مالك روحي ♥️🌚

البارت 26

بقلم ملك رمضان ✨♥️
البارت السادس و العشرون من روايه مالك روحي ♥️🥰
وصل مالك إلى المصنع وسط تحقيقات الشرطه للعمال و لقى زين موجود و بيحقق معاهم برضوا و سلموا على بعض و نظر لمكان الحريق و اكتشف أنه مش ماس كهربي أو شئ حدث بالخطأ لاء ده مقصود و بفعل فاعل و العمال اتحقق معاهم و اتاكدوا إن مفيش حد متورط في ذلك الحدث و ذهب كلا من زين و مالك مع بعض في سياره مالك
و زين ترك سيارته للحارس الشخصي يسوقها و يجبها الشركه بينما زين كان مضايق من نفسه لأنه زعل سلمته قبل ما يمشى بدون سبب و كان بيفكر فيها و ازاي هيصالحها حتى وصلوا إلى الشركه و رجعوا بعض من الصفقات و الحسابات و الخساير اللي خسروها بعد حرق المصنع حتى جاء الليل عليهم و اضطروا يرجعوا منزلهم و بالفعل ركب كلا من مالك و زين سيارتهم و ذهب كلا منهم إلى وجهته
وصل مالك إلى المنزل و اول ما دخل لقى ملك نايمه في الصالون و التلفزيون شغال راح باسها من خدها برفق و شالها و وضعها على السرير برفق و دخل الحمام اخذ شاور و لبس ملابس مريحه للبيت و ذهب بجانب ملك و حضنها و نام بعد تعب كبير لأن هذا اليوم كان صعب على مالك و زين
بينما زين و هو في الطريق جائه اتصال
زين: الو
مجهول: ..........
زين وقف العربيه و قال
زين بعصبية: انت بتقول ايه انت اتجننت
المجهول: .........
زين بزعيق: انت شكلك متعرفش انا مين
اغلق المجهول الخط في وجه زين
زين ألقى الموبايل بعصبيه و تنفس بهدوء حتى يتمالك نفسه و يعرف يسوق و بالفعل زين حرك السياره و هو مقرر أن يفعل شئ ما و ذهب إلى المنزل بكل برود و دخل المنزل لقى سلمى منتظراه و جريت عليه بلهفه
سلمى بخوف و حب: زين حبيبي انت كويس اتاخرت ليه
زين بعدها عنه بقسوه و برود : ملكيش دعوه بيا ابعدي عني
اتصدمت سلمى من طريقته
سلمى بقلق: مالك يا زين انت زعلان مني انا عملت حاجه زعلتك احكيلي
زين ببرود: مش لازم تعملي انا مبقتش عايزك ولا بحبك ابعدي عني
سلمى بدموع: الكلام ده ليا انا ده انا يا زين ده انا حبيبتك
زين ببرود: سلمى ابعدي عني و روحي نامي
سلمى بهدوء عكس ما بداخلها: حاضر هروح انام بس انت مش هتنام
زين بزعيق: قولت ملكيش دعوه بيا انا هنام في اي اوضه تانيه اتفضلي نامي
زين نظر في عيونها  و هي نظرت له بحزن و عتاب و هو نظر بعيد عن عيونها بسرعه قبل ما يضعف و هي سابته و دخلت الغرفه و جريت على السرير و فضلت طول الليل تعيط و مش فاهمه ايه اللي حصل لكل ده و زين سامعها بس بيمنع نفسه بالعافيه أنه يدخل ليها و مقتنع أن كده احسن ليها و ميعرفش أنه بيموتها بالبطئ و سلمى نامت من أثر العياط.و زين أيضا نام بعد تفكير كتير في سلمته كما لقبها
و جاء صباح يوم جديد يحمل للبعض سعاده و امل و للبعض حزن و خساره للبعض
عند مالك و ملك
ملك استيقظت و دخلت اخدت شاور و خرجت لبست ملابس للبيت و ذهبت إلى المطبخ لتحضر الفطار و لاكن بينما و هي تحضر الفطار وقع منها طبق و اتكسر و استيقظ مالك على صوت تكسير الطبق راح جري على المطبخ خوفاً على ملاكه و اول ما دخل لقى ملك في الأرض و عماله تعيط راح خدها في حضنه و فضل يطبطب عليها حتى يجعلها تهدأ و ظل يتفحصها خوفاً من أن يكون حدث شئ لها ولاكن لم يكتشف اي جروح ف اطمأن
مالك بهدوء و استغراب: اهدي يا حبيبتي محصلش حاجه لكل العياط ده فداكي
ملك بعياط: لاء انا وحشه اتكسر بسببي اعمل ايه بقى انا مش هعرف اعمل الفطار
مالك بضحك و استغراب: يا حبيبتي ماهو عندك ١٠٠ طبق بداله يعني محصلش حاجه اكيد دي هرمونات الحمل
ملك ضربته برقه:طب ابعد بقى عشان انا اصلا زعلانه منك
مالك باستغراب: زعلانه مني ليه
ملك بزعل: معرفش بس انا حاسه انك عملت حاجه زعلتني بس مش عارفه اي هي
مالك بضحك هستيري: لاء تصدقي انا كده غلطان اوي و لازم اصالحك
