دخيله الأسد 🔞🔞🔞

البارت 43+44🔞

#دخيلة_الاسد

بارت 43____44
🔞🔞

بارت جديد للعيونكم الغوالي متابعه للقصه لاتنسون

تفاعلو اليوم راح انهيها

افي زعلاتك گضني
النوب من تزعل عليه ؟
فدوه كون الزعله تسوه ،
آنه ذني المالهن داعي موتني
.
.
.
.
بغداد ....
ايان: من كعدت لسه صارت ب10 ونص وحور ماطلعت من الغرفه واني مارحت للدوام ....رحت لبست بدلتي ودكيت عليها الباب اسمعها تبجي بس مااكدر ادخل عليها خليها من تهدأ اتفاهم وياها المهم ....صحت حور اني رايح للدوام ....انتضرت شوية ماكو مااجاني صوتها خليت وطلعت وصلت للمركز رحت لمكتبي صحت لواحد من الجنود  اجاني جندي
الجندي: سيدي رايدني
ايان: صيحلي الضابط مؤيد واحمد وكمال
الجندي :دك تحيه وطلع
ايان: اني لسه دمي يفور احس نفسي مو طاهر نكس اني بعمري مادخلت بالطريق الغلط دائما ملتزم بصلاتي وصيامي رغم عملي الي كل الوياي رايحين اعوج بس اني لا ضليت ع نفسي طبيعتي المهم اندك الباب صحت اتفضل دخلوا +

كمال:صباح الخير اليوم متأخر خيرك
احمد(بتوتر):ايان شبيهن عيونك حمر
ايان(بعصبيه وصوت عالي)من السم الي خليتوليا بالعصير ياحقراء
احمد: والله اني مااعليه هذا مؤيد
ايان:وانت ماعرفت تكلي
احمد: والله كمال كالي اسكت لاتحجي
ايان:تدرون والله حرامات الصداقه بيكم وانوب اني محترمكم من ورا سالفتكم اني اجيت اسويلي جريمه بحق يتيم وامانه عندي .....بس مااكوللكم شي بس مشكورين وماقصرتوا ...ومنا وجاي انتو لااصدقائي ولا اعرفك ومايربطنا شي غير العمل ...واتفضلوا اطلعوا عندي شغل

طلعوا الولد بدون مايحجون شي ....

ايان: ضليت اشتغل وماادري بنفسي حتئ مي ماشارب من الصبح لسه وراسي دمرني ....باوعت للساعه شفتها ب3 كلت اروح لبيت اهلي اشوف امي واخواني .... طلعت من المركز وصعدت سيارتي وتوجهت لبيت اهلي

دخلت السيارة للبيت .....انوب دخلت لكيت فرقد ونادين وامي يباوعون ع التلفزيون
ايان:السلام عليكم
التفتوا كلهم
ام ايان:هلا ماما وعليكم السلام
فرقد: وعليكم السلام
نادين: طفرت من مكانها وراحت حضنته
نادين:شلونك حبيبي
ايان: هلا نادو الحمدلله
ورحت كعدت يم امي وخليت راسي بحضنها
ام ايان:شبيك ماما مبين تعبان
ايان:اي يوم كلش تعبان وكلبي محروك ومقهور
ام ايان:اسم الله حبيبي منو وياك ماما احجيلي
ايان: فرقد نادين روحوا لغرفطم اريد احجي وي امي .....صدك راحوا لغرفهم
ام ايان: احجي ماما مو شلعته لكلبي
ايان:يوم اني سويت مصيبه
ام ايان:ياربي استر شسويت ابني
ايان:سولفت لامي كلشي واحجيلها بقهر
ام ايان:ماما خبيبي لاتضوج ولاتنقهر انت ماجنت بوعيك قابل متقصد تسوي بيها هيج يا امي
ايان: حتلو يوم تدرين من شفتها الصبح وهي تبجي حسيت كلبي يتكطع عليها مااعرفت شنو اسوي ....وهي اكيد بعد ماتباوع بوجهي
ام ايان:حقها ماما هي بنيه وخلصت عمرها بالضيم والقهر والميتم وحافضت ع نفسها وبلحضه يجي واحد يريد يسلبها شرفها طبعا راح تكرهك وماتباوع بوجهك
ايان:شسوي يوم كوليلي شسوي والله بعد مااعندي عقل افكر بي
ام ايان:جيبها للبنيه هنا يمي واختك هنا من عمرها بلكي شوية ترتاح
ايان:وشلون فرقد
ام ايان:ماما هذا فرقد انت مربي ع ايدك مااعتقد يسوي شي ويأذيك خصوصا هو حاس بيك تحبها اصلا فرحان من اجه هذاك اليوم ويسولفلي عليها يكول شلون هادئة ومبين ايان يحبها وكلش فرحان بلكي صدك وتصير من قسمته ويرتاح اخوية ....وطبعا راح يعتبرها مثل نادين مو اكثر.....واذا تريد انت هم اقفل شقتك وتعال ارجع لغرفتك
ايان:ايي يوم احسن شي بلكي ترتاح شوية ....يلا اروح اتأخرت عليها وهي تخاف يمكن باجر اجيبها ....بس وين اخليها
ام ايان:وي نادين والله تكيف تصير وياها بنيه
ايان:خاف ماتقبل
ام ايان: هسه اصيحها واتأكد ....صاحت ام ايان واجت نادين
نادين: ها يوم صحتيلي
ام ايان: ايي ماما تعالي اكعدي .....اسمعي انتي تعرفين حور البنيه الي بشقه اخوج
نادين: اي يوم ادري بيها
ام ايان:ايان حيجيبها لهنا تكعد ويانه افضل لان يخاف عليها وهو يطلع للدوام وتبقئ وحدها وهي تخاف
نادين:صدك ايان
ايان:ايي
نادين: اييي حباب جيبها وها خلوها ويايه بالغرفه حبابين
ايان: خاف تتضايقين
نادين: لا والله اكيف حباب
ايان: ماشي يجوز لباجر اجيبها
نادين: ايي زين اني هسه راح اكوم افرغلها خزانتين من كنتوري والي خزانتين والجربايه ننام عليها اثنينا يعني هي جربايتي ام نفرين واذا مااعجبها انزل الجربايه ام نفر واسويها الها
ايان: تمام ...يلا اني رايح
ام ايان:ماشي ماما خابرني
ايان: ان شاء الله ....طلعت من بيت اهلي وتوجهت لشقتي واحس نفسي خايف وكلبي معصور......