#في يوم جديد#
#دارين صحيت بدري ولبست فستان خروج ونزلت عملت الفطار والكل لسة نايم#
دادا فهيمة:من امتي يا دودو وانتي بتعملي الفطار
دارين:من النهاردة يا دادا فهيمة
دادا فهيمة:ماشي طب اساعدك طيب
دارين:ياريت يا دادا عشان في حاجات مش عارفة اعملها
دادا فهيمة:من عنيا
#دادا فهيمة ساعدت الفطار مع دارين ودارين رتبت السفرة وحطيت الفطار هي والدادا#
سمر باستغراب:صباح الخير يا دودو صباح الخير يا دادا فهيمة
دادا فهيمة:صباح النور يا مدام
سمر:هو في ايه يا دادا
دادا فهيمة:اصل ست البنات صحيت بدري وعملت الفطار وانا ساعدتها في شوية حاجات
سمر فهمت دارين صحيت بري وعملت الفطار ليه؟قعدت تقول ممكن عشان ادهم هنا فعايزة يدوق الفطار بتاعها؟
دارين:صباح الخير يا ماما
سمر:صباح النور يا دودو
محمد الجباس:صباح الخير
سمر ودارين:صباح النور
سليم:صباح الفل والياسمين علي احلي عيلة الله شكل الفطار يجنن
دارين:انا اللي عملاه
سليم:لا يا شيخة
دارين:اه ولله
عز:تسلم ايدك يا دودو
دارين:الله يسلمك
مراد قعد يضحك علي دارين#
ادهم:مراد
مراد:نعم يا ادهم
ادهم:بقولك هو شكله هيبقي في مهمة قريب
مراد:بس بس تف من بوقك ياعم انا مبلحقش استريح
ادهم:انا بتوقع بس
سليم:بطل توقعاتك دي يا ادهم والنبي عشان انا هعيط ولله
عز:لا ياعم الشر وبعيد مفيش مهمات ولا حاجة
يحيي:ليه يبقي مفيش مهمات مش ده شغلنا
عز جاب الاكل وحطه في بوق يحيي:اسكت اسكت خالص هشهش
#دارين ضحكت بشكل هستيري و مراد ضحك معاها
وادهم معجب اوي بضحكة دارين#
سليم:اه صحيح الولا اكرم ملوش حس خالص ليه كدة
ادهم:اه مش سامع ليه حس يعني
مراد:تلاقيه مشغول في تحديد معاد الفرح
ادهم:اه صح فرحه قريب
سليم:احنا هنولع له الفرح صح يا رجالة
عز و يحيي و ادهم ومراد:اكيد
سليم:ولله اخواتي اخواتي بجد ولله
دارين:ما كنتوا قولتولي من بدري عشان اعمل فستان
سليم:انتي لو هتعملي فستان هتعملي لونه ايه
دارين:Baby Blue
عز:ايه ال Baby Blue ده يا دارين
دارين:ازرق فاتح يعني
عز:ما تقولي ازرق فاتح وخلاص لازم يعني انجليزي
دارين بنفاذ صبر:حقك عليا انا غلطانة
سليم:انت جاهل اوي يا زيزو
عز:طب ايه لازمتها زيزو بعد جاهل يعني
سليم:كل وانت ساكت
عز:ما انا باكل اهو
محمد الجباس:بصوا يا ولاد انا ومامتكم رايحين النهاردة الشرقية عند عيلة جدكم وجدكم و جدتكم جايين وانتوا كلكم هتقعدوا هنا
سليم:انتوا هتروحوا ليه
سمر:عشان هنروح نسلم علي عمتو هدي
سليم:طب هاتي وانتي جاية فطير مشلتت
عز:اه ومش و حاجات بقي من الشرقية
سمر:حاضر
دارين:انا هاجي معاكم ولا هقعد هنا
سمر:لا هتقعدي مع اخواتك
دارين:حاضر
مراد:متقلقش يا بابا اخواتي في عنيا وادهم اخويا في عنيا
محمد:واثق فيك يا مراد
مراد:حبيبي يا حج
ادهم:طيب مش عايزين حد معاكم
محمد:لا السواق هيبقي معانا يا ادهم
ادهم:طيب
محمد:يلا احنا بقي يا سمر
سمر:حاضر
محمد:لو عايزين تتفسحوا و تتغدوا برا براحتكم
سليم:تشكر يا راجل يا سكرة يا عسل انت ولله هات اما ابوسك
محمد:بس يا زفت انت
سليم بأحراج:حاضر
مراد:تروحوا وترجعوا بالسلامة
سمر و محمد سافروا الشرقية
سليم بيغني:امي مسافرة وهعمل حفلة
مراد:احنا كدة كدة لابسين يلا كل واحد علي عربيته
يحيي:يلا يا رجالة
عز:طب بالصلاة علي النبي كدة هنروح فين
مراد:علي افضل الصلاة والسلام بصوا احنا هنروح مول اوي حتة انتوا عايزينها
دارين:انا اي حاجة
سليم:وانا كمان وياريت لو اتغدينا كباب وكفتة ياريت يعني