ملك بدلع: اهو شوفت بقى انك غلطان و زعلتني صالحني بقى
مالك بخبث: عيوني تعالى اصالحك
فهمت ملك مقصده
ملك بمرح: لاء مش اللي في بالك و بطل بقى انا عايزاك تصالحني و تجبلي شوكلاتات كتير. اوي ممكن
مالك بمرح و عشق: بس كده عيوني و انا راجع من الشغل هجبلك شوكلاتات كتير اوي و حضنها و شالها و قعدها على كرسي السفره و راح المطبخ نظف الكسر اللي في الأرض و حضر الفطار و كلوا مع بعض في جو حلو اوي و دخل غرفه الملابس و ارتدى بدلته و ركب سيارته و اتجه إلى الشركه و خلفه مجموعه من الحراسه و وضع مجموعه من الحراسه أيضا على باب البيت عنده و عند مالك و خصوصا بعد حادثه المصنع و هو علم إن في عدو و لازم ياخد باله من كل اللي حواليه و بالفعل وصل مالك إلى الشركه و دخل مكتبه و خلفه السكرتيره
مالك بصرامه: زين وصل الشركه ولا لسه
السكرتيره باحترام: لسه حضرتك موصلش
مالك بصرامه: اول ما يجي تبلغيني و تبلغيه اني عايزه
السكرتيره : حاضر يا فندم عن اذنك
مالك: اتفضلي
ننتقل إلى ناحيه اخرى عند زين و سلمى
استيقظ زين و اتجه إلى الحمام و اخذ شاور و ارتدى بدلته و خرج من الغرفه و لاكن قبل ما يمشي ذهب الى الغرفه التي يوجد بداخلها سلمى و أراد أن يطمئن عليها قبل الذهاب و لاكن بطريقه غير مباشره
و بالفعل ذهب الى الغرفه و لاكن لقى الباب مقفول ظل يخبط و يخبط و لاكن دون فائده و قلق كثيرا عليها
زين بقلق: سلمى افتحي الباب
زين بعصبية و خوف: افتحي الباب بقولك يا سلمى افتحي بدل ما اكسره
كاد أن يكسر الباب و لاكن سلمى فتحت و هي ملامحها باهته من الحزن و عيونها منفوخه من كثره العياط
زين اتصدم من حالتها تلك و دخل الغرفه
زين بعصبية: انتي بتقفلي ليه الزفت مش في إنسان عايش معاكي و اكيد هعوز حاجات من الاوضه
سلمى ببرود: معلش مش هتتكرر عن اذنك و تركته و ذهبت الى الحمام و لاكن قبل أن تدخل الى الحمام زين مسكها بعصبيه و قال
زين بعصبية: ايه البرود ده و بعدين مالك في ايه
سلمى سحبت ايديها بعصبيه و قالت ببرود: انا مقولتش اي حاجه غير معلش مش هتتكرر و مغلطش و بعد كده متلمسنيش ياريت عشان بقيت قرفانه لما بتمسكني أو تلمسني و حاضر انا هبعد عنك لأن حضرتك مبقتش عايزني ولا انا عايزاك
زين من كتر العصبيه ضربها بالقلم و سلمى اتصدمت لانه عمره ما ضربها و نظرت له بدموع و زقته بعصبية و دخلت الحمام و فضلت تعيط و هو اتصدم من اللي عمله و خرج من البيت و ركب سيارته و هو متعصب و اتجه إلى شركته بينما سلمى خرجت بعد ما خدت شاور و لبست ملابس خروج و قررت أن تترك المنزل و تذهب الى ملك لأنها مش هقدر تقعد بعد اللي حصل
اخذت سلمى موبايلها و رنت على ملك
ملك بعد مده: الو ايه يا سو عامله ايه وحشتيني اوي
سلمى بدموع و حزن: انا محتجالك يا ملك انا تعبت
ملك بصدمه و خوف عليها: في ايه يا حبيبتي مالك زين حصله حاجه في ايه
سلمى بدموع: هو كويس بس مش قادره احكي انا عايزه اجيلك ممكن اجي اقعد معاكي كام يوم عشان انا مش عايزه اقعد هنا لحظه واحده لحد بس ما اظبط اموري و اشوف شقه اقعد فيها
ملك: انتي مجنونه يا سلمى لاء طبعا انتي هتقعدي معايا و مش هتمشي لحد ما زين يجي ياخدك و يصالحك و انا مستنياكي
سلمى: ربنا يخليكي ليا يا ملك انا مش هتاخر عليكي بس مش عايزه زين يعرف اني عندك ممكن
ملك: طبعا يا حبيبتي متتاخريش سلام
سلمى: سلام
و اتجهت سلمى إلى الدولاب و حضرتك شنطها و خرجت من البيت و ركبت تاكسي و وصلت عند ملك و اول ما وصلت كانت الصدمه .....
استووووووووووب
👑👑👑👑👑👑👑👑👑👑👑👑👑👑👑🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉
انتظروني في بارت جديد و متنسوش تكتبوا رأيكم في الكومنتات و لايكات كتير و شير لصحابكوا يا قمرات و يارب تعجبكوا الأحداث اللي جايه و شكراً جدا ليكوا
👑👑👑👑👑👑👑👑👑👑👑👑👑👑👑🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