✳ الجزء 6 ✳
♥هـــــدايـــــــة عـــــــــــــمر♥
🌸تيما مبارك🌸
دازو الايام و النهار و شهور و سنة كتعدي و العلاقات تطورات و تحولات من علاقة سطحية من ناحيتها حتى العلاقة جدية تعرفات على عائلتو لي كانو مرحبين بالفكرة اصلا معندهمش مشكل طالمة البنت قارية ولكن الحاجة لي معجباتش ام عمر هي فين ما تقول ليها بغيت نشوف وليديك ولا على الاقل الام ديالك كتهرب من الموضوع و معمرها جبداتهم ليها
و فعلا حتى من عمر لاحظ هذه الشي مع انه ولا كي موت عليها و كي حماق عليها الا انه مناسيش موضوع العائلة لي بالنسبة ليه شي حاجة لي مهمة و هذه الشي مشي عائق باش في كل مرة يتبت ليها حبو و عشقو ليها و مدى اهميتها في هذه حياتو
جالسين في القهوة كي رشف منها و هي مقابلة معاه كي دويو حتى فاتحها في الموضوع نيشان
عمر:كوثر
كوثر:نعام ا حبيبي
عمر:خاص عائلتي تلاقا بعائلتك ا كوثر
كوثر(تنهدات):اوكي انا نقولها ليهم غير انت متبقاش تبزز عليا
عمر:علاقتي ليك جدية بزااف لدرجة متصوريهاش يعني داخلين على الزواج معرفتش علاش مكبرة الموضوع
كوثر:عارفة ا عمر عارفة انت عارف عائلتي قداش محافظة
عمر:عارف حتى انا دخل من الباب مشي من الشرجم
كوثر:صافي كون هاني
شافت في تيلي ديالها كي صوني في البلاصة هزات و خشاتو في الصاك و شافت فيه:انا خاصني نمشي دابا
عمر:مزال الحال مشي قلتي خاصك تمشي لافاك
كوثر:عمر من بعد عنمشي خرج ليا شي شغل
عمر(ناض):تسناي نوصلك
كوثر:مكاين لاش ا عمر عنمشي راسي اصلا غادا غير الدار
هز ليها براسو و هي خدات صاكها و خرجات شدات طاكسي بقا جالس كي حك لحيتو و كي فكر ملقا حتى حل من غير يمشي هو بيديه عند وليديها و يدوي معاهم
أنت تقرأ
هـــــدايـــــــة عـــــــــــــمر قصة كاملة 🌸تيما مبارك🌸
Ação🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
