍﻭﻓﻒ ﻳﻮﻡ ﺍﻟﻤﻨﺊ ﺍﻟﻲ ﻧﺸﻮﻑ ﺍﺳﺪ ﻣﺴﺘﻘﺮﺭ ﻭﺍﻟﻠﻪ ﺭﻳﻢ ﻭﺭﺩﺓ ﻭﺧﻮﺵ ﺑﻨﻴﻪ
ﺿﻲ ﺍﻟﮕﻤﺮ : ﻳﻲ ﻭﺍﻟﻠﻪ ﺟﺪﺓ
ﺍﻟﺸﻴﺨﻪ ‏( ﺑﻀﺤﻜﻪ ‏) : ﻫﺎ ﻳﻤﻪ ﺍﺳﺪ ﻭﻳﻦ ﻭﺻﻠﺖ
ﺍﻟﺸﻴﺦ ﺍﺳﺪ : ﻭﻫﻮ ﻳﻨﺘﺒﻪ ﻟﻨﻔﺴﻪ ﺷﻠﻮﻥ ﺻﺎﻓﻦ ﻫﺎ ﺷﻴﺨﻪ ﻛﻠﺒﻲ ﻭﻳﻦ
ﺍﻟﺸﻴﺨﻪ : ﻫﻬﻬﻬﻬﻪ
ﺍﻟﺸﻴﺦ ﺍﺳﺪ : ﺧﻴﺮ ﺍﻥ ﺷﺎﺀ ﺍﻟﻠﻪ
ﺍﻟﺸﻴﺨﻪ : ﺧﻴﺮ ﺧﻴﺮ
ﺍﻟﺸﻴﺦ ﺍﺳﺪ : ﺿﻴﻮﺵ ﺭﻭﺣﻲ ﺻﻴﺤﻲ ﺭﻳﻢ ﺍﺭﻳﺪ ﺍﺳﺌﻠﻬﺎ
ﺿﻲ ﺍﻟﮕﻤﺮ : ﺗﺄﻣﺮ ﻭﺭﺍﺣﺖ ﺿﻲ ﺗﺼﻴﺢ ﺭﻳﻢ
ﺍﻟﺸﻴﺨﻪ : ﻫﺎ ﻳﻤﻪ ﺷﺘﺮﻳﺪ ﻣﻨﻬﺎ
ﺍﻟﺸﻴﺦ ﺍﺳﺪ : ﻭﺍﻟﻠﻪ ﺍﺭﻳﺪ ﺍﺳﺌﻠﻬﺎ ﻋﻦ ﺍﺳﻢ ﺍﻟﻤﻴﺘﻢ ﻭﻣﻜﺎﻧﻪ ﻭﺍﺳﻢ ﺍﻟﻤﺪﻳﺮﺓ ﻭﺍﻟﺤﺎﺭﺱ ﺍﻭﻝ ﺷﻲ ﺍﺭﻳﺪ ﺍﺗﺄﻛﺪ ﻣﻦ ﻛﻼﻣﻬﺎ ﻭﺛﺎﻧﻲ ﺷﻲ ﺍﻛﺴﺮ ﺍﻟﺤﺎﺭﺱ ﻭﺍﻃﺮﺩ ﺍﻟﻤﺪﻳﺮﺓ
ﺍﻟﺸﻴﺨﻪ : ﺍﻟﻠﻪ ﻳﺴﻬﻠﻚ ﻳﻤﻪ
ﺍﻟﺸﻴﺦ ﺍﺳﺪ : ﺍﻣﻴﻦ
ﺿﻲ ﺻﻌﺪﺕ ﻝ ﺭﻳﻢ
ﺿﻲ ﺍﻟﮕﻤﺮ : ﺭﻳﻢ
ﺭﻳﻢ ‏( ﻭﻫﻲ ﺗﻔﺰ ﻣﻦ ﺻﻔﻨﺘﻬﺎ ‏) : ﻫﺎ ﻛﻠﺒﻲ
ﺿﻲ ﺍﻟﮕﻤﺮ : ﺍﻟﺸﻴﺦ ﺍﺳﺪ ﻳﺮﻳﺪﺝ
ﺭﻳﻢ ‏( ﺏ ﺍﺳﺘﻐﺮﺍﺏ ‏) : ﻟﻴﺶ
ﺿﻲ ﺍﻟﮕﻤﺮ : ﻣﺎﺩﺭﻱ ﻭﺍﻟﻠﻪ ﻳﻼ ﺍﻟﺒﺴﻲ ﺣﺠﺎﺑﺞ ﻭﺍﻧﺰﻟﻲ
ﺭﻳﻢ : ﺗﻤﺎﻡ ﻧﺰﻟﺖ ﺿﻲ ﻭﺭﻳﻢ ﻟﺒﺴﺖ ﺣﺠﺎﺑﻬﺎ ﻭﻧﻜﺎﺑﻬﺎ ﻭﻋﺒﺎﻳﺘﻬﺎ ﻭﻧﺰﻟﺖ ﺑﻌﺪﻫﺎ ﺧﺠﻼﻧﻪ ﻭﻣﺘﻔﺸﻠﻪ ﻣﻦ ﺍﻟﺸﻴﺦ
ﺭﻳﻢ ‏( ﺑﺘﻮﺗﺮ ‏) : ﻫﺎ ﺷﻴﺦ ﻃﻠﺒﺘﻨﻲ
ﻟﻠﺸﻴﺦ ﺍﺳﺪ : ﺍﻱ ﺑﻮﻳﺔ ﺗﻌﺎﻱ ﺍﻛﻌﺪﻱ
ﺭﻳﻢ : ﻛﻌﺪﺕ ﻳﻢ ﺍﻟﺸﻴﺨﻪ ﻭﻧﺰﻟﺖ ﺭﺍﺳﻲ
ﺍﻟﺸﻴﺦ ﺍﺳﺪ : ﺍﻧﻄﻴﻨﻲ ﺍﺳﻢ ﺍﻟﻤﻴﺘﻢ ﻭﺍﺳﻢ ﺍﻟﺨﺎﺭﺱ ﻭﺍﺳﻢ ﺍﻟﻤﺪﻳﺮﺓ
ﺭﻳﻢ : ﺣﺎﺿﺮ ﺍﺍﻟﻤﻴﺘﻢ ﺍﺳﻤﻪ .... ﺍﻟﻤﺪﻳﺮﺓ ﺍﺳﻤﻬﺎ ﺷﺠﻮﻥ ﻣﺤﻤﺪ ﺣﺴﻦ ﻛﺎﻣﻞ ﻭﺍﻟﺤﺎﺭﺱ ﺍﺳﻤﻪ ﻣﺤﺴﻦ ﻋﻠﻲ ﺟﺎﺳﺐ ﻳﺼﻴﺤﻮﻟﺔ ﺍﺑﻮ ﻓﺘﻨﻪ
ﺍﻟﺸﻴﺦ ﺍﺳﺪ : ﺧﻮﺵ ﺯﻳﻦ ﺷﻨﻮ ﺍﺳﻢ ﺍﻟﺒﻨﻴﻪ ﺍﻟﻲ ﻭﻳﺎﺝ ﻧﺴﻴﺖ ﺍﺳﻤﻬﺎ
ﺭﻳﻢ ‏( ﺑﻔﺮﺣﻪ ‏) : ﺣﻮﺭ ﺍﺳﻤﻬﺎ ﺣﻮﺭ ﺳﺎﻻﺭ ﺟﺎﻥ
ﺍﻟﺸﻴﺦ ﺍﺳﺪ : ﻣﺎﺷﻲ ﺍﺧﺬﻱ ﺭﺍﺣﺘﺞ ﺑﻮﻳﺔ ﺍﻧﻲ ﻃﺎﻟﻊ ﻭﺳﻠﻤﺖ ﻋﻠﺊ ﺍﻟﺸﻴﺨﻪ ﻭﻃﻠﻌﺖ
ﺍﺗﺼﻠﺖ ﻋﻠﺊ ﻭﻟﺪ ﺻﺎﺣﺒﻲ ﻳﺸﺘﻐﻞ ﺑﺎﻟﻤﺨﺎﺑﺮﺍﺕ ﻭﺿﺎﺑﻂ
ﺍﻟﺸﻴﺦ ﺍﺳﺪ : ﺍﻟﻮﻭ
ﺍﻳﺎﻥ : ﻫﻼ ﻭﺍﻟﻠﻪ ﺏ ﺍﺳﺪ
ﺍﻟﺸﻴﺦ ﺍﺳﺪ : ﻫﻼ ﺑﻴﻚ ﺧﻮﻳﺔ
ﺍﻳﺎﻥ : ﺑﻌﺪ ﻛﻠﺒﻲ ﺷﻴﺦ ﺷﻠﻮﻧﻚ
ﺍﻟﺸﻴﺦ ﺍﺳﺪ : ﺑﺨﻴﺮ ﺍﻧﺖ ﺷﻠﻮﻧﻚ
ﺍﻳﺎﻥ : ﻭﺍﻟﻠﻪ ﺻﺮﺕ ﺑﺨﻴﺮ ﻣﻦ ﺷﻔﺖ ﺍﺗﺼﺎﻟﻚ
