# في يوم جديد لطيف#
#في الفطار#
محمد الجباس:عملتوا ايه امبارح يا ولاد
مراد:احنا روحنا مول وقعدنا نتفسح فيه شوية وروحنا حجزنا بدل و دارين فستان لنفسها و حجزته عشان فرح اكرم صاحبنا حضرتك عارفه
محمد الجباس:اه عارفه
مراد:واتغدينا وروحنا مصر الجديدة وشوية كدة انا وادهم هنروح ناخد البدل والفستان
محمد الجباس:تمام
سمر المغربي:قولي يا ادهم اوعي يكون العيال دي ضايقتك
ادهم:لا ولله محدش ضايقني خالص
سمر المغربي:ماشي
سليم:انتي تعرفي عننا كدة يا ست الكل
سمر:لا ابدا
#كلهم ضحكوا#
#مراد وادهم راحوا جابوا البدل والفستان#
مراد:الفستان للهانم
ادهم:اه اخد مكان كبير
مراد:اه
ادهم:بس مش غريبة تغير شكل الفستان مع البت بتاعة المحل
مراد:دي اختي دارين بتحب تغير رأيها في ثانية وتلاقيها جايبة الفستان لونه اسود
ادهم:اه
مراد:انت برضوا يا ادهم بتحب اللون ده
#مراد ابتسم لأدهم#
ادهم:في ايه
مراد:في ايه لما انا ابقي فاهم كل حاجة وانتوا الاتنين اصلا حبيتوا بعض بس مش بتكلموا بعض خالص و انا علي فكرة انا واخواتي مش هنكون ضدك ابدا في الحكاية دي لاننا احنا معاك في حكاية الحب دي لانك اول مرة تفتح قلبك لحد واول مرة تيجي عندنا البيت وتتأقلم مع العيلة ادهم انا عايزك كدة علي طول انت بس مش صاحبي انت اخويا وتوأمي و انت عارف كويس اوي اان احنا قريبين في السن صح ولا لا فأفتح لي قلبك واتكلم عادي يا سيدي مفيش مشكلة بس متكونش كتوم وتقعد تخنق في نفسك
ادهم بص لمراد:عارف انا قبل ما اجي بيتكم كنت خايف... كنت خايف باباك ومامتك ميتقبلونيش لاني يتيم بس طلع الموضوع عادي جدا ورحبوا بيا حتي جدتك وجدك ده ايه عيلتك الجميلة دي انا مشوفتش عيلة جميلة بالشكل ده
مراد:اه دي عيلتي بقي اعمل ايه طب ودارين
ادهم:دارين بحسها معاكم طفلة بتحس الامان معاكم ولما عمو يجي البيت بتفرح فرحة مش عادية بس هي بتقعد تتكسف وتتحرج كتير اوي
مراد:ايوة ايه اللي عجبك فيها انت مقولتش
ادهم بأرياحية:برائتها ورقتها ياه يا مراد ياه
مراد بصله بغيظ وادهم حس بكدة
ادهم:انت قولتلي افتحلك قلبي واتكلم براحتي ياعم
مراد بغيظ:ماشي بس دي اختي بغير عليها عادي
ادهم:ماشي عندك حق برضوا في دي
مراد:طب انت هتصارحها امتي
ادهم:مش عارف خايف يكون كلامي معاه يقلقها ولا حاجة
مراد:ليه هو انت هتقتلها ده انت هتتكلم معاها بأنك انت بتحبها وعلي فكرة هي بتحبك اوي
ادهم:عرفت منين يا ابو العريف
مراد:فاكر اليوم اللي كنت عندي فيه في المكتب و بتتكلم عن المهمة
ادهم:اه
مراد:تاني يوم كانت قلقانة عليك جدا وصليت الفجر وقعدت تدعيلك كتير
ادهم فرح اوي بكلام مراد #
ادهم:فيها الخير
مراد:اه وعلي فكرة اخواتي الرجالة عارفين انك بتحبها
ادهم:ههههههه ولله دول مسخرة هههههه
