بريئة خلف قضبان الاجرام

Part 18

هلي شمدريكم آنه اچوه بالنار!؟
ذكرتوني وبچيتوا لخاطري دموع..
شفت ضيم الليالي وتعب الاسفار..
وضگت طعم الخناجر بين الضلوع..
طحت بمرض مثل امراض الاشجار..
سكتاوي الوجع ماگدر اتلوع..
ردت اشتري الغربة براحة البال..
شفت روحي وانه الشراي مبيوع..
وحگ حزن الغروب ودمع الاشعار..
انه بگلبي غصن للفرح مگطوع..
ياروحي العزيزة شبيج وشصار..
سكته وما الج كل صوت مسموع..

فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
_________________________

رفل:رجعت ابچي من اللي صار ومن الخذلان الي صار لگلبي اول مرة اوثق واصدك بشخص لهل درجة ع رغم انو ادهم حبيته بس موثقت بي نص ثقتي بمهيمن بچيت هواي من قلة الناس اللي استند عليها ومن الفراغ اللي صابني رجعت ابجي اكثر واني اتذكر كل مرة احتاجك مجرد رساله صغيره تخليك تعوف الدنيا كلها وتعرض نفسك للخطر بس حتى تخلصني شلون كدرت هسة انت اللي تأذيني شلون احتاجك هل مرة وماكدر التجأ الك وين اروح ولمنو منو يساعدني ويخلصني غيرك كل مرة انت من اتعب تواسيني وتصبرني تمسح دموعي وتحاول ترسم ضحكتي كلش صعبه انو احتاجك وما الكاك
ليش ياربي؟صعبه والله كل ما اصدك شخص يخذلني اكثر من اللي قبله ويأذيني
مرت يومين بهل يومين ع نفس وضعي لا هو طلب يشوفني واني غلبني الصمت جنت ساكته طول الوقت ابد معيطت او بجيت جنت اكتفي اردد ادعية بعد هل يومين رجعوني للزنزانة الثانية الي بيها بنات طلعوني من الانفرادي

:-اكلج انتي وين اختفيتي شو اول مجابوج وحاطيج بالانفرادي شنو سالفتج

رفل:عبرتهة رحت للسرير تمددت غمضت عيوني واجت صورة ادهم ببالي متروس دم شهگت ووكفت ع حيلي اجتني وحده من السجينات

:-شبيج يمه

رفل:جانت دموعي تنزل وأشرلهة ع راسي واهمس دم دم

:-شنو خالة شبيج

رفل:عجزت اشرح الكلام مو راضي يطلع مني كعدت بالكاع ابجي كعدت يمي خلت راسي بحضنها

:-احجيلي شبيج حبيبتي

رفل:صورته متروح من بالي

:-من التعب والتفكير وهذا الوضع يزيدهة عليج ماعرف شنو صاير وياج بس هنا محد وضعه احسن من الثاني حاولي تنامين يا يمه

رفل:وخرت من حضنها رجعت للسرير هي تقربت غطتني سويت نفسي نايمه بس بالحقيقة اني عاجزه عن النوم اخاف من النوم بهيج وضع اللي المفروض التجأ للنوم بي اني صعبة انام كل ما اغمض عيني تجي صورته ببالي اما احلامي هو وفهد ميفارگوها حتى لو انام ربع ساعه بس لازم احلم بيهم صار الرعب بالنسبة الي هو النوم اكثر من السجن كل يوم حلم اسوء من اللي قبله بسبب انو ما انام صرت حتى ما احسب الايام بعد كم يوم اجت السجانه حتى تاخذني