ﺍﻟﺸﻴﺦ ﺍﺳﺪ : ﻫﻬﻬﻪ ﻋﺴﺎﻟﻚ ﺩﻭﻡ ﺑﺨﻴﺮ ﺍﻳﻮﻥ
ﺍﻳﺎﻥ : ﺩﻭﻡ ﻟﻠﻀﺤﻜﻪ ﺷﻴﺦ
ﺍﻟﺸﻴﺦ ﺍﺳﺪ : ﺩﺍﻳﻤﻪ ﺍﻳﺎﻣﻚ ﺍﺧﻮﻱ
ﺍﻳﺎﻥ : ﺑﻌﺪ ﻛﻠﺒﻲ
ﺍﻟﺸﻴﺦ ﺍﺳﺪ : ﺍﻳﺎﻥ ﺍﺭﻳﺪﻙ ﺏ ﺑﺸﻐﻠﻪ
ﺍﻳﺎﻥ : ﺗﺄﻣﺮ
ﺍﻟﺸﻴﺦ ﺍﺳﺪ : ﺍﺭﻳﺪﻙ ﺗﻜﻠﻲ ﻭﻳﻦ ﻣﻜﺎﻥ ﻣﻴﺘﻢ ﺍﺳﻤﻪ .... ﻭﺍﺭﻳﺪ ﺍﻟﻤﻌﻠﻮﻣﺎﺕ ﺍﻟﻜﺎﻣﻠﻪ ﻋﻦ ﺷﺠﻮﻥ ﻣﺤﻤﺪ ﺣﺴﻦ ﻛﺎﻣﻞ ﻭ ﻣﺤﺴﻦ ﻋﻠﻲ ﺟﺎﺳﺐ ﻳﺼﻴﺤﻮﻟﺔ ﺍﺑﻮ ﻓﺘﻨﻪ
ﺍﻳﺎﻥ : ﺗﺪﻟﻞ ﺷﻴﺦ ﻳﻮﻣﻴﻦ ﻭﻳﻜﻮﻥ ﻋﻨﺪﻙ ﻣﻠﻔﻬﻢ
ﺍﻟﺸﻴﺦ ﺍﺳﺪ : ﻣﺎ ﻳﺪﻟﻞ ﻋﻠﻴﻚ ﺿﺎﻟﻢ
ﺍﻳﺎﻥ : ﻣﺤﺘﺎﺝ ﺷﻲ
ﺍﻟﺸﻴﺦ ﺍﺳﺪ : ﺳﻼﻣﺘﻚ
ﺍﻳﺎﻥ : ﻣﻊ ﺍﻟﺴﻼﻣﻪ
ﺍﻟﺸﻴﺦ ﺍﺳﺪ : ﺍﻟﻠﻪ ﻭﻳﺎﻙ ﻭ .....
ﺍﻟﺒﻴﺖ
ﺍﺟﻦ ﺍﻟﺒﻨﺎﺕ ﻣﻦ ﺍﻟﺪﻭﺍﻡ ﻭﺍﺟﺘﻤﻌﻦ ﺑﻐﺮﻓﻪ ﺍﻟﻀﻴﻮﻑ
ﺗﺮﻑ : ﺭﺍﺡ ﺍﻛﻮﻝ ﺷﻲ ﺑﺲ ﺍﺳﻤﻌﻨﻲ ﻻﺗﻘﺎﻃﻌﻨﻲ
ﺭﻳﻢ : ﺍﻱ ﺣﺒﻴﺒﺘﻲ ﺍﺣﺠﻲ
ﺷﻤﺲ : ﺷﻜﻮ ﻭﻟﺞ ﺍﺣﺠﻲ
ﺗﺮﻑ : ﺗﺪﺭﻥ ﺷﺼﺎﺭ ﺍﻟﺒﺎﺭﺣﻪ
ﺍﺻﻴﻞ ‏( ﺑﻨﻔﺎﺫ ﺻﺒﺮ ‏) : ﺷﺼﺎﺭ ﺑﻠﻪ
ﺗﺮﻑ : ﻫﻤﺎﻡ
ﺍﻟﺒﻨﺎﺕ ﻛﻠﻬﻦ ﻋﺪﺍ ﺭﻳﻢ ﻻﻥ ﻣﺎﺗﻌﺮﻓﻪ ‏( ﺑﺼﺪﻣﻪ ‏) : ﺷﺒﻲ
ﺗﺮﻑ : ﺍﻋﺘﺮﻓﻠﻲ
ﺍﻟﺒﻨﺎﺕ : ﺟﺬﺍﺑﻪ
ﺷﻤﺲ ﻭﻟﻲ ﻋﺒﺎﻟﻲ ﺍﻛﻮ ﺷﻲ ﺑﻲ ﺧﻴﺮ
ﻣﻼﻙ : ﻛﺎﻋﺪﺓ ﺗﻀﺤﻚ ﻋﻠﻴﻨﻪ
ﺗﺮﻑ : ﻻ ﻳﺎ ﺛﻮﻻﺕ ﺟﺎﻱ ﺍﺣﺠﻲ ﺻﺪﻙ
ﺍﻟﺒﻨﺎﺕ : ﺗﺠﺬﺑﻴﻦ ﻣﻮ
ﺗﺮﻑ : ﻭﺍﻟﻠﻪ ﻣﺎﻣﺠﺬﺑﺔ ﺷﺒﻴﺠﻦ
ﻧﺎﺯﻙ : ﺍﺧﻮﻱ ﺍﻟﺬﻳﺐ
ﻣﻼﻙ : ﻫﻼ ﻭﻟﻠﻪ ﺍﻋﺘﺮﻑ ﺍﻻﺥ
ﺗﺮﻑ : ﻳﻴﻲ ﻭﻟﺠﻦ
ﺍﺻﻴﻞ : ﻭﺷﻜﺘﻴﻠﻪ ﻳﺜﻮﻟﺔ
ﺩﻳﻤﻪ : ﺷﻮﻛﺖ ﺻﺎﺭ ﻫﺬﺍ ﺍﻟﺤﺠﻲ ﻭﻟﺞ
ﺿﻲ ﺍﻟﮕﻤﺮ : ﺻﺪﻙ ﻭﻟﻠﻪ ﺗﻌﺎﻱ ﺷﻮﻛﺖ ﺻﺎﺭ
ﺗﺮﻑ : ﺍﻟﺒﺎﺭﺣﻪ
ﺍﻟﺒﻨﺎﺕ : ﺷﻮﻛﺖ ﺍﻟﺒﺎﺭﺣﻪ ﻳﻌﻨﻲ
ﺗﺮﻑ : ﻣﻦ ﻧﺰﻟﺖ ﺍﺳﻮﻳﻠﺠﻦ ﻛﻴﻜﻪ ﻭﺣﺠﺘﻠﻬﻦ ﻛﻠﺸﻲ ﺻﺎﺭ
ﻣﻼﻙ : ﻃﻔﺮﺕ ﻋﻠﺊ ﺗﺮﻑ ﻭﺣﺼﻨﺘﻬﺎ ﺍﻭﻭﻭﻱ ﻓﺪﻭﺓ ﻟﻤﺮﺕ ﺍﺧﻮﻱ
ﻭ ﺗﺒﻮﺱ ﺑﻴﻬﺎ
ﺗﺮﻑ ﺿﺤﻜﺖ ﺑﺨﺠﻞ
ﺭﻳﻢ : ﻣﻤﻜﻦ ﺍﺣﺪ ﻳﻔﻬﻤﻨﻲ ﻣﻨﻮ ﻫﻤﺎﻡ ﻭﺷﻨﻮ ﺍﻟﺴﺎﻟﻔﻪ
ﺍﺻﻴﻞ : ﺍﻧﻲ ﺍﻓﻬﻤﺞ
ﺗﺮﻑ ﺑﺲ ﻋﻔﻴﻪ ﺭﻳﻢ ﻻﺗﺤﺠﻴﻦ ﻛﺪﺍﻡ ﺍﻱ ﺍﺣﺪ
ﺭﻳﻢ : ﺷﻨﻮ ﺍﻟﺴﺎﻟﻔﻪ ﺍﻟﻤﻦ ﺍﺣﺠﻲ
ﺍﺻﻴﻞ : ﺍﻱ ﺧﻴﻪ ﻭ . .... ﻭﺣﺠﺘﻠﻬﺎ ﺍﻟﺴﺎﻟﻔﻪ
ﺭﻳﻢ : ﻳﻌﻨﻲ ﻫﻤﺎﻡ ﺍﺑﻦ ﻋﻤﺞ ﺭﺿﺎ ﻭﺍﻧﺘﻲ ﻣﻦ ﺯﻣﺎﻥ ﺗﺤﺒﻲ ﻭﺧﺎﻳﻔﻪ ﻭﻋﺮﻑ ﺑﺎﻟﻐﻠﻂ ﻣﻦ ﺍﺻﻴﻞ ﻭﺑﻌﺪﻳﻦ ﺍﻋﺘﺮﻓﻠﺞ ﺍﻥ ﻫﻮ ﻫﻢ ﺟﺎﻥ ﻳﺤﺒﺞ ﺻﺤﺤﺢ؟ ﻟﻮ ﺍﻧﻲ ﻏﻠﻄﺎﻧﻪ
