گلنا لا هاي هيه مات الولد...
كام وشبك الولد
حسين: هلا ضلعي
زيد: هلا بحسون الورد شلونك ضلعي
حسين: هلا بعضيدي بخير بشوفتك بعد اخيك شخبارك
زيد: بعد روحي ضلعي والله الحمد لله
حسين: عمري زيد الغالي شنو شتسوي اهنا
زيد: والله اجيت اخذ اختي يكولون بهاي المدرسة وانته شتسوي هنا هااا لك سرسري وغمز، جان ضربه حسين: انجب لك مو منشيمنه هل حركات جاي اخذ البنات واروح لان عندي شغل
زيد: ولنعم ولنعم نجحت باول اختبار
حسين: ههه يالله لك راح اودي البنات للبيت وعشاكم عدنه انته والعائلة حته تتعرفون على الاهل
زيد: ان شاءالله حبيبي
حسين: هلا بيكم ننتضركم...بنات يالله
ملاك: الحمد لله ما صار مثل ما جنه متوقعين وطلعو اصدقاء وعرفنه هاذ اخو غزل...صاحلنه حسين وكذالك زيد انتبه على اخته راحت وانتبهتله شلون يعاملهت ما شاء الله ودعنه غزل ورحنه للسياره وكل عاده انا صعدت كدام
حجت زينب: يبووو وكفتو كلبنه عبالي راح تتعاركو من جريت الولد
البنات: اي والله كلنه راح بيها الولد
حسين: ههه لا ولجن هاذ صديقي زيد قبل فترة انتقلو هوه وعائلته لهنا وعزمتهم للعشه باوع للبنات وكال انتو هم معزومين تردن اوديجن لبيتكم لو تجن يمن البنات لبيتنه ؟
البنات: لا لا ودينه لبيتنه نجي ويا امي ورا الغده ان شاءالله
حسين: هاذهوه براحتجن، وصل البنات لبيتهم وصلنه لبيتنه راح حسين يحجي ويا ماما وبابا على مود العزيمه واحنه صعدنه بدلنه ملابس المدرسه وصلينه ونزلنه شفنه ماما شمسويه غده حته انحضر وره ما اتغدينه سوينه شاي لبابا وحسين وماما وانا وخواتي حليب 😁كعد حسين يحجي لماما وبابا عن ام إيهاب والولد ويحجي عن وضعهوم وشلون جانو وشلون صارو وكال عزم اهل اوس هم صارت بلثنتين راح حسين للسوك كلنا لماما اذا اكو شي ناقص انسوي كالت
ام حسين: ما محتاجه شي يمه البيت ونضيف بس كفكفنه على ما يجيب اخوج المسواگ جاي انسولف جان يندك. الباب رحت صحت منو طلعت عمتي حطيت الحجاب على راسي خاف واحد من الولد وياهن
ام جسار: السلام عليكم
ملاك: وعليكم السلام هلا بيج عمه سلمت عليها وكلتلها اتفضلي
دخلن البنات بعد السلام
منتضر: السلام عليكم
ملاك: وعليكم السلام هلا بيك خويه اتفضل
منتضر: زاد فضلج لا رحم الله والديج رايح الساعة بلاربعة اجي ان شاءالله يالله في امان الله
ملاك: حياك الله هلا بيك خويه
سديت الباب ورحت يم البنات هم جبنه حبشكلات وكعدنه نسولف وناكل صارت ب3ونص اجه حسين رتبنه المسواگ وماما وعمتي كالن مالجن علاقه بلمطبخ من نحتاج شي انصيحلجن وهمه ضلن يسولفن ويحضرن للعشه شوي واجهو جسار ومنتضر راحو للديوانيه يم بابا وحسين صارت بل4 اندك الباب راح فتحه جسار طلعو اهل اوس كاعدين وجان تدخل علينه
اية: يبووو يبووو متت متت من البيت الحمد لله الذي جعلكن صديقاتي والذي عرفني عليجن صدك السلام عليكم
احنه ضحكنه وكلنه وعليكم السلام
ملاك: شعجب ما اجيتي للمدرسه اليوم
اية: لا اتذكرين هاذ ضلت اتباوع يمنه ويسره ما شافت احد هاذ الثور ما خلاني عشتو ليش ما غسلتي جواريبي البيض عدل ولللج انتي شايف نضافته الزايده الله لا يشوفجياها خيه هنه كلشي ما بيهن بس راح اتغده عند صديقه ورجع وره الغده تعالي يلخدامه غسلي الملابس والجواربي بصابونه وانا إيدي صارن جنهن إيدين عسكري
ملاك: اي مو تردين اتصيرين ضابط عود
اية: يمعوده وين يخليني هاذ المُتخلف، اي شنو يكولون راح يجونكم خطار منو ذوله يكول اوس جانو ببغداد واجو هنه
ملاك: اي اليوم التقينه ببتهم غزل بلمدرسه هم سولفنالها عليج اتحمست اتشوفج وليوم راح تجي
اية: ياعمري شكد احب الي يحبني
زينب: هوه منو كال تحبج لبنيه حجينالها عن اخوج شلون معذبج ومثل الخدامه مسويج شفقت عليج لبنيه وكالت من اشوفها اتصدق عليها
اية: انجبي لج بدون غرور الشافني والماشافني يحبني اييي الحمد لله والشكر على هل نعمة
كل احنه: الحمد لله والشكر
اتذكرت ما سلمنه على خالى ام اوس
ملاك: يوووو ما سلمنه على الخالى
البنات: ياااا صدك خل انروح انسلم عليها
حطينه حجاباتنه على روسنه ورحنه انسلم على خالى ام اوس
البنات: السلام عليكم
النسوان: وعليكم السلام
كل احنه سلمنه عليها واخر شي زينب
زينب: شلونج خالى
ام اوس: هلا بعد خالاتي كلهن هلا عيني شلونج يمه
زينب: الحمد لله خالى انتي شلونج
ام اوس: صرت بخير من شفتج عيني
اية: يمهههه ترا اغار شو انا اتكوميني بلمس وتكعديني بلقبق مايصير هيج انا هم عندي مشاعر وهسه جرحتيها
ام جسار: تعالي عيني تعالي حبيبتي انتي ما اتعرفين امج اتسوي هل حركات حته اتقهرج، شبكتها ام جسار واية اتسوي حرارا لامها ولزينب عود اتغيضهن واحنه نضحك عليها وعلى سوالفها شوي وجان يندك الباب.......
.......وللحكاية بقية........
ان شاءالله البارت عجبكم
هاذ يوزري مال انستا👈🏻@reeom._.1
