رُغم التشتت ، قلوبنا تحس

البارت الثاني

بعد ٤ ايام وكلهم على نفس الحال ماتغير وضعهم بس عايله ناصر ظروفهم الماديه صارت تحت التحت .

——

عند الشيخ سيف 
الشيخ سيف : شرايش لو نزوجها ونفتك منها ؟ ولا فوق ذا ناخذ من وراها مهر يكسر ظهر الرجال اللي بياخذها
منيره : اه هذي الساعه المباركه اخيييرا وافقت نزوجها اصلا ما كانت جايبه لنا الا النكد بس انت الله يهديك مدري شكنت تحب فيها
الشيخ سيف : المهم تحسين من نحكيه علشان ياخذها ؟
منيره : بتعلمها ؟
الشيخ سيف :من ؟
منيره : شموووخ بنتك
الشيخ سيف : اقطع لسانش لا قلتي بنتي مره ثانيه فاهمه ؟
منيره : سم سم
الشيخ سيف : عندي فكره لجل نزوج شموخ
منيره : وشهي ؟
الشيخ سيف : بتعرفين بكره  ...

_____

سالم : شرايش ننقل لديره الشيخ السيف ؟
سميه : وليه ؟ شزينها الديره ذي
سالم : ديرته وسيييعه وشرحه وذي ماعليها كلام بس نبغي الوسع ابرك ومزرعتنا في ديره الشيخ سيف ها شرايش ؟ ننقل اليوم ولا بكره ؟
سميه : شورك وهدايه الله تم بس انت علم بناتك و ولد اخيك
سالم : وليه ؟
سميه : بياكلون راسي ليه ننقل وليه نروح تكلم معهم انت
سالم : ابشري ابشري الحين اقوم اتكلم معهم
سالم : يانووور يانايله يانايف تعالو يعيالي
نايله : سم يبه
سالم : روحي ادعي نور و نايف وتعالوا
نايله : ابشر ماطلبت شي
تجمعوا كلهم بالصاله وحكاهم سالم انهم بينقلون بعد بكره اذا ربي كتب .
محد كان عاجبه الوضع
بس نور فكرت انها بتقدر تنتقم من نايله بشكل اقوى ولا كأنها اختها

——

(في مكان يشبهه الكهف بس صغير )

بدر : اخ يعيال متى بعيش قصه حب واتزوج ؟
بندر : وع وش جوك انت !شزينها حياه العزوبيه
حمد : يتكلم بدلع بندروي احبك
بندر : يع انت الثاني البخ
بدر وحمد ماتوا ضحك على بندر
وكلعاده شبوا الضو وقعدوا يسولفون ويفضفضون لبعض

. كانوا حمد وبندر وبدر اكثر من اخوان .

———

في اليوم اللي بعده مع الصبح راح سالم للشيخ يحاكيه انهم بيسكنون في ديرته و وافق الشيخ ولا فوق ذا رحب فيهم وحلف عليهم يعطيهم البيت عطيه .
راح سالم وجاب اهله وسكنوا في البيت
بعد ٥ ساعات كذا الشيخ جمع كل عيال الديره
صغيرهم وكبيرهم .

الشيخ سيف : انا كبرت وهرمت وماندري متى يومنا وابغي قبل اموت أأمن على مستقبل بنتي لرجال يحبها ويصونها ويغدي رجال رجال ، والمثل يقول اخطب لبنتك قبل تخطب لولدك وانا ماعندي الا بنت وحده وابغيها تعيش معززه مكرمه وبالنسبه لي مب مهم العمر .
كل الموجودين ساكتين مستغربين منه
قال الشيخ سيف : اللي يحس نفسه رجال يجيني ويكتب اسمه وانا بشوف مع المواقف من اللي يستحق بنتي ومن ما يستحقها
طبعا في المقدمه راح كتب بدر اسمه  ، و كتب اسم حمد وبندر معه وهم ما يدرون
يوم علمهم حمد قعد يضحك كالعاده و بندر عصب مايبغي الزواج ،
وناس واجد كتبوا اسمائهم
بعد اول يومين تصفوا ناس واجد وبقى معنا
محمد (عمره 51 سنه ومتزوج ٣ ويبي الرابعه ) و بدر ونايف (ولد اخ سالم )
وقامت حرب بين الثلاث ذول كل واحد يبي يناسب الشيخ علشان الفلوس
خصوصا قامت حرب بين نايف و بدر لانهم قراب من بعض في العمر عكس محمد وكل واحد يبي يقهر الثاني
بالاختبار الاخير من الشيخ سيف طلعوا بدر ونايف وكلهم منقهرين من بعض مابقى الا محمد
وقرر الشيخ سيف يزوج بنته محمد

———

بيت خالد :
بدر : اه يالقهر اخر شي هالشايب ياخذها
بندر : ياخي من نايف اللي معك ما قد سمعت عنه بالديره
بدر : ذا واحد توهم ساكنين اليوم بهالديره وجاي يتحداني انه ياخذ بنت الشيخ
بندر : اهجد اهجد تراك ماخذتها ولا هو خذاها
خالد : من نايف اللي تحكون عنه ؟
بندر : هذول توهم ساكنين هنا بالديره
خالد : لزوم نزورهم ونرحب فيهم
بندر : صح يبه
سلوى : وانا باكر ان شاء الله ازور المره
خالد : ان شاء الله

———

- ياترى هل الشيخ بيزوج شموخ ومحمد ؟
- وش رده فعل شموخ لو درت ؟
- كيف العلاقه بتكون بين نايف وبدر ؟
- هل نور الى الان تخطط انها تاخذ حقها من نايله بعد سالفه الاعتذار ؟