## في مركز المخابرات##
مراد:عملت ايه في المهمة يا ادهم باشا
ادهم:ولله يا باشا احنا نفذنا كل حاجة وقبضنا عليهم كلهم الحمدلله
مراد:طب الحمدلله انت بقي النهاردة معزوم عندنا بقي
ادهم:لا مش عايز اتعبكم انا كدة كدة مش اكيل اوي
مراد:لا انت شكلك عايز ست الكل تزعل مني ومتدخلنيش البيت
ادهم:لا خلاص مش هنزعل ست الكل ده زعلها غالي علينا
سليم دخل فجأة:اهلا اهلا ادهم باشا هنا وانا اقول المركز منور ليه
ادهم:حبيبي يا سليم باشا
سليم:واحشني ولله ياعم فينك
ادهم:انا اهو موجود انت اللي فين من ساعة اما روحت قسم المباحث محدش يقدر يكلمك
سليم:اه ولله بس بحب القسم ده اوي
ادهم:طب كويس
مراد:جاي ليه يا سليم عايز حاجة
سليم:ست الكل اتصلت بيا ووصيتني اقولك متنساش تجيب ادهم معاك علي الغدا قولتلها متخافيش انا ومراد هنجيبه في عربية البوكس
كلهم ضحكوا##
مراد:جدع يا سليم ولله
ادهم:خلاص ياعم هروح معاكم بدل ما اتبهدل
سليم: كنت عايز اقولكم حاجة كدة في السر
ادهم:اوعي تقول انك هتكمل نص دينك يا سليم باشا
سليم:ياريت ياخويا
مراد:هههههه قول بسرعة هههههه
سليم:عز باشا قاعد في المكتب بتاعه وقاعد جايب لب و فول وقاعد يقزقز لب و فول من الصبح وانا شوفته وقفل علي نفسه ومحدش دخله خالص من ساعتها
مراد:انت بتهزر
سليم:اهزر في الشغل ليه ان شاء الله
مراد:طب تعالوا نجيب يحيي ونطب عليه
ادهم:طب يلا
## يحيي وادهم و سليم ومراد طلعوا لعز قدام الباب##
مراد:ده قفله بالترباس
سليم:يبقي مطب عليه ونقتحم المكان
ادهم:عندك حق يا ولا سليم
## مراد كان معاه حاجة صغيرة استخدمها في فتح الباب##
مراد بصوت عالي:اثبت مكانك
سليم بجمود:المكان كله محاصر
ادهم:مسكناك متلبس يا مجرم
يحيي:اقف مكانك
# عز قام مفزوع وهو بياكل لب وفول#
عز:قسمًا بالله انا ما عملت حاجة
## كلهم ضحكوا على عز##
مراد:طب مش احنا اخواتك ما تقولنا نقزقز معاك ياعم
عز:لامؤاخذة يا باشا احنا اسفين يا صلاح
##كلهم ضحكوا##
عز:حد كلمك من البيت يا مراد
مراد:اه الحاجة
عز:امم
مراد:هي كلمتك
عز:اه واكدت عليا ان ادهم يجي معانا الغدا
سليم:وكلمتني انا كمان انا ويحيي
مراد بص لادهم:ست الكل مأكدة علينا اهي
ادهم:حاضر جاي معاكم ولله
سليم:علي فكرة انت ممكن تركب معايا وتسيب عربيتك قدام الشغل هنا عادي
ادهم بمرح:اذا كان انا مش بركب مع اخوك مرادو صاحبي وانتيمي اركب انا معاك ليه هاه
مراد:هههههه كسفك يا سليم
سليم:لا ادهم باشا علي قلبي زي العسل
ادهم:حبيبي ولله
سليم:عز
عز:نعم
سليم:هي ست الحبايب مقلتلكش عاملة غدا ايه النهاردة اصل انا سألتها قفلت في وشي
يحيي:ما هي لازم تقفل في وشك السكة
عز:ما هي عارفة ان همك علي بطنك علي طول فلازم تقفل في وشك وده سؤال تسأله
سليم:فضول مش اكتر ولله
