يوم من الايام كعدنه على صوت صايح امي
ام إيهاب: كلت ما تطلع الدنيا محتركه يارجال اتريد تحرك قلبي
ابو إيهاب: بويه ما اطول بس اشوف الوضع واجيب صمون ابدربي وارجع
باوع علي وعلى زيد وكال عينكم على امكم وخواتكم شوي واجي ما اطول ان شاء الله
ام إيهاب: محمد
باوعلها ابوي ابو إيهاب: عيونه
ام إيهاب: اذا طلعت من هاذ الباب ازعل عليك ودمعت عيونها
ابو إيهاب: من ارجع اعرف شلون اراضيج وضحك وراح وامي ضلت تبجي رحت وره ابوي
إيهاب: بويه
ابو إيهاب: ها بويه
إيهاب: اريد اجي وياك
ابو إيهاب: اسمعني زين انا رايح وما اطول ان شاء الله انته دير بالك على اخوك وامك وخواتك انته الجبير زين بويه
إيهاب: ان شاء الله بويه
حط ايده على شعري وبعثره بيده وبتسم
ابو إيهاب: يالله في امان الله
إيهاب: الله وياك
طبيت للبيت شفت امي ضايجه ها يمه شبيج
ام إيهاب: ولك يمه ضال بالي على ابوك انته ما شفت الوضع شلون مكهرب وابوك ولا هامه شي
إيهاب: لا اتخافين على ابوي شوي ويرجع
ام إيهاب: ان شاءالله ان شاءالله
وراحت اتحضر بلريوك هيه و نور وانا كعدت ادرس للخامس جاي ادرس وما اسمع غير صوت انفجار رئستاً خطر ابالي ابوي ما اشوف شي كدامي رحت اركض واسمع امي اتصيح وراي
ام إيهاب: لا تطلع ولك يمه لا تطلع
اركض واتلفت منه ومنه اشوف دخان وتراب وبيوت متهدمه يوم ابعمري ما راح انسه وخاصتاً هاذ المنضر جسد يركض بدوم راس ولدم مثل الشلال وهاذ إيده العضم طالع ولحم مفتت وهاذ الي يصرخ ويصيح بويه وهاذ الي يصيح خويه وهاذ الي يصيح ساعدوني لفت انتباهي علاكه ولصمون مطشر وإيد وبيها محبس مثل محبس ابوي المصيبه بس إيد الجسم وين درت راسي شوي واشوف راسه عيونه مفتوحه ويباوعلي والابتسامه على وجها ما احس ابرجلي بعد طحت احتار اباوع على إيده لو على وجها اسمع صوت زيد يصيحلي شافني
زيد: ولك كوم خلي اندور على ابوي ابسرعة يحجي ويبجي الله يخليك كوم شبيييك وللك كوم شافني وين صافن طاح زيد باوعلي هاذ بس راسه جسمه وين لا لا هاذ مو ابوي باوعتله وباوعت لإيده هوه شاف الإيد وبجه حيل سحيت ابروحي سح رحت لايده وضليت ابوس بيها وابجي كوم كوم عليك الله كوم ابوس إيدك بس كوم خل اشوف طولك الحلو كوم بويه ولللللللللك بووووووويه اااخخخخخخ ربيييييي اااااخخخخ رحت للراس جمد جسمي ضليت بس صافن عليه منضر اول مره اشوفه وابمنو شفته.... حتاريت شنو اسوي امسح على شعره لو امسح الدم عن خده لو اقمض عيونه الي ما يرحن من بالي ضليت صافن فزيت من صفنتي على طفل يهز بيه ويبجي
الطفل: عمووو الله يخلي كوم طلع بابا راح يموت عموو عفيه كوم حباب الله يخليك يبجي ويجر بيدي كمت وانا اسح ابروحي وهوه يجرني من إيدي حير يريد يركض بس انا حيل ما بيه
الطفل: هاذ هوه وخر الطابوكه عنه عفيه جاي يتعور
الجسم جوه كسار لبلوك ولطابوك صاير وبس راسه طالع هوه راح يوخر الكسار عن جسمه ضليت اوخر لبلوك عن جسمه بسرعه وابجي وخرته عن صدره اتاكدت من نبضه كلش ضعيف ضليت اسويله الاسعافات الاولية اجن سيارات الاسعاف صحت للولد اجه وشاف شغلة ويا ابو الطفل بعثرت شعره وابتسمت ابوجها
إيهاب:ابوك راح يصير زين ان شاء الله عينك عليه
الطفل ببتسامة: شكرا عموو
ابتسمتلة ابتعب ورحت ركض للي اتبقه من ابوي شفت زيد جاي يدور ويبجي
إيهاب بدموع: شنو جاي ادور
زيد ابشهكة بجي: على جسم ابوي وبجه
رحت شبكته وضلينه نبجي ااخخخ يابويه اخخخ
يوم ثاني في فاتحة ابو إيهاب.... الملاية تقرا وصوت صريخ وردة ونور
ام إيهاب: لييييش ولك لييييش كتلك لا تطلع كتلك لا اتروح والله حسيت راح يصير بس انته عاندتنيي...محمد تعال عفية انا زعالانه منك تعال راضيني تعاااااال محمد...شكت دشداشتها واغمه عليها ركضللها النسوان...ركضت نور اتصيح على إيهاب
نور: هَيييوووب هيَييوب اجا يركض
إيهاب: هاا شكو امي بيها شي
نور تحجي وتبجي : اي اغمه عليها تعال
بس كالت اي راح يركض شاف النسوان ملتمات وهاي اتصيح جيييبن ماي وهاي تركض
إيهاب: وخرن خل اشوف امي
النسوان وخرن شفتها شاكه الدشتاشا صحت جيبن دشداشا جابت بت خالي ولبستها واخذتها للمستشفى.....وللحكاية بقية