مراد:هههههه وامي عارفة وجدتي عارفة وجودي عارفة
ادهم:العيلة كلها عارفة بقي
مراد:اه
مراد وادهم وصلوا عند الفيلا ودخلوا الفيلا#
مراد:السلام عليكم ورحمة الله وبركاته
كلهم:وعليكم السلام ورحمة الله وبركاته
مراد قعد هو وادهم مع الرجالة ودارين بتساعد مامتها وجدتها والدادا في المطبخ#
مراد:هي دودو بتساعد ماما وتيتة
سليم:اه يا مراد
#اكرم صاحب الكل انسان طيب وعلي نياته وبيحب صحابه جدا وعشري#
اكرم بيرن علي مراد#
مراد:اهلا اكرم باشا
اكرم:اهلا بيك يا مراد باشا
مراد:فينك ياعم ولا خطيبتك اخداك مننا ولا خطفتك ولا ايه بالظبط
اكرم:خطفتني ايه ياعم ده انا اللي اخطفها مش هي اللي تخطفني
مراد:هههههه عندك حق ولله عامل ايه يا عريس
اكرم:كويس الحمدلله بقولك انا بس بعزمك انت والرجالة واختك الفرح بتاعي مش هوصيك يا مراد
مراد:عيب عليك يا عم اكرم احنا اصلا كنا حاجزين البدل والفستان من غير ما تتصل وتعزم
اكرم:ولله بقول عليك جدع واصيل
مراد:حبيبي يا اكرم مش عايز تكلم ادهم
اكرم:هاته ده واحشني جدا
مراد:خد يا ادهم اكرم عايزك
ادهم:اهلا بالعريس
اكرم:عامل ايه يا ادهم واحشني كتير ياعم فينك
ادهم:انت اللي فينك ياعم انت محدش شايفك كدة خالص
اكرم:معلش ولله حاجات الفرح بقي شاغلاني
ادهم:عذرك ولله
اكرم:عقبالك انت يا ادهم ولله نفسي اجي فرحك يا اخي
ادهم:ان شاء الله يا اكرم
اكرم:ان شاء الله تلاقي بنت الحلال اللي تناسبك
ادهم:يارب يا حبيبي
اكرم:مش هوصيك انك تيجي الفرح
ادهم:عيب عليك ولله اللي انت بتقوله ده يعني مجيش فرح اخويا دي عيب يعني
اكرم:حبيبي يا ادهم
ادهم:ماشي احنا هنسيبك بقي سلام
اكرم:سلام
سليم:كنت عايز اكلمه يا بشر
مراد:ما احنا هنشوفه في الفرح لا تقلق يا اخي
سليم:لا تقلق يا اخي انت قلبت قناة سبيستون ليه ياعم مراد
كلهم ضحكوا#
سمر المغربي:يلا يا ولاد عشان الغدا
سليم:هو احنا لحقنا من الفطار عشان نلحق الغدا ده ايه ده
سمرالمغربي:يلا بقي
#كلهم قعدوا علي الغدا واتغدوا#
دارين:ماما بعد اذنك انا بكرة مش هطلع من غرفتي غير فرح اكرم عشان هعمل حاجات كتيرة ليا
سمر:طيب يا حبيبتي ربنا يسعدك يارب واشوفك عروسة كدة
دارين:علي فكرة ناني خطيبة اكرم كلمتني يا مراد وعزمتني
مراد:اه قولتلها اللي انتي جبتي الفستان وكدة
دارين:اه قولتلها قعدت تضحك
مراد:ماشي يا حبيبتي
#قضوا اليوم مع بعض واليوم كان مليان سعادة في البيت#
####
أنت تقرأ
عروستي
Romantikبنت جميلة جدا وطيبة وحنينة وحساسة جدا ومحبوبة بين عيلتها والناس وبتحب عيلتها جدا وبتحب تحقق اللي نفسها فيه لكن نظرتها هتتغير تماما للرجالة وهي بتحب ومن صغرها تتجوز ضابط عشان اخواتها ظباط لكن البطل بتاعنا جد في شغله لكن مع اصحابه حاجة تانية خالص و هو...
