لا بيه اگلك لا تجي ولا بيه اگول ارجعلي
دوامة وتودي لحرب ما بين گلبي وعقلي
خايف اجيك بلا وعي
ومابيك تستقبلني
انا اعرف تحب تبتعد
بس ما عرفت تحبني
_______________
فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️
صيبا:كعدنه ناكل بس ماكو نقاش البيت هدوء كملنه اكل وكفت اغسل الاماعين
مها:صيبا
صيبا:ها
مها:ليش مهيمن ماكو ع العشا
صيبا:مثل مكالت امج رجع لنظامة القديم
مها:ليش شنو صاير بينكم
صيبا:وكفت حايرة شنو اجاوب
تعرفين ما عندي جواب لهل سؤال
مها:اسفة اذا تدخلت
صيبا:لا مهيمن انسان متعب يحبج ويرفعج لسابع سما فجأة يتغير ع غلط لا ارادي بدون ميسمع منج او يفهمج يتحول انسان ثاني كل همه يأذيج
مها:شوفي احنة منعرف طريقة تفكيرة لمهيمن ومتعرفين هو شنو يريد مستحيل يبين الج شنو بداخله ويكدر يخفي مشاعره بسهولة
صيبا:الاشياء اللي يسويهة اصلاً مال انسان ماعنده ذرة مشاعر
مها:زين حاولتوا تصلحون الغلط او تعاتبي
صيبا:ليش اعاتبه على شي هو متعمد يسوي حتى يأذيني
مرة قريت شغلة وبقت ببالي
لو كان في العتاب نتيجة لما أسرها يوسف في نفسه
ولو كان لمخالطة الناس في الحزن أثر لما تولى يعقوب عنهم
ولو كان في البوح فرج لما نذرت مريم ان لا تكلم اليوم أنسياً
مها:بس انتي تحبي
صيبا:بس نطيته هواي فرص ليش كل مرة اتنازل واسامحه لدرجة صار عادي عندة يجرحني ويكسرني المسامحة متخلي الشخص يعرف قيمته عندج ولا شكد انتي تحبي المسامحة تخلي يعرف انو انتي ضعيفة ومهما غلط بحقج انتي باقيه ويا وما رح تعوفي
مها:رح تعوفي ؟
صيبا:بالوقت المناسب وبدون ما اباوع وراية
مها:رح يخسر هواي (بتنهيدة)
صيبا:ابتسمت بس عيوني انملت دموع
مها:صيبا شوكت متحتاجيني يمج وما رح اوكف وي مهيمن ضدج اني امشي وي الحق
صيبا:ابتسمتلهة متقصرين حبيبتي
هي صعدت اني كملت شغلي وصعدت سبحت وطلعت ابدل سمعت صوت سيارة باوعت من الشباك كوة يمشي نزلت ركض فتحت الباب
مهيمن:هلا بمرتي الخاينة
صيبا:اسكت لتخزينه
مهيمن:ليش شسويت
أنت تقرأ
بريئة خلف قضبان الاجرام
Randomأنتَ السجين ﮼ سجين نفسك والحنين...🍂 وقع قلبي سجين حبك لاانا عن المخرج ابحث . ولامخرج من الاساس .!🍃