مراد:تمام يلا كل واحد يركب عربيته
ادهم:طب مين هيركب مع مين
سليم:انا هركب مع عز
عز:اه وانا هركب عربيتي
يحيي:انا هركب مع عز عشان مش قادر اسوق النهاردة
مراد:طب علي خيرة الله يبقي ادهم ودارين هيركبوا معايا
ادهم:لا انت ودارين اللي هتركبوا معايا يلا
مراد:طب تمام اوي يلا يا رجالة يلا يا دودو
كلهم ركبوا العربيات والعربيتين بيسوقوا جنب بعض و يهزروا مع بعض بالعربيات ووصلوا عند مول ودخلوا المول#
مراد بمرح:يلا انتشروا
سليم:ده احنا هننتشر فعلا
عز:تعالوا نطلع فوق للدور اللي فوق
دارين:طب يلا
يحيي:في فوق واحد بتاع مكسرات وقهوة تعالوا نقعد عنده شوية وبعدين نتجول في المول
مراد:تمام يلا
ادهم:بيعمل قهوة حلوة
مراد:اه متخافش هتتكيف منها
#طلعوا فوق علي السلم الكهربائي واول ما قعدوا عند بتاع القهوة والمكسرات#
سليم:انا هروح اجيب مكسرات
عز:وانا هروح معاك يا سليم
يحيي:اقعدوا اقعدوا احنا هنطلب القهوة و هنمشي
عز:ياعم يحيي فك شوية ياعم بلاش بوز ده والنبي تفائل تفائل الدنيا حلوة
يحيي:الحمدلله نحمد ربنا
عز:ونعم بالله
عز كان هيتكلم مع سليم ملقاش جنبه#
عز:هو الولا راح فين
مراد:بص قدامك
عز بص قدامه لقي سليم بينقي كل انواع المكسرات و طلب القهوة وطالب حاجات بالشوكولاتة
مراد:سليم اعلن افلاسنا خلاص
دارين:هههههه لا بعد الشر يا مراد
مراد:انتي مش شايفة اخوكي بيعمل ايه
دارين:معلش معلش
سليم:معلش يا جماعة اتاخرت عليكم
مراد:لا مفيش حاجة يا سليم مفيش حاجة يا حبيبي المهم تكون ارتاحت و عملت اللي في دماغك
سليم:اه الحمدلله كلوا كلوا متتكسفوش
ادهم:ولله العظيم لو ابوك شاف الحاجات اللي انت جايبها دي هيكون يومك اسود
سليم:لا مش هيكون يومي اسود ده بيحب المكسرات جدا
ادهم:طيب
سليم:عز جبتلك لب كل
عز:ربنا يبارك فيك يا ابني ولله
مراد:دودو
دارين:نعم
مراد:انتي كويسة يا دودو
دارين:اه الحمدلله
مراد:تستاهلي الحمد
سليم بياكل المكسرات:دودو كلي مكسرات ترفعلك ضغطك
دارين:لا شكرا
سليم:يابت كلي يابت
دارين بشهقة:انا بت ماشي يا سليم ماشي
سليم:خلاص متزعليش
دارين:خلاص مش زعلانة منك
مراد:بقولكم ايه
كلهم:قول
مراد:ايه رأيكم نطلع الدور الاخير في المول اخر دور ده في ماركات جامدة و فيه بدل ماركات و في فساتين جامد لدودو ايه رأيكم نشوف بدل لنفسنا و دارين تشوف لنفسها فستان عشان فرح اكرم وننتهز الفرصة
ادهم:فكرة جامدة
سليم:اه انا عايز البس بدلة
مراد:طب يلا
#كلهم طلعوا الدور الاخير و راحوا الاول يشوفوا فستان لدارين#
بنت في المحل:اساعدك في حاجة يا انسة
دارين:انا عايزة اشوف ايه الفساتين اللي هنا
البنت:عايزة واسع ولا ضيق
دارين:مش عارفة بس اشوف الفساتين الاول ممكن حاجة تعجبني
البنت:تمام
دارين شافت الفساتين كلها ولقت فستان لونه بينك فاتح ومنفوش و واسع#
دارين:الله ده حلو اوي انا هاخد ده
مراد:طب نشوفه الاول نشوفه ادخلي البسي وشوفيه
دارين:حاضر
البنت اخدت الفستان لدارين ودارين لبست الفستان وكانت جميلة جدا في الفستان و كان طويل جدا وكانت رفعاه عشان تمشي بيه
سليم:قمر قمر ١٤ خشي جوة يا بت لاحسن تتحسدي
دارين بضحك:ولله انت مسخرة يا سليم
ادهم شاف دارين بالفستان كان معجب بيها جدا و سرح فجأة
دارين:ايه يا مراد ايه رأيك
مراد:بسم الله ماشاءالله قمر يا دودو جميلة جدا ولله العظيم
عز:ولله العظيم انا في الفرح هتخانق مع الرجالة كلها لو حد عاكسك
يحيي:جميل اوي يا دودو عليكي
