عند روضه فونها يدق حطته سايلنت لانها كانت ترمس احمد عن السالفه
احمد طالع فونها
احمد بنظره : ردي عليه
( هي كاتبه حق ودوم الحب 🤍 )
روضه : عقب بدق لها عادي
احمد بحدة : ردي
روضه : انت شكو
احمد عطاها نظره ارتعبت جان ترد ع ودوم
ودوم : هلا والله
روضه : اهلللين و سهليين
ودوم : مافي و بوستين ع الخدين
روضه تضحك : لا مافي
احمد سحب فونها و حطاه ميوت
روضه تبا تستوعب ها شو يسوي
احمد : منو ها يالسه تتضحكين وياه بعد
روضه : ارمس ربيعتي فيك شي ؟
احمد حطه سبيكر
احمد : رمسيها أبا اتاكد
فتح الميوت
روضه : الو
ودوم : وين سرتي يا حماره صار لي ساعه ارمس
روضه تسلكلها بضحكه : لهيت شوي
احمد ماي ويه سار
احمد يرمس نفسه : يالله يا احمد يا غبي الحين البنت تكرهني اوهو شو هالحركه الغبيه
كان يأشر حق روضه تسكر
روضه استغربت
روضه : اقولجج ودوم عقب برمسج
ودوم : أصلا انتي مو وياي
روضه : باي
ودوم : باي
احمد نزل راسه : اسف والله
روضه : هه على شو تتاسف
احمد يرمس نفسه : احمد شو سويت تراها اخت ربيعك هو معطني الثقه
نش احمد بدون ما يرمس وواضح انه زعلان
روضه عورها قلبها عليه
و يعني انه ساعدها يوم ياي علي و هايل
احمد يالس يمشي صوب المشفى و يعاتب نفسه
احمد : مالي ويه اسير عند عبود بعد الي سويته
كان بيطلع الا يطلع حمود فويهه
حمود : الله طع منو مني
احمد : يا ريال
حمود : اوصلك عند عبود
احمد توهق
حمود : بسرعه ما بتاخر عن روضه تعال
حمود سحبه بسرعه ودخله عند عبود
و عقب حمود طلع و سار عند روضه
روضه : لا يحبيبي البي جان ما ييت بعد
حمود يجذب : اول شي كنت يوعان خذيت اكل و عقب ضعت مادريت وين اسير
روضه : ايواا جان دقيت لي انزين
حمود : لا عقب طلع لي احمدو وصلته عند عبود
روضه : ليش هو ياهل ما يدل يعني
حمود : خلاص جب ، مري ع ماك
روضه : بسس تمم ، باخذ لي و ما باخذ لك
حمود : ليييشش
روضه : مو تقول ماكل فالمشفى
حمود : بس كليت سندويش نقاق الصغير
روضه : اوكي عيل باخذ لك هابي ميل نقت
حمود : روضههههه بصفعج شو جايفتني جدامج
روضه : خلاص اوكيه يا البي و لا تزعل 6 بيس نقت
حمود : والله بدوسج فبطنج
روضه : ييه خلاص خلاص كلتيني بقشوري
عند احمد
يوم دش سلم ع أبو و ام عبود
أبو عبود : يلا نحن نترخص ، بنريح و بنرد
عبود وهو يبتسم : تمام
و طلعوا
عبود : شخبارك احمداني
احمد بكذب واضح : بخير بخير
عبود : جذاب ترا واضح انك مو بخير
احمد طالعه
عبود : فضفض
احمد : جب ما فيني شي
عبود : ياه انتوا الاثنين
احمد : منو نحن الاثنين
عبود : انته و اختي يعني واضح انكم مو بخير والكل يجوف بس تنكرون
احمد : انته مو جايفني من زمان عسب جي تقولي جي
احمد : المهم اني زعلان منك لين الحين
عبود : يبالك كفف انزين زعول
احمد : جب جب
عبود : يجببك
احمد : حمار الي يحبك
عبود : وي يعني انته الحمار
هم الاثنين ضحكوا
احمد : ما يضحك و تنهد
عبود : هالولد
احمد : شو فيني
عبود : اقولك فضفض تقول ما فيني شي
احمد : توك شحالتك
عبود : افا والحين
احمد : اسكت لا
يلسوا يسولفون لين ما بو عبود و ام عبود
و احمد ترخص منهم
أبو عبود : ..............................
