الجو هدووووء عكس كل مره جاي امشي وجان اشوف ابوي شايل علاگتين رحتله اركض
ابو إيهاب: ها بويه شعندك طالع
إيهاب اجيت اشوفك بويه وين رحت؟
ابو إيهاب: رحت اجيب مربة فراولة لامك
إيهاب: اهاا، رحنه للبيت فتحنه الباب جان تطفر امي ها ابو إيهاب ليش هيج بطيت ضل بالي يمك ياعيني
ابو إيهاب: يواشاچ بويه هسه انا يمج،كعد وامي اتحضر بلاكل جان يحجي،
ابو إيهاب: اسمع الوادم تحجي على ذولاك الناس جايين يخربون بغداد ويزرعون قنابل وخاطفين اسعد ابن ابو جعفر، لطمت امي على صدرها
ام إيهاب: عزااا العزاج َوريده منين طلعتلنه هل مصيبه هاي
ابو إيهاب: لا اتخافين بوي ما اتضل هيج... يوم من الايام نايمين وما نسمع غير صايح امي بليل طفرت انا وزيد جان انشوف امي تبجي وتصييح وابوي يروح ويرد ما يعرف شنو يسوي جان اتصيح امي
ام إيهاب: وديني للجده بسرعة... جابت نور شيلة امي وعبايتها وزيد جاب شحاطتها جان يصيح ابوي روح صيح لموسى بسرعه خل يجيب سيارتة
إيهاب: خوش بويه، رحت اركض وبيت جوارينة بيت ابو موسى، ضليت ادك بلباب حيل جان يطلع موسى عمو ابسرعة جيب سيارتك امي جاي تولد بسرررررعة طاب جاي يجيب السويج مال سياىته جان تطلع خاله ام موسى هيه وجاي تلبس بعبايتها
ام موسى: يالله يمه بسرعة... صعدنه بلسيارة حته نوصل اسرع صعدو امي وابوي ونور ضلت تبجي
نور: امي راح اتمووووت ماما اهئ اهئ ماما اريد ماما
إيهاب: شبيها نور عيني تبجي منو وياها
نور: ماما راح اتموت شفت دم يمشي وراها
إيهاب: لا حبيبتي تعالي كعدي خل احجيلج اجت كعدت يمي امسح بدموعه واحجي وياها
إيهاب: امي راحت اتجيب دادا اتلعبين وياها هسه شوي وتجي لا اتخافين حبيبت اخوها انتي...سكتناها وضل زيد يلعب وياها ونامت وره ساعتين تقريباً اجو واسمع ابوي يتشكر من موسى فتحنه الباب جانت خالى ام موسى شايله الطفل ودخلته للبيت وخلته بللولك وابوي كاض ايد امي ودخلها للبيت ونامت ابصف الطفل وابوي اتشكر وايد من ام موسى، رحنه كعدنه يمها
زيد ها يمه شنو جبتيلنه
ضحكت امي جبتلكم بنوته حلوه
رحت شفتها بيضه وحمرررره اتخبل بستها وضليت امسح بخدودها باوعت لامي
إيهاب: يمه شنو سميتوها
ام إيهاب: غزل
إيهاب: غزل غزول غزالة ابتسمت اسمها يخبل مثلها
يوم ثاني الصبح كعدنه على صوت
نور: مااااما مامااااا خفت عليج حبيبتي شلونج شخبارج شخبار صحتج عافيتج
ام إيهاب: الحمد لله يمه على كيفج على كيفج
صفنت نور وكالت
نور: ماما وين كرشج شو ماكو وين وديتي
احنه ماكدرنه نلزم روحنه من الضحك.امي تضحك وتحجي ذاك كرشي بلولك
راحتلها نور: اووووي فدوووه شنو هاذ الجمال يعني هاي الحلوه جنتي شايلتها ابطنج ضلت اتالعب بيها وتوعدها ما اتعوفه وتلعب وياها وما اتخلي اسنيدس الهبشه تكتلها اووووو الخ...... بعد فتره من الزمن كبرت و نشنشت غزوله بس الوضع ابد ما يطمن الناس خايفه تطلع لان صار كتل وخطف ونسمع رمي بليل بختصار عايشين ابخوف... يوم من الايام كعدنه على صوت صايح امي..... وللحكاية بقية
