قلت جعل ما ابكيك وبكيتك

Part 3

شهد كاانت طول الوقت جالسة وبالها مو معهم يعني فهد اللي بنت احلامها معه صار لاختها

شهد بداخلها : ما اكون شهد اذا ما رحت ل.....

عايشة بنت عمتهم موضي كانت تراقب شهد كيف انها موفرحانه ان اختها بتعرس 

عايشة: هييه مهروه شوفي شهد بها حاجه ليه احسها مو فرحانه لشواخ؟

مهرة بنت العم سلمان: اي صح يمكن عشان فهد عصبي خايفه على اختها

عايشة وهي مو مقتنعة: يمكن تحصل تعالي نسلم عليها قبل لا تروح

مهرة بفرح لشيخة لانها كبرت معها وخوف انها تروح وما تلحق عليها : يلا يلا لا ترووح بسرعه امشي ياا بنتي يلااااا 

عايشة: استغفر الله مهي بطايرة بنروح اصبري 

جاتهم هيا وهي تبكي : راحت خلاص فهد مستعجل مدري وش بوه

عايشة انصدمت انه بذي السرعة اخذها وما احد سلم عليها ولا احد شافها اصلا لان جدهم قال اهي بتجيكم بعد ما تكتب كتابها ( كان يبي يصرفهم مايبي احد يشوفها) وما علقت.

مهرة بكت مع هيا: وليه ليه ما سلمت ما شفتها من فترة افف مو وقته اصلا كيف كذا لا عرس ولا ملكة ولا عزيمة بروح اشتكي ياخي ذا حقها ميصير يسون بها كذا قهرر يعني عشانها ما تتكلم يسون كذا بعلم ابوي 

تكلمت العمة موضي وهي مو راضية بعد: المشكلة جدك قرر مع فهيدان وما حط لاحد شور وفهيدان مستجعل اخذها وسرى بها حتى انا ما شفتها ( بنفسها مو مرتاحة للموضوع اكيد في شي صاير).

................................

عند الرباعي المرح ( خالد و بهاج و سعد وغيث)

خالد ضاايق وسعد ناشب معه بالسالفة وضايق معه وبهاج وغيث يناظرون بعض يبون يتكلمون بموضوع بس مترددين

سعد بضيق: ياخي هي ليه وافقت مجنونه تروح لفهد

خالد بضحكة من ضيق سعد اللي نساه همه : خلاص بكيفها تتهنى

سعد : لا لا مو بكيفها 

خالد وهو يضحك: خلاص طابت روحي انا مو شايل عليها وعليه انت شفيك 

سعد : خلاص مع نفسهم اصلا انا ما خصني

هنا خالد ضحك من كل قلبه على سعد 

بهاج ابتسم من تغيرت نفسية خالد وهو يدعي من كل قلبه لسعد

غيث : احممم

بهاج توتر وما تكلم

سعد وخالد: شفيه؟

غيث توهق: بهاج يبي يقول حاجه مهمه جدا اسمعو

بهاج يناظر بغيث بوهقه: هوو انا شسمه 

خالد عصب منهم وسعد توتر معهم وغيث متوهق مع بهاج

بهاج: بصراحة انا يا جماعة الخير (هنا توهق وخاف يكمل وقال ) احبكم وابتسم

غيث تنهد براحة وباقي متوتر من نظرات خالد وبهاج عرف كيف يمشيها ذي المرة 

سعد بفرح: اي واللله حتى انا اموت فيك

هنا سعد خفف التوتر اللي بينهم وضحكهم ورجعت المياه لمجاريها ومشت على خالد

......................

عند فهد وشيخة

شيخة مرة خايفة ومتوترة وفهد وقف السيارة على جنب وضلو ساكتين دقايق طويلة وبعدها فهد نزل من السيارة وهي تنهدت براحة الا وينفتح الباب حقها وتشوف فهد خافت اكثر من خوفها من ابو يوسف خافت يسوي زيهم ما توقعته بيستقبلها بكف قوي ويخنقها 

فهد: ترى قلت بتزوجك مو علشان شي لا يا بابا علشان اكسر راس ابو راس مربع خالد

فك يده من عنقها وهي بدت تجمع انفاسها شوي شوي وتحاول تستوعب 

كمل فهد كلامه بعصبية : اجلل انا يرسل لي خوياه يهددوني اناا فهد بن ناصر اتهدد ومن مين هاااه ميينن خالد البزر وعلشاان اييش؟؟

ورجع يعطيها كف وهو كذا طبعة يضرب اي احد قدامه من قهره ما يفكر ابد وشيخة مصدومة منه ومن حركاته وهي تقول انا شذنبي طيب؟ بس ما تقدر تطلعه بصوتها ما بها صوت لو لها صوت بتصرخ بأعلى صووت ظلموني عباادك يا ربيي

فهد كمل بقهر وغيض: علشان فلوس قال ايش قال ( هنا بدا يقلد بهاج) خالد يقلك رجع له فلوسه لا يحط بلاويك على باب الشرطه 

شيخة  كانت قاعده على كرسي السيارة تستجمع قوتها وتلقط انفاسها وتفهم كانت جالسة ورجلها برى السيارة يعني هي وفهد مقابلين بعض نست كل اللي سواه وهي تشوفه مقهور ومعصب سامحته قالت لحظه غضب ما شالت بقلبها عليه 

فهد كمل وهو يتكلم بسرعة: وخالد يحبك علشان كذا كل ما فكر يهدد انا اهدده بيك حلوة ذي وابتسم بخبث 

وقرب مسك الباب حق السيارة وهي كانت على نفس قعدتها فتح الباب بأكمله وسكره بقوه على رجلها وفتحه مره ثانيه وشال رجلها ودخلها داخل السيارة وهي تتألم وهو يضحك مو هامه شي ومستانس يعجبه تعذيب الناس وركب يكمل لمزرعته وشيخة دموعه تنزل تتالم بس وش تسوي قامت تهز كتفه وتأشر على رجلها وتبكي بصمت حتى عن آلمها مو قادرة تعبر.

فهد : اوديك المستشفى شفيك اصبري بزر ابتلشنا بها 

..........

بيت الجد علي 

شهد : هلا...

المجهولة : اهلين

شهد وهي تبتسم بخباثة: كم يبيله اللي قلت لك عليه الصبح

المجهولة : ههههههه يبيله شهر اصبري اصبري هههههه

شهد بزعل: لا لا لا اسبوعين اكثر شي 

المجهولة: لا يعني لا شهر تبين ولا؟

شهد: خلاص طيب

المجهولة: 2000 ريال؟

شهد بلا مباله: لو 3000 ريال متفقين

المجهولة: طيب 3500 ريال

شهد بلا مباله : طيب طيب باي

المجهولة : بااي

توقعاتكم؟

اعذروني على الاخطاء