وجان يندك الباب ... عرفنه بيت إيهاب اجو كامت ماما حته تستقبلهم ويا حسين واحنه ننتضرهم بلصالة فاتت ام إيهاب وغزل للصالة راحن النسوان يسلمن بعدين احنه بلسرة رحنه
ملاك: رحت قدمت الماي لام إيهاب وهيه تشكرني
بعدين انطيت غزل وانا مبتسمه وهيه كذالك شربت شوي كلش منه ماما رادت ماي انطيتها شوي كعدنه يمهم بعدين صعدنه بغرفتنه نسولف ونضحك والنسوان كلهن راحن للمطبخ الحلو بينه طبع ماا عندنه خطار لا الكل يساعد ويعاون الأخر شوي ورحنه شفناهن خاف يحتاجن شي ماا شاء الله مكملات كلشي بس يصبن الاكل بوقتها مسوين مطبق دجاج رحت حضرت السجادات لان شوي ويصير صلاة على ما اتوضينه ولبسنه المحارم صاح اللهُ اكبر اجن النسوان كذالك يصلان كملنه صلاة رحت للمطبخ خاف اكو نقص شي شفت اكو مواعين على السنك غسلتهن انا وجاي اغسل اجه
حسين :ها يمته اتصبون عشه زحمه والناس اول مرة تتدخل بيتنه وضل يحجي
ملاك: انطي صبر بعدها الناس جاي اتصلي هسه شوي ونصب اثناء حديثنه طلع ولد من الديوانية وراح للحديقه ،توضيح الحديقه بيها الصحيات ،رئستا درت راسي لان حسيت شعري طالع دارني حسين عليه ورتب حجابي لان جانت ايدي كلهن وغفة هوه وجاي يرتب بحجابي اجة
مرتضى:بوووويه شنو هل ريحه متت من الجوع يباه يالله عاد صبو العشه
ملاك: تمام تمام هسه اشوف ماما
مرتضى: شتشوفينها عمي كليلها يالله العالم ميتين من الجوع
ملاك: على كيف على كيفك رايحه رايحه
رحت كلت لماما ما انصب عشه
ام حسين:يما بعده وقت ستوها الناس صلت
ام إيهاب: صح يوم بعده وقت
ملاك ببتسامة : تمام خالة
رحت للمطبخ وانا ادردم بصوت ناصي شكول بيك خجلتني بسيطة هسه شتكول عليه جوعيه استغفرالله ربي و اتوب إليه شوي ويجي
مرتضى: عمييي شنيييييي ما نتعشه اليوم ترا متت من الجوع حته
ملاك: عزاا نصي صوتك شعلوة
مرتضى: خايبة ياانصي صوتي اكلها ميت من الجوع اتكلي نصي صوتك
ملاك: كلت لماما ما انصب عشه كالت بعده وقت وجاي يسولفن
مرتضى: عمي هيه مال سوالف دروحي صيحيلها روحي
ملاك: استحي قبل شوي رحت
مرتضى: شني يعني انا اصيحلها روحي عمي روحي
ملاك:راح اكلها مرتضى يصيحلج تمام
مرتضى :خوش عمي بس روحي
ملاك: رحت صحت لماما وكلتلها مرتضى يريدج بلمطبخ ورحت للمطبخ ،
مرتضى : هاا شني صحتيلها
ملاك: اي هسه تجي ،شوي واجت
ماما :ها خالة صحتلي
مرتضى: اي خالتي يمته اتصبين عشه ترا جعنه
ام حسين: هههه ياااا صدك عساك على عشه هسه اصبه
مرتضى: فدوة لعينج استعجلي
ام حسين: صار خالة ،ملاك صيحي لاختج وتعالي يالله خلي انصب العشه
ملاك :صار يوم ،رحت صحت لزينة واجن وياها البنات طبعاً انا اعترضت بس هنه ما قبلن وحبن يساعدنه بلمطبخ ،ها يوم اجينه شافت البنات كلهن اجنه
ام حسين: ياااا يمه ليش كلجن اجيتن شنو عدنه ما اتكللي روحن ارتاحن بنياتي ما عدنه شي
زهور: لا خالتي صدك جذب روحي ارتاحي واحنه انكمل
ايات بصوت ناصي: اي مارايده مطبخها المراة
زهور ببتسامة مكارة: كرصت ايات بدون محد يشوفها وما نسمع الى صوت صرخه
ام حسين:الله يمه اسم الله شبيج حبيبتي
وهاي حيل حيل تفرك بيدها
زهور: يروحيييي شبيج بالله خل اشوفها زهور بصوت ناصي كولي انا وشويفي شنو راح اسوي بيج
ايات بصوت ناصي: بسييييط ياسحيلة ام الخلاكين اذا ما اخزيج انا لج
زهور بغمزه: وانا الج ،سوده علي خو ما اتاذيتي
ايات :لا يمكن ذبانت جلاب كرصتني
زهور: ليش انتي چ.....
.........وللحكاية بقية..............
حسابي على الانستا@1._.reeom
