ام ودوم : بنسير العزبه ويا عمومتج
ودوم : يالله ام سلطان بتي ؟
ام ودوم : هيه بتي
ودوم : يارب صبرك
ام ودوم : الله يهديها هي وولدها
ودوم : امييننن
وطلعوا سارو العزبه
ام ودوم و ودوم : السلام عليكم
ام ذياب و ام سلطان : وعليكم السلام
وبعد ما سلموا وسئلو عن احوالهم
ام ذياب : حي الله ودومه
ودوم وهي مبتسمه : الله يحييج عموه
ام ذياب : أي سنه فالجامعه بنتي
ودوم : توني اول سنه
ام ذياب : هيه ماشاءالله موفقه
ودوم : وياج عموه
ام ذياب : ودوم البنات صوب المسبح سيري لهم
ودوم : تمام الحين بسير
وهي طالعه يطلع فويها سلطان
عطته نظره من فوق لين تحت
ودوم : نعم في شي ؟
سلطان : ان
قاطعه ذياب
ذياب : نعم سلطان في شي ؟
سلطان : انته شو تبا
ذياب : اذلف ميلس الريايل لا تيلس تحوط عند الحريم
سلطان : مب على كيفك
ذياب : علومك كلها بتسير عند يدك يالرخمه
اتنرفز سلطان وسار
ذياب التفت يشوف ودوم محد
ذياب شل بعمره وسار ميلس الريايل وكل شوي كان يخز سلطان
وودوم من شافتهم يتطاولون ع بعض شلت بعمرها سارت عند البنات
نسير عند مكان مول ما ذكرناه في الروايه
: ابوي انا سمعت انه عمي حمد مسافر ، و عبدالله يتعالج لانه من جريب ناش من الغيبوبه
: شووووو انته متاكد عبدالله كان ف غيبوبه
: ماعرف ابويه بس انا سمعت
: انا خلاص مو رايم استحمل لازم اسير ارمس اخوي واحل كل الي بينا
: ابويه بس عمي مسافر
: شو اسوي عبدالرحمن
عبدالرحمن : ابويه انته اصبر على عمي لين يرد من السفر
أبو عبدالرحمن والدمعه فعينه : شو بقوله انا غلطت وايد بحقه ، لو اني سامع كلام اميه وكلامهم وما خذيتها كان كل شي بخير
عبدالرحمن : ابويه هذا كله مكتوب انته ما بتاخذ غير اللي ربك كاتبنه ، وانته كنت فذاك الوقت ما تعرف شو تسوي وما كنت تقدر تتحكم بنفسك
أبو عبدالرحمن : ونعم بالله ، والحمد لله على كل حال
عبدالرحمن : الحين ابويه انته ريح بالك ، وان شاءالله من عمي يرد انا بخبرك لا تحاتي شي
أبو عبدالرحمن : كيف ما احاتي ، اخوي مسافر ومخلي عياله هني ف البلاد عند منو مأمنهم انته تقول اخوهم يتعالج لو ما استوا كل هذه كانوا الحين عندي
عبدالرحمن : ابويه الحين انته ما تروم ترجع ورا وتغير شي صح الحين فكر بالحاضر وان شاءالله كل الأمور سهالات توكل على الله
أبو عبدالرحمن : ان شاءالله ما تقصر ولدي
عبدالرحمن : هذا واجبي
نش عبدالرحمن حب ابوه ع راسه
عند روضة
روضة : حمود
محمد : ها
روضة : ابغيك بموضوع
محمد : اوكي
روضة : محمد اسمع زين تراني اعرف انك قصيت عليه يوم قلت بتسير الحمام ، محمد اذا في شي صاير لك تروم تخبرني تروم تخبر عبود تروم تخبر ماما أحيانا الانسان يكون مو قادر على هذه الشي او انه نقول انه بيتضرر ف اذا تبا أي مساعده ولا أي شي انا موجوده
محمد : هو الصراحه هي في شي
وخبره السالفه
محمد : وانا اشوف انه برمس عبود يمكن هو تعرض ل هذا الشي من قبل ف بيساعدني
روضة : اتفق وياك
