✳ الجزء 1 ✳
♥هـــــدايـــــــة عـــــــــــــمر♥
🌸تيما مبارك🌸
خارج من البار شاد طريق نيشان الدارو و الموسيقى خدامة على جهدها و معاه بنت شادة فيه كتضحك و خالقة السعادة معاه مع شراب و سكرى لي شادهم بجوج محاسينش بالطريق معدى يحبس اللوطو زاد في السرعة و دخل في كاميو تقلبات بيه لوطو جوج قلبات و فقد الوعي مبقاش حاس براسو اما البنت لي حداه معرف واش عايشة او ميتة
خرج مول الكاميو و كي طل و هو يبعد على لوطو حتى هو دايخ صف لوطوات بقاو كي وقفو في الطريق و كاين لي نزل يشوف و كي تاصل بالاسعاف
دقائق كانو تما و بداو كي خرجوه و الصحافة جات تدير تغطية ديالها كيف عرفات هو ولد من و شكون يكون
جالسين في الكوزينة كي تفرجو حتى كي خرجو عينيهم الخدمات و كاين لي طارت البيت عند لي خدامة عندها تقول ليها الخبار كيف سمعاتها ناضت تغوت و تعاود خرجات بلا عقل ركبات في لوك مصبراتش على ولدها و كيفاش عتصبر على خبار كيف هذه اما الاب ديالو تاصلو بيه كيف عرف مشا نيشان الكلينيك فين كاين خايف عليه و علاش لا ولدو الوحيد لي عندو كيفاش بغيتوه يجلس على قبلو
وصل لقا مراتو تما و الطبيب خارج شافهم و تنهد:انتوما وليدين المريض
***:اه هو انا ولدي لباس عليه ياك
طبيب(باسف):البنت لي كانت مع ولدك توفات مع الاسف
***(غوتات):مكتهمنيش لي كي همني هو ولدي كيف بقا
طبيب؛دخل في غيبوبة معنقدرش نقول ليك فوقاش يفيق منها ولكن عندو كسور على مستوى الرقبة ديالو و يديه و حتى رجليه خاصو يبقا مدة طويلة في العلاج منين يفيق
كيف سمعاتها طاحت على طولتها صخفانة من لي سمعات ممتيقاش نهائيا ولدها لين الحياة و الموت
أنت تقرأ
هـــــدايـــــــة عـــــــــــــمر قصة كاملة 🌸تيما مبارك🌸
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
