ودوم : يختي انتي لو اتجوفين شو مستوي
روضه : شفيج
ودوم : منو غيرها عمتي فاطمة
روضه : يالله هاي شو ياهل
ودوم : وولدها يلوع الجبد حاط دوبه بدوب البنات
روضه : يععععع شو هالعايله
ودوم : لا و حضرته احين يحاول فياي
روضه : اسفهيه
ودوم : و هذه الي يالسه اسويه ، يتحراني م اعرف عن سوالفه
روضه : اقولج نطلع
ودوم : برمس ماما و بجوف
روضه : يلا حتى انا برمس امي بجوف منو يوصلنا
ودوم : تمام ، ابغي احش
روضه : سيم ، ايه يلا رمسي امج
ودوم رمست أمها مال بسرعه بسرعه و أمها وافقت بس قالت استأذني من ابوج
ودوم بعد م قنعت ابوه وافق ،، هو بس عسبت اهله موجودين عسب جي م وافق بسرعه
ودوم : اقولج رويض ، بعد الغدا تمام
روضه : يعني تحسين الساعه 4 اوك ؟
ودوم : يب
روضه : ماما قالت هي بتوديني ، لكن اخوي اذا رد هو بيودينا
ودوم : لا يارب اخوج م يرد بسرعه
روضه : امين م أبا اجوفه
ودوم : شو مسويه
روضه : عقب بقولج مالي خلق اكتب
ودوم : تمام
-------------------------------
عند حمود و عبود
و هم سايرين يمرون ع احمد
عبود : حمود فيك شي
حمود : لا
عبود : والله فيك شي و غصبن عنك بتقول
وهني بدا عبود يقلل سرعته
حمود : استسلم و قاله سالفة عبيد
عبود : بس حمود انت م فكرت من ناحية اذا واحد اشتكى ، او اذا جافكم مدرس انتي جي بتنزل ويه ابويه في الأرض
حمود : عبود والله هو كان ، يطفر بي من بداية السنة ، من اول م دشيت هالمدرسة ، وهو كل يضارب فياي انا وربعي ، يوم كنت ف مدرسة خاصه محد كان يلعوزني
عبود : حمود تعرف انا شو سويت ، بخبرك سالفتي بس مو احين جي بنمر ع احمدو عقب بنزله و بنسير نحوط و بخبرك ، انا لين الحين اعاتب نفسي ، لأني نزلت راس ابويه
حمود طالعه و حس ان صح كلامه اذا حد جافهم يضاربون يمكن ايبون الشرطة ، او عبيد عادي يكون عنده شي من تحت لين تحت بيسوه ، واسم ابوه معروف فالدولة و يلس يفكر ووووووو
و في نص تفكيره أتذكر شي
حمود : عبود بس كيف كيف
عبود : شو الي كيف
حمود : شو بقوله او كيف بشرد منه
عبود يلس يفكر شو يسوي
فجأأأأأأأأأأأأأأأأأأأأأأأه ______________________