ﺗﺮﻑ : ﺻﺤﻴﺢ
ﺭﻳﻢ : ﺍﻭﻱ ﻓﺪﻭﺓ ﺭﺑﻲ ﻳﺠﻤﻌﻜﻢ ﺑﺎﻟﺤﻼﻝ ﻭﻣﻴﻔﺮﻗﻜﻢ ﻋﻦ ﺑﻌﺾ
ﺍﻟﺒﻨﺎﺕ : ﺍﻣﻴﻦ ﻳﺎﺭﺏ
ﺍﺻﻴﻞ : ﻭﻳﺎﺭﺏ ﺍﻟﺪﻭﺭ ﻳﻠﺤﻚ ﺿﻴﻮﺵ ﻭﻧﺨﻠﺺ
ﺭﻳﻢ : ﺷﺒﻴﻬﺎ ﺿﻲ
ﺿﻲ ﺍﻟﮕﻤﺮ : ﺍﺳﻜﺘﻲ ﺍﺻﻴﻞ ﺗﺪﺭﻳﻦ ﺑﻴﻪ ﺍﻟﺸﻲ ﺍﻟﻲ ﺑﺒﺎﻟﻲ ﻣﺴﺘﺤﻴﻞ ﻻﺗﺪﻋﻴﻦ ﻻﻥ ﻣﺎﺍﺳﻮﻱ ﻣﺜﻞ ﺗﺮﻑ ﻭﺍﻛﻠﻪ ﻫﻢ ﺍﺣﺒﻚ
ﺍﺻﻴﻞ : ﻋﺎﺑﺘﻠﺞ ﻭﻟﻴﺶ ﻳﻤﻪ
ﺿﻲ ﺍﻟﮕﻤﺮ : ﻣﺴﺘﺤﻴﻞ ﺍﺧﺎﻑ
ﻧﺎﺯﻙ : ﺷﺒﻲ ﺍﺧﻮﻱ ﻗﺎﺑﻞ ﻭﺣﺶ ﻭﺗﺨﺎﻓﻴﻦ
ﺿﻲ ﺍﻟﮕﻤﺮ : ﻻ ﻣﻮ ﻫﻴﺞ ﺗﺪﺭﻭﻥ ﺑﻴﻪ ﺍﻧﻲ ﺟﺒﺎﻧﻪ ﻣﻮ ﻣﺎﻝ ﻫﺎﻱ ﺍﻟﺴﻮﺍﻟﻒ ﺍﺑﺪ
ﺍﻟﺒﻨﺎﺕ : ﻧﺪﺭﻱ ﺑﻴﺞ ﺍﻟﺜﻮﻟﺔ
ﺭﻳﻢ : ﺷﻮﻓﻲ ﺿﻴﻮﺵ ﻭﺍﻟﻠﻪ ﺍﻧﻲ ﺍﻋﺘﺒﺮﺗﺞ ﺍﺧﺘﻲ ﻣﻦ ﺍﻭﻝ ﻣﺎﺷﻔﺘﺞ ﻭﺷﻔﺖ ﻃﻴﺒﻪ ﻛﻠﺒﺞ ﻭﻣﻮ ﺑﺲ ﺍﻧﺘﻲ ﺍﻟﺒﻨﺎﺕ ﻛﻠﻬﻦ ﺍﻟﻠﻪ ﺷﺎﻫﺪ ﺍﻧﺼﺤﺞ ﻧﺼﻴﺤﻪ ﻣﻦ ﺍﺧﺖ ﻻﺧﺘﻬﺎ ﺻﺢ ﻣﺎﻋﻨﺪﻱ ﺗﺠﺮﺑﺔ ﺑﻤﻮﺿﻮﻉ ﺍﻟﺤﺐ ﺑﺲ ﺍﻟﺤﺐ ﺷﻲ ﺣﻠﻮ ﻣﻔﺮﺡ ﻳﺨﻠﻲ ﺍﻟﻲ ﻳﻌﺸﻪ ﺳﻌﻴﺪ ﺍﺫﺍ ﺍﻛﺎﻥ ﻣﺘﻔﺎﻫﻢ ﻭﻫﺎﺩﺉ ﻭﻳﺤﺐ ﻣﻦ ﻛﻠﺒﻪ ﺍﺫﺍ ﺍﻧﺘﻲ ﺗﺤﺒﻴﻦ ﺍﺷﻢ ﻻﺗﺨﺎﻓﻴﻦ ﻻ ﺍﻧﺘﻲ ﻣﺎﻣﺴﻮﻳﺔ ﺷﻲ ﻏﻠﻂ ﺍﻟﺤﺐ ﻣﻮ ﺣﺮﺍﻡ ﻻﻥ ﺍﻟﻨﺒﻲ ﻣﺤﻤﺪ ‏( ﺻﻠﺊ ﺍﻟﻠﻪ ﻋﻠﻴﻪ ﻭﺍﻝ ﻭﺳﻠﻢ ‏) ﺣﺐ ﺍﻟﺴﻴﺪﺓ ﺧﺪﻳﺠﻪ ﺣﺒﺎً ﺟﻤﺎ ﺣﺐ ﻃﺎﻫﺮ ﻋﻔﻴﻒ ﻭﻧﻀﻴﻒ ﻭﺍﻧﺘﻲ ﻣﺎﻋﻨﺪﺝ ﻏﻴﺮ ﻫﺬﻧﻲ ﺍﻻﺷﻴﺎﺀ ﺑﻜﻠﺒﺞ ﻏﻴﺮ ﺍﻧﺞ ﻋﻔﻴﻔﻪ ﻭﻧﻀﻴﻔﻪ ﻭﻃﺎﻫﺮﺓ ﻭﺻﺎﺩﻗﻪ ﺑﺤﺒﺞ ﻟﺬﺍﻟﻚ ﺍﺫﺍ ﺳﻤﺤﺘﻠﺞ ﻣﺜﻞ ﻓﺮﺻﻪ ﺗﺮﻑ ﻻ ﺗﺘﺮﺩﺩﻳﻦ ﺏ ﺍﻋﺘﺮﺍﻓﺞ ﺣﺘﺊ ﻻﺗﺘﻨﺪﻣﻴﻦ ﺑﻌﺪﻳﻦ ﻣﻦ ﻳﺮﻭﺡ ﻣﻦ ﺍﻳﺪﺝ ﺳﻤﻌﺘﻲ ﻛﻠﺒﻲ
ﺍﻟﺒﻨﺎﺕ : ﺍﻭﻱ ﻛﻼﻣﺞ ﻳﺠﻨﻨﻦ ﺭﻳﻢ
ﺭﻳﻢ : ﺣﺒﻴﺒﺎﺗﻲ
ﺿﻲ ﺍﻟﮕﻤﺮ : ﺍﻥ ﺷﺎﺀ ﺍﻟﻠﻪ ﺭﺍﺡ ﺍﻓﻜﺮ ﺑﻜﻼﻣﺞ
ﺭﻳﻢ : ﻋﻔﻴﻪ ﻋﻠﻴﺞ
ﻧﺠﻤﻪ : ﺭﻳﻢ ﺍﻧﺘﻲ ﺍﺑﺪ ﻣﺎﺣﺒﻴﺘﻲ
ﺭﻳﻢ : ﻻ ﻭﺍﻟﻠﻪ ﺍﺑﺪ ﻻﻥ ﺍﻧﻲ ﻣﺎﻃﻠﻊ ﻣﻦ ﺍﻟﻤﻴﺘﻢ ﺍﺑﺪ ﻭﻻ ﻣﺨﺘﻠﻄﻪ ﺑﺠﻨﺲ ﺍﺩﻡ ﻋﺪﺍ ﺟﻨﺖ ﺍﺷﻮﻑ ﺣﺎﺭﺳﻨﻪ ﻳﻌﻨﻲ ﺣﻴﺎﺗﻲ ﺑﺲ ﻭﻳﺎ ﺍﻟﺒﻨﺎﺕ ﻭﻳﻦ ﺗﺤﺐ ﻭﺍﻧﺤﺐ؟
ﻧﺠﻤﻪ : ﺣﻘﺞ ﻭﺍﻟﻠﻪ .. ﺗﺪﺭﻳﻦ ﻛﻼﻣﺞ ﻋﺠﺒﻨﻲ ﻭﺣﻔﺰﻧﻲ ﺍﺳﻮﻱ ﺷﻲ ﻭﺍﺗﻘﺪﻡ ﺑﺸﻐﻠﻪ
ﺭﻳﻢ : ﻳﺎﺭﺏ ﻳﻮﻓﻘﺞ ﺑﻴﻬﺎ
ﻧﺠﻤﻪ : ﺍﻣﻴﻦ ﻭﻫﻲ ﺗﻔﻜﺮ ﺑﻜﻼﻡ ﻣﺤﻤﺪ ﻻﺯﻡ ﺗﻨﻄﻲ ﻓﺮﺻﺔ ﻻﻥ ﻫﻲ ﻣﺎﺗﻜﺪﺭ ﺗﻨﻜﺮ ﻣﺸﺎﻋﺮﻫﺎ ﺍﻟﻪ ﺍﺧﺮ ﻓﺘﺮﺓ ﻭﻭﻭ ......
