رُغم التشتت ، قلوبنا تحس

البارت الاول

(بديره الشيخ سيف )
وخر عني ماتخاف الله انت ؟
ابعععععععددددددد عني
الشيخ سيف : اقول احترميني لا اسوي فيك شي تندمين طول عمرك انك رفعتي صوتك علي
شموخ : الله ياخذني وافتك من هالعيشه ، لفت على امها اللي تناظر بكل برود وساكته وهي تشاهق ، لييييييش جبتيني على هالدنيا ؟ ليش وانتي ماراح تحميني ! ولا عندي اب يكون عضيدي ليش وهربت الغرفه وسكرت الباب غاشيه بالبكي .
الشيخ سيف : هذي البنت ماتربت يبي لها تربيه من جد وجديد فاهمه ؟ لا اربيك معها
منيره : فعلا كلامك على حق هذي وحده ماتستاهل تعيش بهالغنى والرفاهيهه .
الشيخ سيف : روحي سوي لي شاي
منيره : ابشر ابشر

____

( بديره قريبه من ديره الشيخ سيف )

يالبزر اسكتي وروحي هناك
ويجيها كف من حيث لا تحتسب ويتهاوشون كالعاده
قاموا على صراخهم
سالم : وجع وجع يالله صباح خير شفيكم انتوا انهبلتوا ؟
نور تتمسكن : يبه شفها ضربتني كف
سالم منصدم وساكت مايبي يرفع صوته على نايله
نايله : والله هي اللي بدت ومن الصبح تقط علي كلام
سالم : يلا يانور اعتذري من نايله .
( سالم يدري ان نايله مسالمه عكس نور )
نور : والله ما اعتذر لو تموت قدامي
سالم رفع صوته : اقول اعتذري احسن لك
خافت نور : آسفه
نايله تسوي من ورا سالم حركات بزران تحر نور فيها
ونايف يكتب قصايد في الغرفه ومايبي يطلع لانه انزعج من نايله ونور كل يوم على ذا الحال

____

(بديره الشيخ سيف اللي ساكنين فيها عايله ناصر و خالد )

عند ناصر واهله
حمد : يمه وين ملابسي بروح عند الحلال شوي وارجع
ناصر : يولدي وين بتروح الحين انتظر نصلي الظهر ونروح مع بعض
حمد : سم يبه
محسنه : ابو حمد وحمد تفطرون الحين ولا بعد شوي ؟
حمد : على راحتك يمه
ناصر : الحين الحين ياحبه عيني بنفطر لجل ورانا حلال بنروح انا ووليدي لها
محسنه : ابشر يالغالي ماطلبت شي
حمد : أخص أخص وش ذا غزل الشيبان ماعرفتكم
محسنه : تحذفه بالملعقه اللي معها ، ماتستحي انت ! ماعرفت اربيك
ناصر : بصوووت حاد ، حمد
ماقدر يمسك نفسه حمد و تبطح على الارض مييت ضحك على امه وابوه كيف انحرجوا ويقومون عليه الاثنين .

———

بدر : كييف نخفي حبنا والشووق فاضح ؟
وفي ملامحنا من اللهفه ملاممممح
بندر : اقول انطم لا من زين الصوت ولا من غبائك طايح على الحب
بدر : اه من الحب
بندر : هو في شي اسمه حب اصلا ؟
بدر : ياخي انت متى تقتنع ان الحب شي جمييل ومنعش للروح ؟
بندر : عصب وقال في الجنه ان شاء الله
بدر : يضحك عليه لانه مايحب طاري الحب
خالد : عيال من يروح معي عند الحلال ؟
سلوى : بتروحون الحين ؟
قاطعهم بدر : يبه
خالد : هلا
بدر : يبه تحب امي ؟
خالد : هذي جنه البيت كيف ما احبها ؟
بدر : وانتي يمه تحبين ابوي ؟
سلوى وهي مستحيه : من ما يحب ابوك ؟
بدر : ها اقنعوا ولدكم تكفون عجزت وانا اقنعه مب راضي يستوعب شيعني حب
بندر : بددددددر قلت لك خلاص لا اهبدك الحين