روح مني دور أبنادم بعيد غالي طبعي وطبعك المرخوص .. مايهوة الزهيد ♪ . . . . السليمانية الساعه ب12 ليلاً دخل ايان للشقه بيدة الاكياس مال ملابس جايبهن ل حور كعد بالصاله نزع البدي مالته وخله الاكياس ع التخم وكام للمطبخ شاف اكو اكل ع الطبله مسويته حور ومغطيته كعد اتعشه وراح لغرفته سبح ولبس بجامته السودة وبدون فانيله ورجليه اخذته لغرفه الحورية بدون ميدري بنفسه فتح الباب شاف حور ع نايمه الجربايه وبدون غطه ورجليها طالعات كطن ولابسه دشداشه سودة قصيرة تقرب عليها اكثر وكعد بلكاع وصار وجهه بوجها وكال ايان: ااوووف شسويتي بيه يحورية من اول. ماشفتج واني اوضاعي متخربطه معقولة احبج مثل ما يكول اسد يعني هو هيج يصير الحب والله اذا هيج لعد اني احبج مو بس احبج لا وميت بيج هلكد ماافكر بيج يحوريتي تلمس وجها ومرر ايدة ع شعرها وكام غطاها وطلع من الغرفه وسد الباب وراح لغرفته تمدد ع الجربايه وضل يفكر بيها وبحالته و يكرر لنفسه نفس السؤال (*معقولة احبج حور معقولة اخذتي كلبي واستحليتي*) لحد ماغفه ووووو..... 10
الصبح الساعه ب8 صباحاً البنات كاعدات ومحضرات غراضهن والشباب بالديوان كاعدين يشربون جاي ونوب يتوجهون للبستان محمد: ها شباب نطلع لو لا الشيخ اسد: اي نطلع جود كول للبنات يطلعن جود: حاضر شيخ
جود: رحت للبنات دخلت دكيت الباب مال المطبخ وصحت يالله نيران: تعال جودي جود: يلا بنات يكول الشيخ خلي يطلعن نيران :خوش يلا بنات جود: تقسمن علئ السيارات نيران: شلون منو يسوقهن جود: الشيخ اسد و حسين و شهم واذا ماكفن ناخذ بعد وحدة ويانه نيران: ها تمام جود: وين صارن يلا نيران: ولجن وين صرتن اجت نازك تركض نازك :لج نارو فدوة شمس راح تذبحني وختلت ورا ضهر نيران نيران: شكو ولج شسويتي للبنيه نازك (وهي تضحك) : وصخت عبايتها بالكاع وصار بيها تراب نيران: الله يطيح حضج كون تكسرج تكسير اجت شمس تصيح ولج نازك اليوم املخج من عطوبج وعلي تعاي وتريد تجرها من راسها و نيران بيناتهن تضحك نيران(وهي تضحك) : اوكفي شموسه اوكفي شمس: ولج شوكف عباتي صارت تراب هسه شلون اروح نيران: اخذي عباتي الثانيه شمس: ماشي بس خلي امعش عطوبها بالاول ودفعت نيران طفرت نازك وجلبت بضهر جود بدون ماتنتبه شمس خنست ودارت وجها ومشت ونيران راجت قبلها تطلعلها العبايه نازك: يمه الحمدلله راحت جان معشت شعري جود: وانتي أذا هلكد خايفه علئ شعرج ليش. وصختي عبايتها انتبهت نازك لنبرة الصوت تبسمرت بمكانها وضلت تمتمت نازك: هَـاآ مو شسمه ه̷̷َـَْـُذآ مو قصدي جود: طفله ودار وجهه وطلع نازك: يا فشله الفشله عزا شكد عيب بعدين شنو شايفني عمري 7 سنوات ويطلي طفله لٱ بله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