مراد:خلاص يعني احنا دلوقتي هننزل نركب كل واحد عربيته ونروح وهتشوف هي عاملة غدا ايه الصبر يا سليم الصبر يا باشا
عز:انا الصبح صحيت ونزلت عشان اشرب ماية لاقيته فاتح التلاجة وماسك الاكل بتاع امبارح وقاعد ياكل ياكل ياكل هههههه هههههه وانا مكنتش اخد بالي ان تيتة صاحية قامت مسكته هههههه هما الاتنين قعدوا يتخنقوا هههههه
سليم بضيق و غيظ:انا مش عارف الست دي عايزة مني ايه
مراد:هههههه اولا تحترم وانت بتتكلم عن جدتك ثانيا هي خايفة عليك ثالثا انت طفس
سليم:شكرا يا باشا
#كل واحد ركب عربيته وراحوا عند فيلا الجباس#
مراد:تعالي يا ادهم
ادهم:حاضر
عز:السلام عليكم ورحمة الله وبركاته
كلهم:وعليكم السلام ورحمة الله وبركاته
سمر:اكيد انت ادهم صح
ادهم:صح
سمر:طب الحمدلله انك جيت ده انا كلمت واحد واحد من عيالي عشان تيجي تاكل معانا
ادهم:وانا وفيت بوعدك اهو وسمعت الكلام
سمر:تعالي اتفضل
# ادهم سلم عليهم كلهم وحس احساس انه اول مرة يحس بالعيلة وانه كان مفتقد جو العيلة ده من زمان جدا#
مراد:ماما هي دودو فين
سمر:فوق بتجهز ونازلة
مراد:اخدت الدوا
سمر:اه
محمد:منور يا ادهم
ادهم:بنورك يا عمي
سليم:محدش سامع حس لتيتة يعني
سمر:قاعدة فوق في غرفتها بتتكلم في التلفون
سليم:اه
دارين:ازيكم يا جماعة عاملين ايه
مراد:اهلا بنوتي الحلوة فاكرة ادهم صاحبي صح شوفتيه في الشغل عندي
دارين:اه فكراه طبعا ازيك عامل ايه
ادهم:الحمدلله انتي عاملة ايه سلامتك
دارين:الله يسلمك
سمر:دارين امبارح كانت تعبانة خالص
ادهم:اه ما هو مراد قالي
مراد:مش بتخلي بالها من صحتها خالص
ادهم:لا لازم تخلي بالك عشان انتي لسة جسمك بينمو دلوقتي
دارين:امم
سليم:دو تعالي اقعدي هنا جنبي
دارين:حاضر
سليم:حبيبة اخوكي ولله
دارين:شكرا يا سولي
سليم:هو سيف جاي
دارين:اه تيتة بتقول
سليم:ماشي
الدادا:الاكل جهز يا مدام
سمر:يلا يا ولاد عشان الغدا وانا هطلع اجيب ماما
#كلهم قعدوا علي الغدا والباب خبط#
سليم:ميبقاش اسلام خالي لو أتأخر علي الغدا هو ومراته وابنه
اسلام المغربي:علي فكرة سمعتك
سليم:اهلا ابو سيف حبيب قلبي ولله
اسلام:لا يا شيخ
سيف اسلام المغربي ابن اسلام وايات عنده ٤ سنين#
سيف:دودو
دارين:نعم يا سيف
سيف:انا النهاردة هقعد معاكي
دارين:ده انت تنور يا سيفو
# سيف بص علي ادهم وراح عنده#
ادهم:ازيك عامل ايه
سيف:كويس انت عامل ايه
ادهم:كويس الحمدلله ايه الشياكة دي
سيف:علي فكرة ده لسة جديد
ادهم:شيك جدا ولله
سيف:انت اسمك ايه
ادهم:اسمي ادهم وانت اسمك ايه
سيف:اسمي سيف
ادهم:حلو اسمك يا سيف
سيف:هو انت صاحب مراد
ادهم:اه
سيف:عارف دودو صاحبتي برضوا
ادهم:اه انت بتحب تقعد معاها
سيف:اه و بنلعب استغماية بتعرف تلعب استغماية
ادهم:لا مش بعرف
سيف:انا هعلمك
ادهم بضحك:ماشي
سيف:انا هكون صاحبك ماشي
ادهم:ماشي ياريت
سيف:انا هقعد جنبك
ادهم:تعالي
