✳ الجزء 19 ✳
♥هـــــدايـــــــة عـــــــــــــمر♥
🌸تيما مبارك🌸
صباح الصباح وسط غرفة الإنعاش حل عينيه بشوية و هو مزال مخظر دور راسو بصدفة الضبابة على عينيه كي شوف في الزاج شي وحدة غمضهم و ولا عاود فتحهم نفس الشي
كانت هي ااايه هييي كوثر لي عرفات غير من الاخبار على رجل الاعمال لي دار كسيدا و خضع العملية البارح جات تسول عليه و تستفسر الحالة ديالو غمض عينيه و دور راسو كي شوف في السقف كاره الشوفة فيها اما هي الدموع في عينيها بغاتو اااه ولكن معندها ما دير هي مزوجة كون كانت غير ممزوجاش تقدر تخطاها
دورات راسها منين شافت وحدة منقبة لابسة لباس الطبيبة و معاها جوج بنات شافت فيها مستغربة كيفاش هذه منقبة و طبيبة في نفس الوقت شكون لي قدر يسمح ليها تخدم بحال هكذا اما هداية معرفتهاش ولكن شدها الفضول تشوف شكون هذه لي واقفة قدام غرف الإنعاش لي فيه عمر
هداية:سلام عليكم
كوثر:انت طبيبة ديال عمر
هداية(هزات براسها):اااه يمكن نعرف شكون انت
كوثر: نعااام
هدية:حيت معمري ما شفتك هنا مع المريض ديالي
كوثر(بتكبر):انا خطيبة ديالو كوثر كنت خارج البلاد داكشي
هداية(هزات براسها و عضات شفايفها بغضب): خارج البلاد
كوثر:دابا نقدر نعرف حالتو الصحية
هداية:سمحي ليا ولكن هذه اسرار المريض ديالي منين يصح يقدر يقول ليك حالتو
دارت دخلات و الكدوب في الوجه محشماتش شافت في الصيروم في نفس الوقت نطقات:هبطي الريدو
الممرضة مشات هبطاتو على كوثر اما هداية شافت في عمر لي حل عينيه بمجرد ما شم ريحتها و سمع صوتها
عمر:جيتي
هداية:باش كتحس
عمر:باغي نشرب
هداية(شافت في الممرضة):جيبي الماء
عمر:واش نجحات العملية
هداية:حاليا رجعنا كلشي البلاصتو و كنطلبو الله غير توقف في رونو مع اخصائي العظام و هذه الشي خاصو العزيمة ديالك هاك شرب
مدات ليه يشرب بالباباي حتى كمل و تكا شاف فيها:شحال عنبقا هنا
هداية:سيمانة
عمر؛واخا ولكن خاصك تقابليني انت
الممرضات هزو عينيهم في هداية و مبتاسمين هي حشمات من كلامهم و عضات شفايفها بحرج قدامهم:عنمشي نعلم الطبيب الكبير و نتكلم مع وليديك
أنت تقرأ
هـــــدايـــــــة عـــــــــــــمر قصة كاملة 🌸تيما مبارك🌸
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
