أمرآه تتحدى القدر

البارت 6

طبعا لكل عارض بزواجي وكفت بوجه لكل كلتهم اني موافقه طبعا عمتي لي رافضه زواج علمود مصلحتي صغيره وماحضرت عرسي المهم ازوجت بسنه 2009بشهر ثالث اتعس سنه لي بيدي جبت نار اليه جان عمري 15سنه طبعا ماقبل زوجي اكمل دراسه بطلني المهم وره سبعه ايام من زواجي صارحني الولد وكال اني عقيم لاتعبين نفسج وتكولين ليش مااخلف هنا نصدمت كلته ليش ماكلتو النه كال ابويه كال لاتكول انت عقيم اني ظليت ساكته ماحجيت كلته اذا على الاطفال ماتعرف الله سبحانه وتعالى شكاتب النه كله بيد رب العالمين  وهنا كلت نكسرتي يعني شنو مراح تصيرين ام بحياتج يعني مراح تسمعين كلمه ماما هنا كمت على حيلي كلت اني كلشي اسوي لخاطر بيبي اتحمل المهم راحت بيبي عندي كافي. خلي اكولكم على بيت اهل زوجي لي عذبوني زوجي عنده ثلاثه اخوان واربع اخوات طبعا احنه 3جناين بلبيت طبعا شلون عندي نسوان حمه يخبلون دمروني مرت سنه على زواجنه.. البيت كله على راسي اخبز انظف اسوي ريوك وغده وعشه وغسل ملابس لان نسوان حمه وحده تعارك وياه ثانيه علمود شغل بوكتها اجتي عمتي كالت لهم مرت عامر هي لي راح تستلم البيت كله اني ظليت صافنه كلت شنو خدامه ماحجيت كلت يجي عامر وكوله اجه من دوام كلته خاله تكول البيت عليج راح يصير كلته ليش احنه جناين ثلاثه بلبيت كالي اتحملي لخاطري 🥺هنا سكتت ماحجيت مرت اسبوع ابده عامر يتغير عليه مايجي مااشوفه بنهار كل مااخابره اكوله وينك تعال اتغده ارتاح يكول عندي شغل يجي بس بليل اشوفه فد يوم من الايام اجه سكران كلتله ليش تشرب دفعني على حايط وكام يضربني كلته والله ماسويت شي كالي اني اشرب ومالج دخل بيه كلته شلون مالي دخل بيك اني مو زوجتك كالي اني جبرت عليج مااريدج هنا ظليت صافنه عافني وراح نام حتى ماعتذر اليه نمت على جربايه مااكولكم جسمي كله يوجعني من ضرب مالته نمت على جربايه دفعني كالي طلعي بره كلته وين اروح انام كالي اطلعي طلعت نمت بغرفه لخطار وظليت ابجي على حظي ذكرت ابويه وين عفتني ياابويه بنتك محتاجتك 🥺صار صبح كعدت اسوي ريوك لعمتي كالت شبيكم كلتها خاله اجه سكران وضربني اني عبالي راح توكف ويايه كالت عادي تصير نصدمت هنا ماحجيت كملت كلشي وصعدت انام بغرفتي ظهر اجه كالي شلون   تنامين وابوي منو يصب اله الغده كلته خاله كاعده كالي لازم جلدج يريد ضرب كلته ليش تعاملني هجي شسويت كالي تكومين لواضربج كمت على حيلي وكعدت انتظره بلمطبخ اجه عمو صبيت اله الغده وغسلت ملابسه صارت بلخمسه مانمت ظليت كاعده هنا كلت ليش يعاملني مثل الخدامه حتى اهله هم ماحجيت تحملت المر والقهر كلت يارب ليش اني مومثل هذوله بنات اريد ارتاح من اجيت لدنيا ماشفت راحه. 🥺