✳ الجزء 30 و الاخير ✳
♥هـــــدايـــــــة عـــــــــــــمر♥
🌸تيما مبارك🌸
توالات الايام جري من لهنا و جري من لهيه ها العرس ها الصداق و لي بانت العمر ياخدها ليها فعلا مزال ما شافها ولا خرج معاها حتى ليلة لي تكاتبو فيها و عائلة هداية عرضات على عمر و عائلتو تجمعو في الدار عندو فرحانين ناشطين
هداية كانت في البيت ديالها لابسة قميص و مقادة راسها مع حجاب مغطية فيه راسها خدات نفس عميق حتى دخلات حورية
حورية:مزالة ما عتنزلي
هداية:اول مرة يشوفني
حورية:عادي ا بنتي راك مراتو دابا
هداية:عارفة
حورية:هداية واش مفرحاناش ا بنتي بهذه الزواج
هداية:انت عارفاني كيف دايرة ا ماما
حورية:و حيت عارفاك الله يرضي عليك توگضي شي شوية راه دخلتي ليهم الشك التحت حتى سميرة سولاتني واش مبزين عليك الزواج واخا قلت ليها طبع بنتي هكدا ما تاقتش فيا و انت باينة فيك ا بنتي طايحة في ولدها طيحة عمية
هداية(حشمات):اويلي ا ماما
حورية:يالله زيدي باسم الله
تبسمات و خرجات معاها الابتسامة على وجها هما كانو جماعين في الصالة حتى كتدخل عليهم عروسة ولدهم لي غير شافها عمر بقا حال فمو فيها و هذه ردة فعل طبيعية من اي رجل او وحدة بصفة عامة اول مرة يشوف فيها شي وحدة منقبة صرط ريقو و كي سول راسو واش واخد الزين في الزين تبسم حتى سلمات عليهم و جلسات حداه نيت ببتسامة
سميرة:ما شاء الله مرات ولدي فنة
هداية:شكرا ا خالتي
عمر(حدا ودنها):لي شافك دابا متبتة ميقولش هذه هي البنت المفروحة في الخدمة
هداية(تبسمات كتشوفهم ملاهيين كي ضحكو):مزال ما بغيتي تحيد منك هذه القاعدة
عمر:مزال عندي قواعد اخرين ا هداية خاصكي تشوفيهم ولكن صبر حتى يدوز العرس
تحط العشاء و كلاو لي قسم الله و بقاو مجموعين عمر شاف في باه و تكلم ليه في ودنيه عطاه الموافقة دوا مع مراد لي وافق بنتو تخرج الجردة مع عمر منين ولات دابا مراتو شرعا ناضت معاه حشمانة منهم و هما حاظينهم كانو مواتيين ديال بصح
هداية(شافت فيه):فاش باغي تهضر معايا
عمر(حك شعرو):ما حصلاتش لينا فرصة فين ندويو بجوج حيت عارف ملتزمة و انا حتارمت هذه الالتزام
هداية:اوا
عمر(تبسم):احم هداية منين تزوجنا دابا عندي حق نقول ليك بلي كنبغيك بزاف و انت منين وافقتي على هذه الزواج
هداية(تبسمات):بلا ما تحشمني
عمر(مد يديه و هز ليها راسها شافت فيه): باغي مراتي تريحني و تريح قلبي
هداية:فرحان بهذه الزواج ا عمر واخا معمرك شفتيني بغيتيني
عمر:بغيت روحك وقلبك ا هداية قبل من كلشي و باغي نولد معاك وليدات و ناسس معاك مستقبل نكون ليك سند و تكوني ليا سند
هداية:ان شاء الله ا عمر ربي يقدرني و نكون ليك نعمة الزوجة لي كنتي تقلب عليها
عمر(حط يديه ضامم خدودها بجوج و باس جبينها):لي كنت نقلب عليها طحت فيها و ربي كتبها عليا الله يخليك ليا يا ربي
بزعامة ضمها الصدرو و هي الحشمة كتاكل فيها من الداخل فرحانة في نفس الوقت متوترة و هذه الشي مبقاش مع العشرة بيناتهم و الحب لي عطاها عمر بدون ما يتسنا مقابل و حتى هداية كانت نعمة الزوجة الصالحة لي حضنات على رجلها و وليداتها و دارها
قصتنا كانت خفيفة ضريفة و العبرة منها هي ان الله الا خدا منك الحاجة كي عوضك بحاجة افضل منها مشي دائمة الشخص لي كنشوفوه مناسب لينا هو لي نبقاو متشبتين بيه العكس الشخص لي مكتبو لينا الله هو لي نتشبتو بين و الحمد لله على نعمة الرزق القدر و المكتاب
🌸الــــــــنــــــهـــــايـــــــــة🌸
أنت تقرأ
هـــــدايـــــــة عـــــــــــــمر قصة كاملة 🌸تيما مبارك🌸
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