دارين:شكرا يا يايا
مراد:هو ينفع نحجزه وناخده بكرة
البنت:اه ينفع
مراد:تمام يلا
دارين حجزت الفستان و راحوا لمحل البدل
مراد:يلا كلكم يا رجالة يلا شوفوا بدل ليكم انصرفوا
كلهم شافوا البدل وكان دارين بتشوف زوقهم وطلع زوقهم جامد جدا وحجزوا البدل وراحوا يتغدوا#
دارين:احنا هنروح فين
سليم:هنروح نتغدي كباب ايه محصلش قبل كدة
دارين:ماشي
#كلهم راحوا عند مطعم كباب ودخلوا وسليم سبقهم هو وعز وقعدوا قبلهم والباقي قعد معاهم#
سليم:هو فين الراجل اللي بيكتب الاوردر
مراد:اهدي شوية يا سليم اهدي شوية
سليم:لا انا في الاكل معنديش ياما ارحميني
عز بص لسليم:يا ساتر استر يا ساتر استر
النادل:تطلبوا ايه حضراتكم
سليم مرة واحدة:بص بقي احنا عايزين كيلو كفتة
مراد بصدمة:كيلو ليه احنا وحوش بص حضرتك احنا عايزين تمن بس
سليم:لا كيلو كفتة ونص كيلو طرب و عايزين محاشي بقي تنزل و عايزين اتنين كيلو سجق
دارين شهقت وادهم ويحيي وعز ومراد كانوا ميتين من الضحك بسبب سليم#
سليم:وهات بقي ايه نيفة عايزين نص كيلو
النادل:تمام يا باشا
سليم:اه وعايزين كمان طحينة و بابا غنوج وسلطات وكدة
النادل:تمام يا فندم
سليم:انا طلبت خلاص
#لسة سليم هيكمل كلامه لقاهم كلهم مش قادرين وبيضحكوا ضحك هستيري بسبب سليم#
سليم:في ايه انتوا بتضحكوا علي ايه
مراد:بنضحك علي خيبتنا التقيلة
سليم:ليه يا مراد كل ده عشان طلبت الاكل احنا لازم ناكل ونتقوي
مراد:اه نتقوي اه انت طلب محاشي ليه دي ماما هاريانا كلنا محاشي
سليم:لا انا نفسي فيه
عز بسخرية:ياعيني اصل سليم محروم من الاكل ياحرام
سليم بجدية:اه ولله
كلهم بصوله بصدمة
مراد:الولا ده هيجبلي جلطة
#الاكل جه ونزلوا الاكل و سليم نظراته الاكل كانت تضحك و كلهم اكلوا الاكل وعز و سليم فرموا الاكل كأنهم مأكلوش قبل كدة ومراد كان هيجراله حاجة بسببهم وادهم كل شوية يشربوا ماية#
مراد:اكلتوا الحمدلله
عز:ايه الاكل الجامد ده
سليم:اه الاكل جامد
مراد:دودو انتي اكلتي
دارين:اه
ادهم:شكلها مأكلتش
مراد:اه ما انت عايز ايه في وحوش هنا اكلت الاكل كله
يحيي:علي فكرة الاكل معقول
مراد:طب كويس انه عجبك
دارين:مراد انت اكلت
مراد:اه اكلت اما قولت بس ولله
سليم:طيب نروح بقي
مراد قاطعه:نروح فين احنا مش هنروح في حتة
عز بغيظ:يعني احنا مش هنحلي
سليم:ايوة عز عنده حق احنا لازم نحلي بعد الاكل
مراد بص لادهم:قولي متعصبش يا مراد
ادهم بضحك:متتعصبش يا مراد
مراد:ده انا لو معايا ولاد اختي مش هيعملوا كدة
#مراد دفع وطلعوا برا المطعم وراحوا مصر الجديدة شربوا شاي و قعدوا يهزروا ويضحكوا وكان يوم جميل #
دارين:انا عايزة اتطمن علي بابا وماما
مراد:طب خدي كلميهم
دارين اتصلت بمامتها وباباها وعرفوها انهم في الطريق ولسة عليهم كتير#
سليم:اتصلتي بيهم
دارين:اه و قالولي انهم في الطريق و لسة عليهم كتير
مراد:يرجعوا بالسلامة
ادهم:انا امشي انا بقي
مراد:رايح فين انت اسبوع الاجازة هتقضيه معانا
ادهم:متهزرش بقي يا مراد
مراد:متهزرش انت
#وكملوا باقي اليوم فسحات وروحوا مش قادرين و راحوا قبل اهاليهم واليوم لابطالنا خلص##
#####
أنت تقرأ
عروستي
Romanceبنت جميلة جدا وطيبة وحنينة وحساسة جدا ومحبوبة بين عيلتها والناس وبتحب عيلتها جدا وبتحب تحقق اللي نفسها فيه لكن نظرتها هتتغير تماما للرجالة وهي بتحب ومن صغرها تتجوز ضابط عشان اخواتها ظباط لكن البطل بتاعنا جد في شغله لكن مع اصحابه حاجة تانية خالص و هو...