ﻫﻠﻮ ﺣﺒﺎﻳﺒﻲ ﻃﺒﻌﺎ ﻫﺬﺍ ﺍﻟﺒﺎﺭﺕ ﻛﺘﺒﺘﻪ ﻫﺪﻳﺔ ﺍﻟﻜﻢ ﻭﺍﺷﻜﺮﻛﻢ ﻉ ﺍﻟﺘﺼﻮﻳﺘﺎﺕ ﻭﺍﻟﺘﻌﻠﻴﻘﺎﺕ ﺣﻔﺰﺗﻨﻲ ﻉ ﺍﻟﻜﺘﺎﺑﻪ ﻭﻉ ﺍﻥ ﺍﻫﺪﻳﻜﻢ ﺑﺎﺭﺕ ﻣﻔﺎﺟﺊ ﺭﻏﻢ ﺿﺮﻭﻓﻲ ﺍﻟﻲ ﺗﻌﺮﻓﻮﻫﺎ ﺑﺲ ﺣﺒﻴﺖ ﺍﻓﺮﺣﻜﻢ ﻣﺜﺪ ﻣﺎﻓﺮﺣﺘﻮﻧﻲ ﺣﺘﻠﻮ ﺗﻌﺒﺖ ﺷﻮﻳﺔ
ﺍﺗﻤﻨﺊ ﻳﻌﺠﺒﻜﻢ ﺍﻟﺒﺎﺭﺕ 😍😊
ﻋﺪﺩ ﺍﻟﻜﻠﻤﺎﺕ 1169 ﻛﻠﻤﻪ
البارت 10
ﭼـﺂ ﻫﻲّ ﻏﻴﺮ ﻋﻴﻮﻧَﺞ ﺗﻬﺪ ﺍﻟﺤﻴﻞ .🥀💗
.
.
.
.
ﺷﻬﻢ ....
ﻛﺎﻋﺪﻳﻦ ﺑﺎﻟﺪﻳﻮﺍﻥ ﻭﻭ
ﺍﻟﺸﻴﺦ ﺍﺳﺪ : ﺍﻱ ﺑﻮﻳﺔ ﺟﺎﻳﺞ
ﻧﻴﺮﺍﻥ : ﻣﻨﺘﻀﺮﺗﻚ
ﺍﻟﺸﻴﺦ ﺍﺳﺪ : ﺳﺪ ﺟﻬﺎﺯﻩ ﻭﺗﺘﺄﻓﻒ . ﻓﻔﻔﻔﻔﻒ ﺷﻠﻮﻥ ﺑﻴﻬﺎ ﻫﺎﻱ
ﺷﻬﻢ : ﺧﻴﺮﻙ ﺍﺑﻮ ﻧﻤﺮ ﻣﻦ ﻭﻫﺎﻱ ﺍﻟﺘﺤﺠﻲ ﻋﻨﻬﺎ
ﺍﻟﺸﻴﺦ ﺍﺳﺪ : ﺍﻛﻮ ﻏﻴﺮﻫﻦ ﻫﺬﻧﻲ ﺍﻻﺛﻨﻴﻦ ﻳﺪﻟﻠﻦ ﻋﻠﻴﻪ
ﺷﻬﻢ : ﻫﻦ ﻣﻨﻬﻦ
ﺍﻟﺸﻴﺦ ﺍﺳﺪ : ﻣﺎﻛﻮ ﻏﻴﺮ ﻧﻴﺮﺍﻥ ﻭﺿﻴﻮﺵ
ﺷﻬﻢ ‏( ﻭﻛﻠﺒﻪ ﻛﺎﻡ ﻳﺪﻙ ﺣﻴﻞ ﻭﻫﻮ ﻳﺴﻤﻊ ﺍﺳﻤﻬﺎ ﻭﺍﺳﺘﻐﺮﺏ ﻟﻨﻔﺴﻪ ﻟﻴﺶ ﻫﻴﺞ ﻛﻠﺒﻪ ﻛﺎﻡ ﻳﺪﻙ ﻭﻫﻮ ﺣﺘﺊ ﻣﺎ ﺷﺎﻳﻔﻬﺎ ‏) : ﺷﺒﻴﻬﻦ
ﺍﻟﺸﻴﺦ ﺍﺳﺪ : ﻧﻴﺮﺍﻥ ﺗﺮﻳﺪﻧﻲ ﺍﺟﻲ ﺍﺧﺬﻫﺎ ﻣﻦ ﺍﻟﻜﻠﻴﻪ ﺣﺘﺊ ﻧﺮﻭﺡ ﻧﺸﺘﺮﻱ ﻫﺪﻳﺔ ﻟﻌﻴﺪ ﻣﻴﻼﺩ ﺿﻲ ﻻﻥ ﺑﺎﺟﺮ ﺗﺴﻮﻳﻠﻬﺎ ﺣﻔﻠﻪ ﻣﻔﺎﺟﺄﺓ
ﺷﻬﻢ : ﻫﺎﺍﺍ ﺣﻠﻮ ﺧﻮﺵ ﻓﻜﺮﺓ
ﺍﻟﺸﻴﺦ ﺍﺳﺪ : ﺍﺩﺭﻱ ﺧﻮﺵ ﻓﻜﺮﺓ ﺑﺲ ﻣﻨﻮ ﻳﺎﺧﺬ ﻭﻳﺠﻴﺐ ﻏﻴﺮ ﺍﺳﺪ
ﺷﻬﻢ : ﻫﻬﻬﻬﻬﻪ ﻟﻴﺶ ﺍﻧﺘﻪ
ﺍﻟﺸﻴﺦ ﺍﺳﺪ : ﺗﻜﻠﻲ ﻣﺎﺭﻭﺡ ﻭﻱ ﺟﻮﺩ ﻭ ﺫﻭ ﺍﻟﻔﻘﺎﺭ ﻣﺎﻳﺨﻠﻮﻧﻲ ﺑﺮﺍﺣﺘﻲ ﻭﺛﺎﻧﻴﺎ ﻣﻦ ﺍﺭﻭﺡ ﻭﻳﺎﻫﻢ ﻣﺎ ﻳﺨﻠﻮﻧﻲ ﺍﻗﻄﻬﻢ ﺯﻳﻦ ﺑﺲ ﺍﻧﺖ ﺍﺿﻞ ﺍﺷﺘﺮﻱ ﻭﺍﻧﺖ ﺗﺪﻓﻊ ﻭﺳﺎﻛﺖ ﺑﺮﺑﻚ ﺍﻧﺖ ﺷﺎﻳﻒ ﻫﻴﺞ ﺍﺧﺖ ﻣﺼﻠﺤﺠﻴﻪ
ﺷﻬﻢ : ﻫﻬﻬﻬﻬﻬﻬﻬﻪ ﺍﻱ ﺍﻟﻌﻨﺪﻱ ﻣﺜﻠﻬﺎ
ﺍﻟﺸﻴﺦ ﺍﺳﺪ : ﻧﻔﺲ ﺍﻟﻤﻌﺎﻧﺎﻩ ﻳﻼ ﺍﺗﺮﺧﺺ ﺍﻧﻲ
ﺷﻬﻢ : ﺍﻟﻠﻪ ﻭﻳﺎﻙ ﺷﻴﺦ
ﺍﻟﺸﻴﺦ ﺍﺳﺪ ﻃﻠﻌﺖ ﻣﻦ ﺍﻟﺪﻳﻮﺍﻥ ﻭﺑﻮﺟﻬﻲ ﻝ ﻛﻠﻴﻪ ﻧﻴﺮﺍﻥ ﻭﺻﻠﺖ
ﺍﻟﺸﻴﺦ ﺍﺳﺪ : ﻫﺎ ﺑﻮﻳﺔ ﻭﻳﻨﺞ
ﻧﻴﺮﺍﻥ : ﻫﻼ ﺣﺒﻴﺒﻲ ﺍﻧﻲ ﺍﺟﻴﺘﻚ ﺩﻗﺎﻳﻖ
ﺍﻟﺸﻴﺦ ﺍﺳﺪ : ﻣﻨﺘﻀﺮﺝ
ﻧﻴﺮﺍﻥ : ﻭﺻﻠﺖ ﻭﺻﻌﺪﺕ ﺑﺎﻟﺴﻴﺎﺭﺓ ﺑﺴﺖ ﺍﻳﺪ ﺍﺳﺪ ﻭﺭﺍﺳﻪ
ﺷﻠﻮﻧﻚ ﻳﺮﻭﺡ ﻧﻴﺮﺍﻥ
ﺍﻟﺸﻴﺦ ﺍﺳﺪ : ﺑﺨﻴﺮ ﺑﻨﻴﺘﻲ ﻳﻼ ﻧﺘﻮﻛﻞ
ﻧﻴﺮﺍﻥ : ﻧﺘﻮﻛﻞ
ﻧﻴﺮﺍﻥ ﺭﺣﻨﻪ ﻟﻠﻤﻮﻝ ﺑﺪﻳﻨﻪ ﻧﺸﺘﺮﻱ ﻛﻠﺸﻲ ﻳﺨﺺ ﺍﻟﺤﻔﻠﻪ ﻣﻦ ﺷﻤﻮﻉ ﻭﻧﻔﺎﺧﺎﺕ ﻭﺯﻳﻨﻪ ﻭﺷﺮﺍﺷﻒ ﻣﺎﻝ ﺣﻔﻼﺕ ﻟﻠﻄﺒﻠﻪ ﻣﺎﻝ ﺍﻟﺤﻔﻠﻪ ﻭﺑﺎﻗﻲ ﺍﻟﻐﺮﺍﺽ ﻭﺍﻧﻮﺏ ﺍﺷﺘﺮﻳﺖ ﻫﺪﻳﺔ ﻣﺮﺗﺒﻪ ....
