ذكرت ايام طفوله وذكرت صديقاتي
امنيه تخرجت من كليه وسافرت وزوجت واحد من المانيا وعدها ولد واحد
لينا ماكملت مدرسه ازوجت وصار عدها ولد وبيتها بغداد
حنان تخرجت وزوجت وصار عدها ولد اثنين بيتها بلبديات
لي هسه عندي تواصل وياهم هذوله اخواتي لي ماجابتهم امي..
طبعا رحت ثاني يوم على مدرسه لي اسمها نهضه المسائية والمديره جانت كلش حبابه فعلا قبلتني بلمدرسه طلعت المديره اني وياها نفس المنطقه كالت تعاي وياي بلخط وفعلا رحت وياها بلخط جنت اسمع كلامها المهم اهلي كالو نريد نحجي وياج كلتهم تفضلو كالو راح داومين مدرسه كلتهم اي كالو انتي مطلكه فه ناس اكيد راح تحجي كلتهم قابل شراح اسوي هو راح ادوام مدرسه وان شاءلله ثقتكم مااخذلها هنا كلتهم اريد ملابس مدرسه عدهم زين لون رصاصي رحنه اني وبيبي على سوق واشتريت ملابس مدرسه ودفاتر ورجعنه قبل لاانام فكرت كلت ليش ماخذين عن المطلكه سمعه ماحلوه كلت ليش مايكولون مااعمم عن لكل ليش يجوز رجال مابي خير يجوز قسمتها مو زينه مثل حظي كبل حكمتو عن المطلكه موزينه اذا هي ارمله حجو عليها والبنيه بعدها مامزوجه هم حجو عليها كلت لازم احافظ على نفسي من هاي ناس يحكمون كبل بدون مايعرفون سبب عاهدت نفسي كلت مراح ازوج ابد كلت موكل مره مازوجت معنها وكفت دنيا لاغلط اكو ناس مرتاحه بدون زواج.
على كوله هيثم يوسف يكول شيجب باجر واصبر شلون باجر راح اداوم بلمدرسه نمت وصار صبح كعدت تريكت نظفت سبحت وبدلت لبست ملابس المدرسه اول يوم الي اجه الخط ساعه 12ظهر فعلا داومت والمديره ويايه بسياره لان اني وياها نفس المنطقه طبينه المدرسه ودوتني على صف كالت هذا صفج فعلا طبيت لصف وكعدت رابع رحله كعدت يم بنات اثنين المهم اجتي ام العربي تعرفنه عليها ونطتنه درس وبعدين دك جرس وتعرف على بنات بصف وبعدين تعرفت على لي يمي برحله اساميهم يسرى وغفران ورانه بنات اسميهم نغم ومريم وحنين وايه هذوله كلهم شله المهم اخذنه دروس هنا شفت كلش صعبات عليه دروس لان كلها تغيرت رجعت من دوام بل 5العصر تغديت وشربت جاي وكعدت يم الاهل وكلتهم عن يومي بلمدرسه كلتهم اريد اخلي خصوصي لان كلهم صعبات كالو شنو صعب عليج كلتهم كلها صعبه لان متغيره.
خليت مُدرسه كيمياء طبعا ست رغد ام لكيمياء احلى ست شفتها بحياتي طبعا طبيت لبيتهم جان امها وابوها وهي طبعا صار جزء من حياتي لان يوميه اروح ادرس يمها خاله لي هي امها طبعا امي ثانيه وابوها مثل ابويه وهي رغد صارت اليه صديقه والاخت واقرب شي اليه الله يحفظهم وخليت كل مواد خصوصي علمود انجح لان كلها صعبه طبعا انجح بشهري وبليومي جنت شاطره وست رغد ابد ماعفتني ظليت تقريني اجتي نصف سنه قريت ونجحت بكل المواد طبعا صديقاتي لي همه نغم ويسرى وغفران هذوله ويايه نفس صف صار مقربين اليه طبعا كلنه ندخلنه وزاري وامنتحنه وكلنه رسبنه 🥺هنا اني ظليت صافنه ليش رسبت برغم اني شاطره رسبت بااربع مواد برغم خاله خصوصي ضجت وبجيت على حظي المصخم كالو اهلي لاتضوجين ان شاءلله تعوضيها على سنه تجي المهم كعدت قريت بلعطله ماستلمت اجتي اول خطابه بعده انفصالي كلتهم مااريد ازوج كالو اهلي دنيا ماتوكف على احد كالو على راحتج المهم رجعنه داومت مدرسه ونفس شله لان كلهم رسبهم وست ورغد ابد ماعافتني هم نجحت بكل المواد وبلوزراي هم رسبت نفس المواد هنا دخلت بصدمه ونهاريت كلت ليش ارسب اني بشهري وبليومي انجح ليش وبنصف سنه انجح وبلوزراي ارسب تخبلت خطيه اهلي كالو لاتضوجين كلتهم بعد مااريد المدرسه كرهتها كالو هذا مستقبلج كلتهم اعرف خلوها على الله. 🤍
أنت تقرأ
أمرآه تتحدى القدر
General Fictionقصه كاتبه عراقية حقيقية تتحدث عن واقع عن أمرآه تتحدى القدر التي مرت فيها من هي وصغيره وتكول صبرت صبر ايوب والصبر جميل 🤍
