مادام القادم بيد الله فنحن بخير دائماً
شفت امي ظليت يمها وشفت خالاتي وخوالي شف ام امي لي هي بيبتي كلهم حبابين وشفت رجل امي جنت كلش كارهته بحي من شفته ابد ماسلمت عليه كلت هذا شنو اسلم عليه ظل يباوع عليه كال تشبهين امج كلته غير امي ونفس دمها هو هذا سوال سكت شفته جاي يطلع من البيت يروح على اهله كلته وين رايح كال بلكي تاخذين راحتج وياه امج كلته شلون تعوفنه احنه اثنين نسوان بلبيت المهم كعدت وياه شفت تعامل زينه وياه امي هنا خالتي كالت ديربالج من رجل امج كلت ليش تكولي عليه بحي برغم جاي اشوف تعامل وياه امي زين هنا اني مااعرف اسم خالتي من كلت خاله شسمج كالت اسمها وذكرت ابويه الله يرحمه كال خالتج هي سبب نفصال عن امج هناء حقدت عليها كلت اذا هي خلت امي وابويه ينفصلون اكيد راح تخرب امي وياه زوجها هنا وكفت بوجها كلت خاله ديربالج توصلين يم امي كافي تخربين بيوت كالت اني مخربت بيوت بس هو رجل امج ماينحب كلتها خاله اني صار اسبوع يمهم ماشفت عنه شي وفعلا فد حباب ماقصر ويايه خوش رجال المهم ماطولت بكركوك لان على كولت سعد الحلي جسمي عايش بغداد وروحي ساكنه هم بغداد لان روحي من دنيا بيبي ام ابويه غير عافيتي بيبي المهم رجعت البغداد لكيت بيبي ام ابويه مريضه على غيابي🥺🥺🥺💔كلتها ليش هجي ضعفانه ياروحي من دنيا كالت يمه من طلعت من البيت حسيت روحي راحت من عفتيني كلتها اطمني بعد مااعوفج بس الموت يفركنه 🥺
أنت تقرأ
أمرآه تتحدى القدر
General Fictionقصه كاتبه عراقية حقيقية تتحدث عن واقع عن أمرآه تتحدى القدر التي مرت فيها من هي وصغيره وتكول صبرت صبر ايوب والصبر جميل 🤍