ﺍﻟﺸﻴﺦ ﺍﺳﺪ : ﺍﺷﺘﺮﺕ ﻧﻴﺮﺍﻥ ﺍﻟﺸﻐﻼﺕ ﺍﻟﻲ ﺗﺤﺘﺎﺟﻬﺎ ﻭﻧﻮﺏ ﺍﺷﺘﺮﺕ ﻫﺪﻳﺔ ﻭﺍﻧﻲ ﻫﻢ ﺍﺷﺘﺮﻳﺘﻠﻬﺎ ﻫﺪﻳﺔ ﻣﺮﺗﺒﻪ ﻭﺭﺟﻌﻨﻪ ﻟﻠﺒﻴﺖ
ﺍﻟﺒﻴﺖ ....
ﺍﺻﻴﻞ : ﻟﺞ ﺷﻤﺲ ﺍﻟﺜﻮﻟﺔ ﺗﻌﺎﻱ
ﺷﻤﺲ : ﻫﺎ ﻭﻟﺞ
ﺍﺻﻴﻞ : ﺷﻮﻓﻲ ﺍﺧﺬﻱ ﺿﻲ ﻭﺭﺍ ﺍﻟﺒﻴﺖ ﺍﻛﻌﺪﻥ ﺑﺎﻟﺤﺪﻳﻘﻪ ﺧﻠﻴﻬﺎ ﺗﻠﺘﻬﻲ ﻋﻠﻤﺎ ﻧﺠﻬﺰ ﺍﻟﺒﻴﺖ ﻭﻧﺠﻬﺰ ﺍﻟﺤﻔﻠﻪ ﺑﺎﻟﻼﺳﺘﻘﺒﺎﻝ
ﺷﻤﺲ : ﻣﺎﺷﻲ ﻣﺎﺷﻲ ﺑﺲ ﻣﻮ ﺗﻨﺴﻴﻦ ﺍﻟﻬﺪﻳﺔ ﺍﻟﻲ ﺟﺒﺘﻠﻬﻴﺎ ﺧﻠﻴﻬﺎ ﻳﻴﻤﺞ
ﺍﺻﻴﻞ : ﺍﻱ ﺭﻭﺣﻲ ﺩﺭﻭﺣﻲ
ﺷﻤﺲ : ﺿﻴﻮﻭﻭﺵ ﻛﻠﺒﻲ ﻭﻳﻨﺞ
ﺿﻲ ﺍﻟﮕﻤﺮ : ﻫﺎ ﺣﺒﻲ
ﺷﻤﺲ : ﺗﻌﺎﻟﻲ ﻧﻜﻌﺪ ﻭﺭﺍ ﺍﻟﺒﻴﺖ ﻧﺴﻮﻟﻒ ﻣﻠﺶ ﺍﻟﺪﻧﻴﺎ ﺿﺎﻛﺖ ﺑﻴﻪ ﺍﺭﻳﺪ ﺍﺳﻮﻟﻔﻠﺞ
ﺿﻲ ﺍﻟﮕﻤﺮ : ﺷﺒﻴﺞ ﻳﻜﻠﺒﻲ ﻣﻨﻮ ﻭﻳﺎﺝ
ﺷﻤﺲ : ﺗﻌﺎﻱ ﺧﻞ ﻧﺮﻭﺡ ﻭﺍﺳﻮﻟﻔﻠﺞ
ﺿﻲ ﺍﻟﮕﻤﺮ : ﻳﻼ ﺍﻣﺸﻲ
ﺭﺍﺣﻦ ﻭﺭﺍ ﺍﻟﺒﻴﺖ ﺑﺎﻟﺤﺪﻳﻘﻪ ﺍﻟﺨﻠﻔﻴﻪ ﻭﻛﻌﺪﻥ ﻭ ...
ﻧﻌﻮﻓﻬﻦ ﻳﺴﻮﻟﻔﻦ ﻭﻧﺸﻮﻑ ﺍﻟﺒﻴﺖ ﻭﺍﻟﺘﺠﻬﻴﺰﺍﺕ
ﺩﺧﻠﺖ ﻧﻴﺮﺍﻥ
ﻫﺎ ﻧﻀﻔﺘﻦ
ﺩﻳﻤﻪ : ﺍﻳﻲ ﻛﻤﻠﻨﻪ ﻛﻠﺸﻲ
ﻧﻴﺮﺍﻥ : ﺍﻱ ﻋﻔﻴﻪ
ﻣﻼﻙ : ﺟﺒﻴﺘﻠﻲ ﻏﺮﺍﺽ ﺍﻟﻜﻴﻜﻪ ﻭﺍﻟﺘﺰﻳﻨﻦ
ﻧﻴﺮﺍﻥ : ﻳﻲ ﺟﺒﺘﻠﺞ ﻛﻠﺸﻲ ﺗﺤﺘﺎﺟﻴﻨﻪ
ﻣﻼﻙ : ﻳﻲ ﻳﻼ ﺍﻧﻄﻴﻨﻲ ﺧﻠﻲ ﺍﺭﻭﺡ ﺍﺑﺪﻱ ﻋﻠﻤﻮﺩ ﺍﻟﺤﻚ ﺭﺍﺡ ﺍﺳﻮﻱ 3 ﻛﻴﻜﻴﺎﺕ ﻭﺍﺳﻮﻱ ﻗﻄﺎﻳﻒ ﻭﺳﻤﺒﻮﺳﻚ ﻭﻛﻨﺎﻓﻪ ﻭﻛﻴﻜﻪ ﺍﻡ ﺍﻟﻜﻜﻮ ﻫﺎ ﺷﺘﻜﻮﻟﻴﻦ؟
ﻧﺎﺯﻙ : ﺍﻱ ﻫﺎﻱ ﻫﻴﻪ ﻛﺎﻓﻲ
ﻧﻴﺮﺍﻥ : ﻳﻲ ﻛﺎﻓﻲ
ﺩﻳﻤﻪ : ﺍﻧﻄﻴﻨﻲ ﺍﻟﻐﺮﺍﺽ ﺧﻠﻲ ﺍﺣﻀﺮ ﺍﻻﺳﺘﻘﺒﺎﻝ ﻭ ﺍﻟﻄﺒﻠﻪ ﺍﺟﻬﺰﻫﺎ
ﻧﻴﺮﺍﻥ : ﺍﻟﻐﺮﺍﺽ ﺧﻠﻴﺘﻬﻦ ﺑﻐﺮﻓﺘﻨﻨﻪ
ﺩﻳﻤﻪ : ﻧﺠﻤﻪ ﺗﻌﺎﻟﻲ ﻭﻳﺎﻱ ﺧﻠﻲ ﻧﺠﻬﺰﻫﺎ
ﻧﺠﻤﻪ : ﺍﺟﻴﺘﺞ
ﻭﺍﻟﺒﻨﺎﺕ ﻛﻠﻤﻦ ﺍﻟﺘﻬﺖ ﺗﺴﻮﻱ ﺷﻲ ﻋﻠﻤﻮﺩ ﺍﻟﺤﻔﻠﻪ ﻭ
ﻧﻴﺮﺍﻥ : ﺻﻌﺪﺕ ﻟﻠﻐﺮﻓﻪ ﻟﻜﻴﺖ ﺑﺲ ﺭﻳﻢ ﻛﺎﻋﺪﺓ
ﻫﺎ ﺭﻳﻮﻣﻪ ﻭﺣﺪﺝ
