بريئة خلف قضبان الاجرام

Part 25

أضمهُم بالگلب وآنباع
وأستغَرب أعزهُم ليش ؟
محَد مستعز بيهَ

فضلاً وليس أمراً كل بارت تسوون عليه تصويت والبارت اللي تعبروا بس دخلوا عليه حتى تزيد المشاهدة♥️

___________

رفل:بس.. حط ايده ع شفايفي وبقه يبوس برگبتي ورجع اخذ شفايفي بين شفايفه صرت بعالم ثاني غمضت عيوني بس صار مثل كل مرة اغمض عيني بيها صارت صورة ادهم گبالي هو وفهد بعدها ما اعرف شلون تحولت فجأة لمساته لمهيمن من حنية محسيت الا خانگني ويضرب وجهي بين صدمتي وخوفي اريد ابعده عني ما اكدر

مهيمن:مجرد انو خلتني اتقرب الها معناها هي تحبني وتبادلني نفس المشاعر لحظات امتلكت الدنيا وما فيها جنت مركز وياها بكل التفاصيل حتى اتأكد من حبها الي اكثر بس غمضت عينها صاحت ابتعد عني ادهم فقدت عليها خنگتهة وگمت اضربهة راجدي ورا الثاني وهي تعيط تريد تبعدني عنها بس اني فقدت

رفل:مستمر خانگني بأيد والايد الثانية يضربني بيها حاولت اوخره عني وماكو فائدة لحد ما انكطع نفسي ابتعد عني

مهيمن:هذا اللي يصير من اقدر واحترم وحده ساقـ.... مثلج واني بكل غباء جنت اصدك من تكوليلي ادهم ميسويلج شي لج انتي من يا ملة شنو من بشر لا المجرمين يكدرولج لا الجيش منو يكدرلج كلمة گ....ة متوصفج

رفل:جانت دموعي سيد الموقف اريد بس احجي ويا وافتهم شنو اللي صار لا الكلام يكدر يطلع مني ولا هو نطاني مجال كمل كلامه اخذ ملابس من الكنتور وطلع بقيت ع الفراش ابجي ليش هيج شنو اللي صار اني كل يوم اشوف ادهم وفهد باحلامي وحتى من اغمض بس ما اعرف انو احجي بيهم سمعت صوت الآذان كمت للحمام اخترعت من اللي شفته وجهي عبارة عن الوان صاير خريطة ورگبتي كلها اثار وعيوني مورمة ما اعرف اذا من الضرب او من البچي غسلت وجهي وغيرت ملابسي فرشت سجادتي وصليت كملت صلاة سجدت وبقيت ابجي ما اريد اخسره هو الشخص الوحيد اللي احبه يارب خلي كلشي بيناتنه يتصلح هو اللي يهون عليه هل دنيا ماعندي سند ثاني غيره من بعدك ما اريد اخسره تعبت من الخسارات لا ما رح اخسره هو يحبني ورح يفهمني يارب ساعدني يتصلح كلشي بيناتنه كمت من السجادة واني كلي يقين انو رح يتصلح كلشي بيناتنه بقيت كاعده انتظره يجي ما اعرف شلون غفيت
فزيت الصبح متشنجة رگبتي وجسمي كله يوجعني من الضرب ونمت واني كاعده كمت اشوفه يجوز اجه ومحسيت رحت للغرفة ماكو نفس ماهيه بقيت الملم كلت راح للدوام والعصر يرجع يومها بقيت انتظره لليل وماكو ما اجه نمت يم مدخل الباب حتى اول ميجي احس عليه بعدها مرت 3 ايام وهو ماكو واني كل يوم اتأمل جيته واصبر نفسي ما اريد ابچي صار اليوم الخامس جانت دنيا ليل كاعده بالمطبخ واني اباوع ع الحديقة وادعي انو يجي انفتحت الباب مال گراج دخل بس شفته طلعت فتحت باب البيت ابتسمتله هو عبرني كأنو مشافني
مهيمن ،مجاوبني راح للغرفه رحت ورا يتعامل كأنوا مموجوده وكفت كدامه
مهيمن ليش تتجاهلني