✳ الجزء 17 ✳
♥هـــــدايـــــــة عـــــــــــــمر♥
🌸تيما مبارك🌸
دازت سيمانة اخرى على هداية و هي في طنجة حتى كملات و طمنات على صحة المريض شدات البوراق و رجعات بحالها المدينتها كازا مشات الدارهم دخلت ليها سلمات عليهم و طلعات ضرباتها بنعسة حتى شمن وقت عاد ناضت جمعات الوقفة دوشات و لبسات عليها عبايتها و خرجات عاد تمشي الكلينيك تاني
10 ايام دازت عليها مشافتش فيها عمر توحشاتو بزاف و هذه الشي كاتماه في الداخل ديالها توجهات الغرفة ديالو نيشان دقدقات و دخلات كتطل براسها لقاتو كي شوف في الشرجم مكاينش هنا و كي خمم غير في هداية لي تكون دابا مع مريض اخر كي تفشش عليها حتى هو خاصو يتفشش راه مريض كيفو
شم شي ريحة مغريباش عليه دور راسو و هو يلقاها تبسمات ليه هداية حتى تسدو عويناتها من تحت نيقابها هذا ممنعوش انه يعرفها كانت تبسم):سلام عليكم
عمر(جمع يديه و خنزر):فين كنتي
هداية(شدات كرسي و جلسات حداه):كانت عندي خدمة مساليتش
عمر:كان شي مريض اخر ياك
هداية(هزات براسها):اه كان خصو لي يوقف معاه
عمر:مزيان الآلة و مخلياني هنا ديك الساعة قوليها ليا مشي تخليني نعرف من البراني
هداية(عقدات غوباشتها):مسحابش ليا
عمر:سحاب في السماء
هداية(كشرات):عمر راه داوية معاك بصح كون يحساب ليا عتقلق كون قولتها ليك و زيدون المريض كان خاصو الرعاية
عمر(خنزر فيها):حتى انا مريض و مقبل على العملية و باغي نوقف على رجلي خاصني الرعاية ا دكتورة الرعاية
(هز صبعو مشير الشرجم):كيف هذاك المريض لي انت كنتي معاه زوينة هذه
هداية(عينيها لمعو):واش بصح باغي دير العملية
عمر(بالنفخة):سنيت عليها و مكرهتش في اقرب وقت
هدية(فرحات بزاف):اوا صافي وجد راسك نفسيا انا نشوف مع رئيس الاطباء
عمر:واخا فين غادا
هداية(وقفات):خير البر عاجله
وقفات و خرجات عند الاب ديالها علماتو و منين قلب ليا فعلا عمر سنا عليها وجدوه مزيان بعد 3 ايام باش يكون مستاعد علمو عائلتو فرحات في نفس الوقت خافت حتى وصل وقت العملية
أنت تقرأ
هـــــدايـــــــة عـــــــــــــمر قصة كاملة 🌸تيما مبارك🌸
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