ﺭﻳﻢ : ﺍﻱ ﻭﺍﻟﻠﻪ ﺍﻟﺒﻨﺎﺕ ﻣﺪﺭﻱ ﺷﺒﻴﻬﻦ ﻳﺮﻛﻀﻦ ﻣﻨﺎ ﻭﻣﻨﺎ ﻭﻣﺤﺪ ﺍﺟﺖ ﻳﻤﻲ ﺍﻟﻴﻮﻡ
ﻧﻴﺮﺍﻥ : ﺍﻱ ﻣﻮ ﺍﻟﻴﻮﻡ ﻋﻴﺪ ﻣﻴﻼﺩ ﺿﻴﻮﺵ ﻭﺟﺎﻱ ﻧﺤﻀﺮ
ﺭﻳﻢ : ﺻﺪﻛﻚ ﻋﻮﺩ
ﻧﻴﺮﺍﻥ : ﺍﻱ ﻭﺍﻟﻠﻪ
ﺭﻳﻢ : ﻭﻭﻭﻑ ﻣﺎﺟﺒﺘﻠﻬﺎ ﻫﺪﻳﺔ
ﻧﻴﺮﺍﻥ : ﻭﻳﻨﺞ ﻭﻳﻦ ﺍﻟﻬﺪﻳﺔ ﺍﻧﺘﻲ ﻭﻫﻲ ﻋﺎﺫﺭﺗﺞ ﺗﺪﺭﻱ ﺑﻴﺞ ﻣﺎﺗﻄﻠﻌﻴﻦ
ﺭﻳﻢ ‏( ﻭﺍﺟﺖ ﺑﺒﺎﻟﻬﺎ ﻓﻜﺮﺓ ﺣﻠﻮﺓ ‏) : ﻧﻴﺮﺍﻥ ﻋﻨﺪﺝ ﺍﻻﻟﻮﺍﻥ ﻭ ﺳﺠﻞ ﺟﺒﻴﺮ
ﻧﻴﺮﺍﻥ ‏( ﺏ ﺍﺳﺘﻐﺮﺍﺏ ‏) ﺍﻱ ﻋﻨﺪﻱ
ﺭﻳﻢ : ﺍﻱ ﺍﻧﻄﻴﻨﻲ ﻛﻞ ﺍﻻﻟﻮﺍﻥ ﻭﺍﺭﻳﺪ ﻗﻠﻢ ﻭﻣﺴﻄﺮﺓ ﻭﻣﺴﺎﺣﻪ ﻭﺍﻟﺴﺠﻞ ﺍﻟﺠﺒﻴﺮ
ﻧﻴﺮﺍﻥ : ﺷﻨﻮ ﺗﺴﻮﻳﻦ ﺑﻴﻬﻦ
ﺭﻳﻢ : ﺟﺒﻴﺒﻲ ﻭﻣﺎﻋﻠﻴﺞ
ﻧﻴﺮﺍﻥ : ﻛﻤﺖ ﺟﺒﺘﻠﻬﺎ ﺍﻟﻐﺮﺍﺽ ﻭﺍﻧﻄﻴﺘﻬﻴﺎ
ﺭﻳﻢ : ﺷﻜﺮﺍ ﺣﺒﻲ ... ﺍﺭﻳﺪ ﺻﻮﺭﺓ ﺣﻠﻮﺓ ﻟﻀﻲ ﻋﻨﺪﺝ
ﻧﻴﺮﺍﻥ : ﺍﻱ ﻋﻨﺪﻱ ﻫﺎﺝ ﻫﻲ
ﺭﻳﻢ : ﺷﻜﺮﺍ
ﺭﻳﻢ ﻛﻤﺖ ﻗﻔﻠﺖ ﺍﻟﺒﺎﺏ ﻭﻧﺰﻋﺖ ﺣﺠﺎﺑﻲ ﻭﺭﻓﻌﺖ ﺷﻌﻮﻱ ﻋﻠﺊ ﺷﻜﻞ ﻛﻌﻜﻪ ﻭﺧﻠﻴﺖ ﺑﻴﻬﺎ ﻗﻠﻢ ﻭﺧﻠﻴﺖ ﺍﻟﺼﻮﺭﺓ ﻛﺪﺍﻣﻲ ﻭﺑﺪﻳﺖ ﺍﺭﺳﻢ ﻭ ﻣﻨﺪﻣﺠﻪ ﺳﻤﻌﺖ ﻧﻴﺮﺍﻥ ﺗﺤﺠﻲ ﻭﻳﺎﻱ ﺑﺲ ﻣﺎﻣﻨﺘﺒﻬﻪ ﺍﻟﻬﺎ ﺑﺲ ﻛﺘﻠﻪ ﻫﻤﻢ
ﻧﻴﺮﺍﻥ : ﺑﻌﺪ ﻣﺎﺍﻧﻄﻴﺖ ﺍﻟﻐﺮﺍﺽ ﻝ ﺭﻳﻢ ﺑﺪﺕ ﺗﺮﺳﻢ ﻣﺎﺟﻨﺖ ﺍﻋﺮﻑ ﺑﻴﻬﺎ ﺗﻌﺮﻑ ﺗﺮﺳﻢ . ﺍﻟﻤﻬﻢ ﺩﺧﻠﺖ ﺳﺒﺤﺖ ﻭﺑﺪﻟﺖ ﻣﻼﺑﺴﻲ ﻃﻠﻌﺖ ﻣﻦ ﺍﻟﺤﻤﺎﻡ ﻟﻜﻴﺘﻬﺎ ﻣﻨﺪﻣﺠﻪ ﺗﺮﺳﻢ ﺷﻜﻠﻬﺎ ﻃﻔﻮﻟﻲ ﻛﻠﺸﺸﺶ ﻓﺪ ﺣﻠﻮﺓ
ﻧﻴﺮﺍﻥ : ﺭﻳﻢ ﺍﻧﻲ ﻧﺎﺯﻟﺔ ﺍﺫﺍ ﺗﺤﺘﺎﺟﻴﻦ ﺷﻲ ﺻﻴﺤﻴﻠﻲ
ﺳﻮﺗﻠﻲ ﻫﻤﻤﻤﻢ ﺑﺪﻭﻥ ﻣﺎﺗﺮﻓﻊ ﺭﺍﺳﻬﺎ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺑﺪﻭﻥ ﻣﺎﺍﺳﺪﺓ ﻳﻌﻨﻲ ﺧﻠﻴﺘﻪ ﻋﺎﺩﻱ ﻣﻔﺘﻮﺡ ﻣﺎﻧﺘﺒﻬﺘﻠﻪ ﻭﻧﺰﻟﺖ ﺍﺳﺎﻋﺪ ﺍﻟﺒﻨﺎﺕ ....
ﺭﻳﻢ ..
ﺟﺎﻱ ﺍﺭﺳﻢ ﻭﻧﻮﺏ ﺑﺪﻳﺖ ﺍﺩﻧﺪﻥ ﻭﺍﻧﻲ ﺍﺭﺳﻢ ﻭﻣﻨﺪﻣﺠﻪ ﻛﻠﺶ ﻣﺎﻣﻨﺘﺒﻪ ﺭﻓﻌﺖ ﺭﺍﺳﻲ ﻭﺍﺷﻮﻑ ﺍﻝ .....
