وحيل بينه احنه تانينه القطار وما مشينه 🥺💔
هنا حسيت دنيا وكفت بوجهي عمتي كالت اكو روضه يدورن وحده درس اسلاميه شنو رايج نروح اني وياج رحنه اني وياها وشافتني المديره مالت ام روضه كالت تعامل وياه اطفال تعامليهم مثل اطفالج كلتها صار وفعلا داومت صرت مُدرسه اسلاميه طبعا لفضل لعمتي صارت صديقتي عمتي بس اذا تمرضت وتشوفني ضايجه اول وحده توكف ويايه توديني على دكتور المهم تقريبا ظليت 4سنوات ادوام بروضه شكد اجوني خطابات وارفض ولابالي ازوج ولابالي احب جنت اروح بيت دوام واكل وانام . هنا ذكرت صديقات المدرسه يسرى رسبت ماكملت زوجت وصار عدها 3بنات وبيتها بغداد اختفت مااعرف اخبارها
غفران هم رسبت بس هم اختفت
نغم هم رسبت بس بعدها وياي نغم هاي انسانه الجزء من روحي هاي اكثر صديقه
اروح عليها هي وست رغد دايمن ينصحوني برغم ست رغد جبيره بلعمر ونغم اصغر مني بس احبهم دايمن وياي على حلوه والمره
ست رغد ازوجت بيتها بغداد عندي تواصل وياها لي هسه لان هي اكثرمن اخت لي ماجابتها امي
ونغم اكثر انسانه تفهمني شكد تعبتها نغم بنص ليل اخابرها وابجي اشكيلها همي نغومه حبيبت كلبي يحفظج الله واشوفج اعلى مراتب واشوفج احلى عروسه🥰
وبسنه 2021 بيبي ام ابويه تعبت تمرضت كالت اريدج تبطلين من روضه تكونين يمي كلتها صار وفعلا بطلت وصرت مسووله على البيت كامل اطبخ انظف اروح لسوق ادريهم صرت صارو اصدقائي اهلي عمي لي ويايه بلبيت يمه ابو عمار احسه ابويه يعاملني مثل بنته اني اصدقاء يحفظك اليه عمي ابوعمار وعمي ثاني ابو ملاك الله يحفظه اليه صار اصدقائي اليه لي همه عمامي برغم اني صرت صديقه البيت ولد عمي عمار اكثر واحد انطي اسراري واني مغمضه برغم صغير واني اكبر منه هوابن عمي عمار صار صديقي المقرب دايمن يكول عليه صخله😂اخو ثاني هم واخته الله يحفظهم
ملاك بنت عمي هاي انسانه توم مالتي نفس حظي نفس اخبالاتي يحفظج بنتي ملوكه بنت عمي المقربه على كلبي دومها تبجي عليه تكول ليش ماعندج حظ دايمن اكولها لحظ عند الله بنات عمتي مزوجات وعدهم اطفال اموت عليهم الحمدلله راضيه برب العالمين واهل ابويه.
أنت تقرأ
أمرآه تتحدى القدر
General Fictionقصه كاتبه عراقية حقيقية تتحدث عن واقع عن أمرآه تتحدى القدر التي مرت فيها من هي وصغيره وتكول صبرت صبر ايوب والصبر جميل 🤍
