𝖨 𝖡𝖤𝖳 𝖸𝖮𝖴 𝖳𝖮 𝖡𝖤𝖢𝖮𝖬𝖤 𝖬𝖸 𝖡𝖥 : 𝗌𝗁𝖾𝗇𝗍𝖺𝖾𝗋𝖺𝖾

• 𝖼𝗁𝖺𝗉𝗍𝖾𝗋 𝗍𝗁𝗋𝖾𝖾 •

ရစ်ခီ့ကိုကတိပေးထားသည့်အတိုင်းစာအတူလုပ်ဖို့ ရစ်ခီအိမ်လိပ်စာပေးထားသည့်နေရာကိုသွားလိုက်သည်။အိမ်ကတော့ အကောင်းစားပင်။တရုတ်သူဌေးလေးက အတော်လေးချမ်းသာပုံရ၏။

ပထမတစ်ခေါက် ဘဲလ်ကိုနှိပ်လိုက်တော့ဘယ်သူမှထွက်မလာ။ဒုတိယတစ်ခေါက်ထပ်နှိပ်တော့ ရစ်ခီကိုယ်တိုင်ထွက်ကြို၏။

''ထယ်ရယ်ကလည်း ကိုယ်လာကြိုမှာပေါ့''

ပြောနေတဲ့သူကိုမကြားသလိုလုပ်ပြီးအိမ်ထဲဝင်သွားလိုက်သည်။

''စာကဘယ်နားမှာလုပ်ရမှာလဲ''

မေးဆတ်ပြီး မေးလိုက်တော့ သူ့အခန်းကိုလက်ညှိုးထိုးပြသည်။

''ကိုယ့်အခန်းထဲ''

''ရှေ့ကသွား''

ဒီအိမ်အကျယ်ကြီးထဲမှာတော့ လောလောဆယ် သူရယ်၊ရစ်ခီရယ်၊အိမ်အကူအဒေါ်ကြီးရယ်သာရှိ၏။

''အဒေါ်ကြီး ကျွန်တော်တို့စားဖို့ မုန့်တစ်မျိုးမျိုးလောက်ပြင်ခဲ့ပေးပါနော်''

''အေး​အေး သား''

ထယ်ရယ်မျက်စောင်းထိုးလိုက်သည်။စာလုပ်မယ့်ကိစ္စတောင် မုန့်ကစားချင်နေသေးတယ်။

🐾

အိမ်ထဲဝင်လာကတည်းက စကားကိုသူပြောစရာရှိတာပဲပြောပြီး ငြိမ်နေတဲ့သူကိုရစ်ခီအကဲခတ်နေမိသည်။

အဒေါ်ကြီးကိုမုန့်ယူလာဖို့ပြောတော့ မျက်စောင်းကထိုးသေး၏။သူစားဖို့ယူလာပေးခိုင်းတာကို စေတနာကိုကျေးဇူးတင်ရကောင်းမှန်းမသိ။

''ဘာအရင်စလုပ်ကြမှာလဲ''

''စာ''

ဘယ်ဘာသာရပ်ကိုအရင်စလုပ်ကြမလဲဆိုတဲ့သဘောသက်ရောက်နေသည့် သူ့အမေးကိုဖြေလိုက်ပုံက ကြည့်ပါဦး။

''စာလုပ်မှာတော့ ဘယ်သူကမသိလို့လဲ''

ရစ်ခီနှုတ်ခမ်းဆူရင်းဂျစ်ကန်ကန်ပြောလိုက်၏။ပုံမှန်ဆို သူဒီလောက်သည်းမခံတတ်။ဂယူဗင်းနဲ့လောင်းထားသည့်ဝမ်နှစ်သိန်းကလည်း တကယ်တော့သူ့အတွက်ကဘာမှမဟုတ်။သူတကယ်ကိုထယ်ရယ်နဲ့ခင်ချင်တာပဲရှိသည်။