ﺍﻟﺸﻴﺦ ﺍﺳﺪ : ﺩﺧﻠﺖ ﻟﻠﺒﻴﺖ ﻟﻜﻴﺖ ﺍﻟﺒﻨﺎﺕ ﻳﺸﺘﻐﻠﻦ ﻭﻳﺮﻛﻀﻦ ﻣﻨﺎ ﻭﻣﻨﺎ ﻧﺎﺯﻙ ﻭﻣﻼﻙ ﻳﺴﻮﻥ ﺣﻠﻮﻳﺎﺕ
ﺍﻟﺸﻴﺦ ﺍﺳﺪ : ﻫﺎ ﻣﻠﻮﻛﻪ ﺑﺸﺮﻱ ﻭﻳﻦ ﻭﺻﻠﺘﻲ
ﻣﻼﻙ : ﻣﺎﺑﻘﻪ ﺷﻲ ﻭﺍﻛﻤﻠﺰ
ﺍﻟﺸﻴﺦ ﺍﺳﺪ : ﻛﻔﻮﻭﻭ ﺑﻤﻠﻮﻛﻪ
ﻭﺭﺣﺖ ﻟﻼﺳﺘﻘﺒﺎﻝ ﺩﻳﻤﻪ ﻭﻧﺠﻤﻪ ﻭﻧﻴﺮﺍﻥ ﻳﺮﺗﺒﻦ
ﻫﺎ ﺑﻮﻳﺔ ﻛﻤﻠﺘﻦ
ﻧﻴﺮﺍﻥ : ﺍﻱ ﻛﻤﻠﻨﻪ ﺑﻘﻪ ﺑﺲ ﺗﺨﺎﺑﺮ ﻋﻤﺎﻣﻲ ﻳﺠﻮﻥ ﻟﻠﺤﻔﻠﻪ ﺑﻠﻴﻞ ﻫﻢ ﻭﺍﻟﻮﻟﺪ
ﺍﻟﺸﻴﺦ ﺍﺳﺪ : ﺍﻧﻲ ﺍﺧﺎﺑﺮﻫﻢ ﻭﺍﻋﺰﻣﻬﻢ ﻭﺣﺘﻠﻮ ﻣﺎﺍﻋﺰﻣﻬﻢ ﻫﻢ ﻳﺪﺭﻭﻥ ﺍﻟﻴﻮﻡ ﻋﻴﺪ ﻣﻴﻼﺩﻫﺎ ﻣﺤﻀﺮﻳﻦ ﻧﻔﺴﻬﻢ
ﻧﺠﻤﻪ : ﺍﻱ ﻭﺍﻟﻠﻪ ﺻﺪﻙ ﺍﻣﻲ ﺻﺎﺭﻟﻬﺎ ﺳﺒﻮﻉ ﺗﻄﻠﻊ ﻟﻠﺴﻮﻙ ﺗﺪﻭﺭ ﻋﻠﺊ ﻫﺪﻳﻪ ﺗﻨﺎﺳﺐ ﺿﻲ
ﺍﻟﺸﻴﺦ ﺍﺳﺪ : ﻫﻬﻬﻬﻬﻪ ﻭﺍﻟﻠﻪ ﻳﺎﻋﻤﺘﻲ
ﻳﻼ ﺍﻧﻲ ﺻﺎﻋﺪ ﺍﻏﻴﺮ ﻣﻼﺑﺴﻲ ﻭﺍﺭﺗﺎﺡ
ﺻﻌﺪﺕ ﻟﻐﺮﻓﺘﻲ ﺗﺼﻴﺮ ﻛﺪﺍﻡ ﻏﺮﻓﻪ ﺍﻟﺒﻨﺎﺕ ﺑﺎﻭﻋﺖ ﺍﻟﺒﺎﺏ ﻣﻔﺘﻮﺡ ﺩﺧﻠﺖ ﻭﺍﺷﻮﻑ ﺍﻟﻤﻼﻙ ﺷﻠﻮﻥ ﻛﺎﻋﺪﻩ ﺟﻨﻬﺎ ﻃﻔﻠﻪ ﻭﺭﺍﻓﻌﻪ ﺷﻌﺮﻫﺎ ﻭﻧﺎﺯﻟﻪ ﻣﻨﻪ ﺧﺼﻼﺕ ﺏ ﺍﻫﻤﺎﻝ ﻭﻣﺨﻠﻴﻪ ﻗﻠﻢ ﺑﺸﻌﺮﻫﺎ ﻭﻣﺨﻠﻴﻪ ﻗﻠﻢ ﺑﺤﻠﻜﻬﺎ ﻭﺗﺤﺮﻙ ﺑﻲ ﻭﺗﺪﻧﺪﻥ ﻭﺍﻧﻲ ﻧﺴﻴﺖ ﻧﻔﺴﻲ ﻧﺴﻴﺖ ﺍﻧﻲ ﺭﺟﺎﻝ ﻏﺮﻳﺐ ﻋﻠﻴﻬﺎ ﻭﻣﻴﺼﻴﺮ ﺍﺑﺎﻭﻋﻠﻬﺎ ﻭﻧﺴﻴﺖ ﺣﺮﺍﻡ ﺍﺑﺎﻭﻋﻠﻬﺎ ﻭﻧﺴﻴﺖ ﺣﺘﺊ ﺍﻧﻲ ﺍﻟﺸﻴﺦ ﻭﻫﺎﻱ ﻋﻴﺒﻪ ﻣﻨﻲ ﻭﺍﺑﺎﻭﻋﻠﻬﺎ ﻧﺴﻴﺖ ﻛﻠﺸﻲ ﻭﻣﺮﻛﺰ ﻋﻠﻴﻬﺎ ﺑﺸﻜﻞ ﻣﻮ ﻃﺒﻴﻌﻲ ﻭﻫﻲ ﺭﻓﻌﺖ ﺭﺍﺳﻬﺎ ﻧﺼﺪﻣﺖ ﻛﺎﻟﺖ
ﺭﻳﻢ : ﺵ .. ﺷﺸﻴﺨﺦ
ﺍﻟﺸﻴﺦ ﺍﺳﺪ : ﺍﻧﺘﺒﻬﺖ ﻟﻨﻔﺴﻲ ﻛﺒﻞ ﻛﺘﻠﻬﺎ ﺍﻋﺘﺬﺭ ﻭﻃﻠﻌﺖ ﻟﻐﺮﻓﺘﻲ
ﺿﻠﻴﺖ ﺍﺳﺘﻐﻔﺮ ﺍﻧﻲ ﺷﺴﻮﻳﺖ ﻫﺴﻪ ﺍﻟﺒﻨﻴﻪ ﺗﻜﻮﻝ ﺍﺳﺘﻐﻞ ﺿﻌﻔﻲ ﻭﻳﺒﺎﻭﻋﻠﻲ ﻭﺗﺎﺧﺬﻫﺎ ﻧﻀﺮﺓ ﻣﻮ ﺣﻠﻮﺓ ﺑﺤﻘﻲ ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﺍﺳﺘﻐﻔﺮ ﺍﻟﻠﻪ ﻧﺰﻋﺖ ﺩﺷﺪﺍﺷﺘﻲ ﻭﺩﺧﻠﺖ ﻟﻠﺤﻤﺎﻡ ﺳﺒﺤﺖ ﺏ ﻣﻲ ﺑﺎﺭﺩ ﺑﻜﻠﻲ ﺗﻄﻔﺊ ﻧﺎﺭﻱ ﻭﺍﻧﻲ ﺍﺣﺴﻬﺎ ﻣﺸﺘﻌﻠﻪ ﺑﻴﻪ ﻣﻦ ﺷﻔﺘﻬﺎ ﺑﻬﺬﺍ ﺍﻟﻤﻨﻀﺮ ﺷﻜﻠﻬﺎ ﻣﻐﺮﻱ ﻭﻃﻔﻮﻟﻲ ﺑﺮﻳﺌﺔ .....
ﺭﻳﻢ : ﻛﺎﻟﻲ ﺍﻋﺘﺬﺭ ﻭﺭﺍﺡ ﻛﺒﻞ ﻃﻔﺮﺕ ﻗﻔﻠﺖ ﺍﻟﺒﺎﺏ ﻭﻛﻌﺪﺕ ﻭﺭﺍ ﻭﺍﻳﺪﻱ ﻋﻠﺊ ﻛﻠﺒﻲ ﺍﺣﺲ ﻧﺒﻀﺎﺕ ﻛﻠﺒﻲ ﺻﺎﺭﻥ ﻣﺜﻞ ﺍﻟﻄﺒﻞ ﺷﺸﻠﻮﻥ ﻳﺒﺎﻭﻋﻠﻲ ﻋﺰﺯﺍ ﺷﻜﺪ ﻫﺴﻪ ﻳﻜﻮﻝ ﻫﻲ ﻣﺘﻘﺼﺪﺓ ﺗﻜﻌﺪ ﻫﻴﺞ ﻭﺗﻔﺘﺢ ﺍﻟﺒﺎﺏ ﺣﺘﺊ ﺍﺣﺪ ﻳﺸﻮﻓﻬﺎ ﻳﺎﻟﻠﻪ ﺷﻜﺪ ﻋﻌﻴﺐ
ﺑﺒﺲ ﺷﻜﻠﻪ ﻭﻭﻭﻑ ﺷﻨﻮ ﻫﺬﺍ ﺍﻟﺠﻤﺎﻝ ﻳﻤﻪ ﻋﺰﺍ ﺑﻌﻴﻨﺞ ﺭﻳﻢ ﺍﺗﺄﺩﺑﻲ ﺷﻨﻮ ﻫﻞ ﺣﺠﻲ ﻛﻤﺖ ﺷﻠﺖ ﺍﻟﺮﺳﻤﻪ ﻣﺎﻝ ﺿﻲ ﻭﻟﻔﻴﺘﻬﺎ ﻭﺧﻠﻴﺖ ﺑﻴﻬﺎ ﺷﺮﻳﻂ ﻭﺭﺩﻱ ﺍﺧﺬﺗﻪ ﻭﻟﻔﻴﺘﻪ ﻭﺟﻬﺰﺗﻬﺎ ...
ﺍﻟﺒﻨﺎﺕ ...
