عروستي

البارت التاسع

#ابطالنا كلهم جهزوا نفسهم عشان الفرح ودارين من الصبح مطلعتش من غرفتها عشان تجهز نفسها من الصبح والرجالة كانوا في اخر شياكة ودارين كمان#
سليم:ولا ايه الشياكة دي ياعم ادهم
ادهم:البدلة حلوة
سليم:جامدة
ادهم:قولي بقي ايه الشياكة دي ياعم سليم وفاتح الزرار من القميص بجد بجد البدلة هتاكل حتة منك لا احنا عايزين ننقيلك عروسة بقي
سليم:ولله انا بقول كدة برضوا
سليم وادهم ضحكوا ولما مراد طلع هو وعز ويحيي#
مراد:اه يا ولاد***** ايه الشياكة دي
ادهم:طب ليه الشتيمة يعني والشتيمة مش لايقة علي البدلة اصلا
مراد:عندك حق
عز:انت احلي مني في البدلة يا سليم
سليم بغرور:طبعا يا ابني ده انا البنات بتتمني بس تيجي
جنبي
عز:طب حاسب الغرور لاحسن بيقع منك
كلهم ضحكوا#
يحيي:احنا هنقف هنا كتير في اخر العنقود جوة في الغرفة بتاعتها
سليم:طب يلا ناخدها
مراد خبط علي غرفة دارين ودارين فتحت الباب وطلعت وكل الرجالة كانت في ذهول حتي ادهم ادهم مكنش مصدق نفسه انه كانت هتكون جميلة للدرجة دي#
سليم:لا ده احنا شكلنا هنقلل الفرح خناقة
مراد:اه صح يا سليم
عز:يخربيت شيطانك يا شيخة
يحيي:قمر يا دودو
سليم غمز لدارين:مزة مزة يعني
دارين:ايه الحلاوة اللي انتوا فيها دي
سليم:ده انتي اللي حلوة يلا عشان الولا اكرم مينفخناش
دارين:طب يلا
دارين بترفع الفستان وبتمشي بيه واخواتها بيساعدوها في المشي اما مراد وادهم كانوا ماشيين قدامهم
سمر:ايه القمر و الحلاوة والجمال ده يا دودو
دارين:شكرا يا ماما
محمد الجباس:ماشاءالله قمر قمر يا دودو ولله
دارين:شكرا يا بابا
كلهم ركبوا العربيات مراد ركب عربيته ومعاه دارين وسليم و ادهم وعز كان راكب مع يحيي ومامتهم وباباهم راكبين في عربية تانية#
سليم:ما تشغل اغاني شعبي يا مراد
مراد:مش عايزين دوشة
سليم:ماشي
ادهم:الولا عز مشغل اغاني وقاعد يرقص الاهبل
دارين:اه اهو يا مراد
مراد:عيل مجنون
سليم:فرتكة فرتكة علي الطبلة وعالسكسكة فرتكة فرتكة
دارين:هههههه بطل ضحك عشان مراد ممكن يعجنك
سليم:خلاص يا جماعة ده انا كنت بغني بحاول افرفش نفسي ولله
كلهم وصلوا الفرح ونزلوا بأناقتهم ودخلوا القاعة ودارين مش عارفة تمشي بالكعب و سليم بيسندها
سليم:يخربيت ام الكعب ده ده كام سنتي ده يابت يا دارين
دارين:٨ سنتي
سليم شهق:٨ سنتي ليه فاكرة نفسك هيفاء وهبي ولا انجلينا جولي
دارين:ولله هزعل منك يا سليم
سليم:خلاص ده لو الرجالة عرفوا اللي انتي لابسة ٨ سنتي ممكن ولله عز يقوم قالعلك الكعب ويديه علي دماغك تقوم دماغك مفتوحة بقي ياختي ونروح مستشفيات بقي وهيصة
دارين:يعني انت عايزني اتضرب
سليم:ولا عاش ولا كان اللي يضرب اختي
سمر المغربي:يلا يا ولاد
سليم:حاضر يا ماما
سليم جري وساب دارين تقع بالكعب ودارين لحقت نفسها بسرعة راحت جريت ورا اهلها وكلهم دخلوا القاعة#
دارين:مراد
مراد:نعم
دارين:تعالي سندني والنبي
مراد:تعالي يا دودو
دارين:هو العريس والعروسة فين
مراد:اوبا العريس اهو
دارين:مبروك يا عريس
اكرم:اهلا حبايب قلبي وحشتوني
الرجالة اتلفت حوالين اكرم وقاعدين يتطنطتوا بيه وفرحانين بيه#
مراد:لبست خلاص يا اكرم
اكرم:اه خلاص
ادهم:بس انت قدها و قدود يا اكرم
سليم:هو الراجل راح يحارب ده خلاص اتجوز انتوا محسسني انه رايح يحارب مع هتلر
عز:هههههه اه ولله
سمر المغربي:مبروك يا مني عقبال باقي الاولاد يارب
مني:يارب يا سمر وعقبال اولادك انتي
سمر:يارب يا حبيبتي وتشوفي كدة اولاد اكرم
مني:يارب يا حبيبتي
محمد الجباس:مبروك يا مسعد
مسعد:الله يبارك فيك يا محمد انا ولله سعيد انك جيت الفرح
محمد:متقولش كدة يا مسعد اكرم ده ابني ولازم نفرح له كلنا ولا ايه يا رجالة
مراد وادهم وسليم و عز ويحيي:طبعا
#العروسة نزلت مع باباها والعريس اكرم استلمها منه وناني كانت جميلة جدا والفستان بتاعها كان راقي جدا منفوش وكانت احلي عروسة في الفرح بشعرها الاصفر وعينيها الزرقاء#
سليم:يا ابن المحظوظة يا اكرم ده اتجوز مزة
مراد:لم نفسك بقي
سليم:هي مراته دي معندهاش اخوات بنات اتجوز منهم واحدة
ادهم:بس اهدي يا سليم اهدي يا حج
اكرم وناني رقصوا مع بعض سلو والكل كان فرحان بيهم جدا و دارين كانت واقفة معجبة بفستان العروسة وتكون بتفكر تعمل فستان فرحها كدة وادهم كان قاعد يبص عليها عينيه منزلتش من عليها خالص بس هي كانت خجولة جدا لانها حاسة انه بيبص عليها ورقصة السلو خلصت وكلهم سقفوا والاغاني اشتغلت وكانت اغاني رومانسية لحماقي اغنية واحدة واحدة ودارين كانت قاعدة ترقص جنب اخوها سليم وسليم كان قاعد يرقص معاها ومراد كان قاعد يرقص مع مامته وادهم وعز ويحيي كانوا بيرقصوا مع بعض وسط صحابهم وفجأة الاغاني الشعبي اشتغلت الكل اتلف حوالين العريس وقعدوا يطنطتوا معاه ويلفوا بيه والجو كان جميل بالفرحة والسعادة اللي مالية المكان وكلهم روحوا تعبانين من الفرح#
######