#ادهم اتاخر الكرسي لسيف و سيف قعد جنبه#
ايات:سيف كنت قعدت جنبي عشان اكلك
سيف:لا انا هقعد جنب ادهم صاحبي
مراد:انت دلوقتي يا سيف محدش يقدر يكلمك
ادهم:اه دلوقتي سيف في حمايتي
#كلهم ضحكوا#
ادهم:كل ياعم سيف عشان تكبر كدة وتكون ظابط زينا
سيف:حاضر هخلص اكلي علي طول
ادهم:جدع
سمر:كلي يا دودو وخلصي اكلك
دارين:انا شبعت يا ماما
سمر:كلي اكلك كله عشان انتي ليكي اخت في الارض فلازم تاكلي اكلك كله
دارين بدهشة:بجد يا ماما
سمر:اه فكلي اكلك كله عشان اختك في الارض وربنا يديكي عطاء ورزق كبير
سيف:يعني انا يا عمتو ليا اخ في الارض
سمر:طبعا يا سيف
سيف:ده انا هاكل الاكل ده كله اكل كدة
#كلهم ضحكوا علي سيف وخلصوا الغدا و كلهم قعدوا في الجنينة#
سمر:عارف يا ادهم انا ولله كان نفسي اشوفك من زمان عشان مراد وعز و سليم ويحيي بيحكوا عنك كل خير وبيقولوا انت طيب اوي وجدع فكنت لازم اعزمك عندنا هنا
ادهم:وانا ولله مبسوط اني معاكم كنت مفتقد جو العيلة من زمان
#كلهم فهموا ان ادهم يتيم فمحبوش حد يتكلم في الموضوع #
سليم:انت اصلا اخونا الكبير واحنا عيلتك يا ادهم
ادهم:حبيبي يا سليم
سليم:مفيش حد عايز ياكل حلويات من برا
عز:انا
مراد بص لعز:انت تسكت خالص يا خاين انت عشان تقفل علي بابك وتاكل لب وفول من غيرنا
ادهم:اووف عز انت اتحطيت في البلاك ليست هههههه
عز:لا مراد قلبه طيب صح يا ميمو
مراد:اه خلاص المسامح كريم
عز:حبيبي يا مراد
سليم:دودو
دارين:نعم يا سليم
#سليم طلع من جيبه لوح شوكولاتة كبير وشاوره لدارين#
دارين بفرحة كبيرة جدا:حبيبي يا سولي ولله دايما فاكرني
سليم:هو انا انساكي يا دودو ده انتي حبيبتي
محمد الجباس:انت يا عز طلبت التورتة عشان عيد ميلا جدتك سلوي
عز:اه يا بابا متقلقش و شوية كدة هروح اجيب التورتة والبلالين
سيف:كل سنة وانتي طيبة يا تيتة
سلوي:وانت طيب يا حبيب قلب تيتة
دارين:كل سنة وانتي طيبة يا احلي تيتة يا عسل انتي
سلوي:وانتي طيبة يا دودو ربنا يارب يجبر بخاطرك واشوفك عروسة مع عريسك كدة و قاعدين في الكوشة
#عز راح جاب التورتة و البلالين وسلوي اتفاجأت بالبلالين وكانوا عاملين بالونه حرفS
ادهم:كل سنة وانتي طيبة يا ست الكل
سلوي:وانت طيب يا حبيبي يا ادهم
#عملوا العيد ميلا وكلهم احتفلوا بعيد ميلاد جدتهم سلوي وادهم كان حاسس بشعور تاني خالص في العيد ميلاد واول مرة كان يحس بطعم جو العيلة وكان قاعد سرحان في دارين وهي بتغني معاهم واليوم كان جميل اوي#
####
أنت تقرأ
عروستي
Romanceبنت جميلة جدا وطيبة وحنينة وحساسة جدا ومحبوبة بين عيلتها والناس وبتحب عيلتها جدا وبتحب تحقق اللي نفسها فيه لكن نظرتها هتتغير تماما للرجالة وهي بتحب ومن صغرها تتجوز ضابط عشان اخواتها ظباط لكن البطل بتاعنا جد في شغله لكن مع اصحابه حاجة تانية خالص و هو...
