أصعب موقف بـ لحظات الوداع من تشوف اللي چنت تبنيه يتهدم من تقوي گلبك وانت مجروح ماتهتم تبين وانت مهتم..
__________
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
مهيمن:رفل
رفل:نعم بدون ما ادير وجهي
مهيمن:رح نعوف هذا البيت
رفل:عادي
مهيمن:ما رح تسألين وين رح نروح
رفل:ميهم
مهيمن:ولازم تنتهي حياة رفل من اليوم
رفل:يعني شنو
مهيمن:لازم تعيشين بشخصية صيبا بعد وتنسين رفل وكلشي يخصهة
رفل:وليش يعني
مهيمن:رح نعيش يم اهلي
رفل:يم اهلك واني بصفتي شنو
مهيمن:زوجتي
رفل:خيالك واسع واحلامك قوية الك مطايقتك رح اتحملك انت واهلك
مهيمن:اني مداسألج دابلغج بس وسواء قبلتي او مقبلتي غصب عنج رح نروح
رفل:دار وجهة ديروح بشنو تكدر تجبرني التفت عليه حاير بقه ساكت شوف سكتت لان ماعندك شي تكدر تجبرني عليه اني موافقة اعيش بشخصية صيبا لان محصلت شي من الاساس بحياة رفل بس بشرط
مهيمن:وهو؟
رفل:طلگني
مهيمن:تحلمين نجوم السما اقربلج
رفل:عادي لعد خليعوفون رفل
مهيمن:جهزي نفسج رح نروح
رفل:عفته مجاوبته يحلم اروح هو اني كلشي ميهمني بقيت كاعده بس صداع مو طبيعي بقه ملازمني من عفت الدوة وبالبداية جنت احس روحي مسطورة كأنوا بغير عالم من جنت اخذ الدوة اصلاً وابقى كاعده احس روحي تمشي گدامي عفت التفكير بالدوة وخطرت ببالي فكرة خبيثة ابتسمت وراها نمت محسيت الا هو فوك راسي يكعدني
مهيمن:كومي يلا
رفل:حلمان من الصبح نروحلهم
مهيمن:يا صبح ساعه 11
رفل:نعسانه عوفني
مهيمن:رح ادخل اسبح واطلع اذا ملكيتج كدامي متلومين الا نفسج
رفل:شوكت اخلص منك وارتاح عفته وكمت عناد بي دخلت للحمام اللي جوه ضرب الباب بقبضة أيده
أنت تقرأ
بريئة خلف قضبان الاجرام
Randomأنتَ السجين ﮼ سجين نفسك والحنين...🍂 وقع قلبي سجين حبك لاانا عن المخرج ابحث . ولامخرج من الاساس .!🍃