ﺍﺟﺘﻤﻌﻦ ﻛﻠﻬﻦ ﺑﺎﻟﺼﺎﻟﻪ
ﺍﺻﻴﻞ : ﺍﻭﻭﻭﻑ ﻛﻤﻠﻨﻪ ﻛﻠﺸﻲ
ﺩﻳﻤﻪ : ﺣﻤﺪﻟﻠﻪ
ﺗﺮﻑ : ﻫﺴﻪ ﺻﺎﺭ ﻻﺯﻡ ﻧﺮﻭﺡ ﻧﺠﻬﺰ ﻧﻔﺴﻨﻪ
ﻣﻼﻙ : ﺍﻱ ﻭﻋﻠﻲ ﺷﻮﻓﻲ ﺷﻠﻮﻥ ﺻﺮﺕ ﺟﻨﻲ ﺟﻨﻴﻪ
ﻧﺎﺯﻙ : ﺣﺘﺊ ﺍﻟﺠﻨﻴﻪ ﺍﺣﻠﺊ ﻫﻬﻬﻬﻪ
ﻧﻴﺮﺍﻥ : ﻫﻬﻬﻪ ﻳﻼ ﺧﻠﻲ ﺍﻗﻔﻞ ﺍﻟﺒﺎﺏ ﻣﺎﻝ ﺍﻻﺳﺘﻘﺒﺎﻝ ﺣﺘﺊ ﻣﺎﺗﺪﺧﻞ ﺿﻲ ﻭﺍﻧﺘﻦ ﺭﻭﺣﻦ ﺟﻬﺰﻥ ﻧﻔﺴﺞ
ﻧﺠﻤﻪ : ﺍﻧﻲ ﺑﺎﻟﻨﺴﺒﻪ ﺍﻟﻲ ﺭﺍﻳﺤﻪ ﺟﺎﻭﻭﻭ
ﺩﻳﻤﻪ : ﺍﻭﻛﻔﻲ ﻟﺞ ﺧﺒﻠﻪ ﺷﻠﻮﻥ ﺗﻌﺮﻓﻴﻦ ﺍﺧﺘﺞ ﻭﺗﺮﺣﻴﻦ ﻏﻴﺮ ﺗﺎﺧﺬﻳﻨﻲ ﻭﻳﺎﺝ
ﻧﺠﻤﻪ : ﻳﺎﻟﻠﻪ ﻳﺎﺧﺘﻲ ﺍﻟﺠﻤﻴﻠﻪ ﺑﺎﻳﻮ ﺑﻨﺎﺕ
ﺍﻟﺒﻨﺎﺕ : ﺑﺎﻳﻮ
ﺍﺻﻴﻞ : ﻳﻼ ﺗﺮﻑ ﺻﻴﺤﻲ ﺷﻤﺲ ﺧﻠﻲ ﻧﺮﻭﺡ
ﺗﺮﻑ : ﺗﻤﺎﻡ
ﻧﺎﺯﻙ : ﻳﻼ ﻣﻠﻮﻛﻪ ﻧﺮﻭﺡ ﺍﺣﻨﻪ ﺑﺎﻱ
ﺍﻟﺒﻨﺎﺕ : ﺑﺎﻱ
ﺭﺍﺣﻦ ﺍﻟﺒﻨﺎﺕ ﻛﻞ ﻭﺣﺪﺓ ﻟﺒﻴﺘﻬﺎ ﻭﺻﻌﺪﺕ ﻧﻴﺮﺍﻥ
ﻧﻴﺮﺍﻥ : ﻫﺎ ﺭﻳﻢ ﻛﻤﻠﺘﻲ
ﺭﻳﻢ : ﻛﻤﻠﺖ ﺣﺒﻲ
ﻧﻴﺮﺍﻥ : ﻳﻼ ﺍﻧﻲ ﺭﺍﺡ ﺍﺳﺒﺢ ﻭﺍﺑﺪﻝ
ﺭﻳﻢ : ﻣﺎﺷﻲ ﻛﻠﺒﻲ
ﻧﻴﺮﺍﻥ : ﺟﺎ ﻭﺍﻧﺘﻲ ﺷﻠﻮﻥ
ﺭﻳﻢ : ﺷﺒﻴﻪ ﺍﻧﻲ؟
ﻧﻴﺮﺍﻥ : ﻣﺎﺗﺠﻬﺰﻳﻦ ﻧﻔﺴﺞ
ﺭﻳﻢ : ﻻ ﻻﻥ ﻣﺎﻧﺰﻝ
ﻧﻴﺮﺍﻥ : ﻣﻮ ﻫﻴﻪ ﺑﻜﻴﻔﺞ ﻭﺗﻌﺎﻟﻲ ﻧﺴﻴﺖ ﻫﺬﻧﻲ ﺍﻟﻤﻼﺑﺲ ﺍﻣﻲ ﺍﺷﺘﺮﺗﻬﻦ ﺍﻟﺞ ﻫﻲ ﻭﻣﺮﺕ ﻋﻤﻮ ﺭﺿﺎ ﺍﺧﺘﺎﺭﻳﻠﺞ ﺷﻲ ﻭﺍﻟﺒﺴﻲ
ﺭﻳﻢ : ﻭﺍﻟﻠﻪ ﻣﺎﻛﻮ ﺩﺍﻋﻲ
ﻧﻴﺮﺍﻥ : ﺍﺷﺸﺶ ﺍﻛﻮ ﻳﻼ ﺍﻧﻲ ﺍﺳﺒﺢ ﻭﺍﻃﻠﻊ ﻣﺎﺗﺄﺧﺮ
ﺭﻳﻢ : ﺗﻤﺎﻡ ﺩﺧﻠﺖ ﻧﻴﺮﺍﻥ ﻭﺍﻧﻲ . ﺭﺣﺖ ﺷﻔﺖ ﺍﻟﻤﻼﺑﺲ ﺟﺎﻳﺒﻠﻲ ﺗﺮﺍﻛﻴﻦ ﻭ ﺍﺭﺑﻊ ﺩﺷﺎﺩﻳﺶ ﻭ ﻭﺷﺎﻟﻴﻦ . ﻭﻣﻼﺑﺲ ﺩﺍﺧﻠﻴﻪ ﻭﻓﺴﺘﺎﻥ ﻣﺎﻝ ﻃﻠﻌﻪ ﻭﺗﻨﻮﺭﺓ ﻭﺑﺪﻱ ﻭﺑﻨﻄﺮﻭﻥ ﻫﻢ ﻣﺎﻝ ﻃﻠﻌﻪ ﻛﻠﺶ ﺣﻠﻮﺍﺕ ﺍﺧﺬﺕ ﺍﻟﻔﺴﺘﺎﻥ ﻳﺼﻴﺮ ﺑﻴﻨﺼﻞ ﺑﺲ ﻣﻮ ﻛﻠﺶ ﻟﻮﻧﻪ ﺭﺻﺎﺻﻲ ﻭﺑﻲ ﺗﻘﺎﻁ ﺳﻮﺩ ﻃﻮﻳﻞ ﻛﻠﺶ ﻧﺎﺯﻙ ﻭﺣﻠﻮ ﻭﻃﻠﻌﺖ ﻭﻳﺎ ﺷﺎﻝ ﺭﺻﺎﺻﻲ ﻭﻛﻠﺖ ﻣﻦ ﺗﻄﻠﻊ ﻧﻴﺮﺍﻥ ﺍﺧﺬ ﻣﻨﻬﺎ ﻓﺪ ﺍﻛﺴﺴﻮﺍﺭ ﻫﻲ ﺗﺮﺗﺒﻠﻴﺎ ﻭﻳﺎﻫﻦ .....
ﻫﻨﺎ ﺧﻠﺼﻨﺎ ﻫﺬﺍ ﺍﻟﺒﺎﺭﺕ ﺍﺗﻤﻨﺊ ﻳﻌﺠﺒﻜﻢ ﺣﺒﺎﻳﺒﻲ 💚😍
ﻣﻨﻮ ﺍﻟﺜﻨﺎﺋﻲ ﺍﻟﻲ ﻋﺠﺒﻜﻢ ﺍﻛﺜﺮ
ﺍﻟﺸﻴﺦ ﺍﺳﺪ ﻭﺭﻳﻢ؟
ﺁﺷﻢ ﻭﺿﻲ ﺍﻟﮕﻤﺮ؟
ﺷﻬﻢ ﻭﻧﻴﺮﺍﻥ؟
ﻣﺤﻤﺪ ﻭﻧﺠﻤﻪ؟
ﻫﻤﺎﻡ ﻭﺗﺮﻑ؟
ﺍﻣﻴﺮ ﻭﺩﻳﻤﻪ؟
ﺣﺴﻴﻦ؟
ﻛﻴﺎﻥ؟
ﺟﻮﺩ؟
ﺫﻭ ﺍﻟﻔﻘﺎﺭ؟
ﺍﻳﺎﻥ؟
ﻣﻼﻙ؟
ﻧﺎﺯﻙ؟
ﺷﻤﺲ؟
ﺍﺻﻴﻞ؟
ﺣﻮﺭ؟

ﻓﻲ ﺍﻣﺎﻥ ﺍﻟﻠﻪ ﻭﺣﻔﻈﺔ