رُغم التشتت ، قلوبنا تحس

البارت الرابع

الشيخ سيف : مصلح
مصلح : سم ياشيخ
الشيخ سيف : ابغيك تعلم الرياجيل كلهم كبير وصغير الليله يجتمعون عندي ابغيهم بكلمه .
مصلح : ابشر ياشيخ
——

(بالليل اجتمعوا كل الرياجيل )
الشيخ سيف : سلام عليكم
كلهم : وعليكم السلام
الشيخ سيف : مانب مطول عليكم ، ياجماعه كلكم تعرفون شقد اليعبوب غاليٍ علي ، مالكم بالطويله مع الاسف انه هج وقعدنا ندور عليه ولا لقينا له اثر
ناصر : والمطلوب
الشيخ سيف : المطلوب يابو حمد ، أنا أقول اللي بيعيّن اليعبوب له بنتي و له ٥٠٠ الف ريال
( الكل منصدم )

———

( في الكهف )
بدر : يعيال شقومه مب صاحي يبيع بنته علشان خيل؟
بندر : انت ماتعرف ان الخيل شقد غاليٍ على الشيخ ماديًا ومعنويًا ؟
حمد : واذا يخوي مهما كان مايجووز يبيع بنته عقله مب في راسه
بندر : عجل من اللي عقله براسه انت يحمد ؟
بدر  : يعيال شرايكم ندور الخيل ونسحب على الشيخ والبنت ناخذ فلوس الخيل اكيد قيمته اغلى من ٥٠٠
الف ريال ولا ليه حط بنته و ٥٠٠ مقابل الخيل
بندر وحمد يفكرون بكلامه
بندر : مب انت اللي ازعجتنا تبغي البنت ؟
حمد : اي والله ازعجت اللي جابنا
بدر : مابينا قصه حب علشان اموت واخذها طز فيها
حمد : يلا يعيال قوموا نصلي الوتر وعقب نشوف وش الخطه
بدر و بندر : يلا
قاموا صلوا الوتر .

_________

( في بيت سالم )
نايف : يعمي وش رايك ندور الخيل ونرجعه للشيخ ؟
سالم : لزوم يولدي تدور عليه الشيخ ما قصر معنا
نايف : ابشر ياعمي من باكر اقوم الصبح ادور عليه وانت يعمي عينك على الحلال
سالم : شورك وهدايه الله

________

( عند وضحى و شموخ )

وضحى : من اللي علم اخوي ؟
شموخ : والله مدري هقوتي انه مصلح
وضحى : وليه توقعتي انه مصلح ؟
شموخ : لاني شفته يشلش يوم طحتي على الصخره واغمى عليش
وضحى : هو اللي شالني ؟
شموخ : هالله هالله وشويات وانا احاول اقوم الا اجا ابي سحبني للخيل ورحنا انتي مع مصلح وانا مع ابي
وضحى : جعلني ابكيه ، حسبي الله عليه امحق حب هذا واحد يحبني ؟ ، اللي يحب بيدفع قلبه مب بس بيعطي الخيل . ((تتكلم بقهر منه ))
شموخ : اتركيه منش الله لا يوفقه وبس
وضحى : امين لا هو ولا اخي

_________

في صبح اليوم الثاني
طلعوا بندر وبدر و حمد ونايف وشباب واجد طلعوا يدورون الخيل ، كل واحد لحاله الا بندر وبدر وحمد مع بعض
ومرت ٤ و٥ ساعات
فجاءه
تقابلوا بالصدفة حمد وبندر وبدر بنايف
بدر : نايف ؟
نايف : اي نعم
بندر : ياهلا والله بنايف
نايف : ياهلا فيك
حمد جا ورا نايف وروعه
طار عقل نايف وقعدوا يضحكون نايف وبندر و حمد، اما بدر منقهر فجاءه جاهم خيل وشكوا انه هو اليعبوب كلهم طقوا يمسكونه وعرفوا انه هو اليعبوب
كان نايف ماسك راسه فجاءه حد من ورا اطلق على كتف نايف و طاح نايف على الارض .
و حمد وبدر وبندر يركضون يلحقون اللي اطلق النار ومسكوه وعرفوا من هو مسكه بدر وربطه بالكهف القريب منهم وربطوا الخيل داخل الكهف ودخلوا نايف داخل الكهف يعالجونه ، بدر كان يعرف بالعلاجات وكان معه شنطه صغيره فيها علاجات ومثل ما قلنا طيب واجد ف ما قدر يترك نايف كذا
ف قرر يساعده
وقعد يطلع الرصاصه من كتفه و عالجه .
شوي صحى نايف

_______

- من اللي اطلق الرصاص على نايف ؟
- وش بيسون بالخيل ؟
- وش رده فعل نايف لو درى من اللي اطلق عليه ؟
- هل بيصيرون نايف و بدر اصحاب ولا بتظل العداوه مستمر بينهم ؟