وجدان قعدت تبكي وذيب اول ماشافها صد علطول
وقال:ليه تبتسين يابنت
وجدان ماردت
وقال ذيب: انتي بنت منهو
وجدان ماردت لان كانت خايفه انو يقول لابوها
ذيب: طيب خلاص لاتقولين بس لاتبتسين وطلع من المطبخ وهو مصدوم بحكم انه اول مره يسوف حرمه تبكي قدامه وجدان انحاشت للخيمه حتى
ماخذت القهوه معها ونامت على طول من الخرشه
^^^^^^^^^^^^^
الصباح الساعه 12:00
صحى ابو فهد وراح يصحي العيال للصلاه
ابو فهد:يلا ياعيال قوموو للصلاه قومو
صحى سياف وقال: سم يبا
ابو فهد: قومو للصلاه يلا وانا ابوك
سياف: ابشر
راح ابو فهد و راح سياف يغسل وجهه ويتوضى للصلاه ورجع للخيمه يصحي العيال
سياف: يالذيب قووم يلا لايجي ابوي يدفنك
ذيب وهو يغطي عيونه عن الشمس:ياولد روح شوي بس اصحى
سياف: قووم اخلصص ابوي معصب
ذيب: خلاص صحيت
وراح يتوضى ذيب و سياف يصحي العيال
^^^^^^^^^^^^^
عند الحريم
صحو كلهم وصلو وخلصو وراحت ام خالد تسوي الغدا
راحت عايشه تصحي البنات: قومو يابنات عشان تتغدون يلا وصحو كلهم الا وجدان
عايشه استغربت ليه ماصحت: ياوجدان قومي يلا الساعه 1:30
صحت وجدان بتعب:خلاص يعمه صحيت
عايشه: صحت الدنيا يابعدي
وجدان تبسمت لها وقامت تغسل وجهها
^^^^^^^^^^^^^
عند ام خالد وعايشه
عايشه: الا اقولتس
ام خالد: هلا
عايشه:الحين ذي نوره ورا ماتزوج عيالها بس تطيع كلامهم لو اني منها زوجتهم بدون مايقولون لي ولا كلمه
ام خالد: وانتي شعليتس منها خليها بحالها
عايشه:بس اقولتس وش زينهم عيالها لو تزوجهم
ام خالد حركت كتوفها بمعنى مدري
^^^^^^^^^^^^^
عند العيال
احمد: زايد انا بروح ل امي زين
زايد: طيب لاتبطي
احمد: تمام
وصل احمد لبيت الشعر وصار ينادي عايشه
عايشه جت: هلا يااحمد بغيت شي
احمد: يمه معتس بندول راسي يوجعني
عايشه:بسم الله عليك ابشر الحين اجيبلك انتضرني هنا
وراحت عايشه تجيب له بندول ووجدان راحت للخيمه تبغى تاخذ جوالها وماشافت احمد وصقعت فيه
وجدان: اخخ وججع
ناضرت وجدان ل احمد وانخرشت وكانت تبغى تروح منه ومسكها من يدها واخذها ورا الخيمه
وجدان:وكسر هاليد فكنني
احمد: شفيتس خايفه انتي
وجدان بعصبيه: وخرر بسس ومين انت اساساً عشان تلمسنني منت ب محرم لي!!
احمد ابتسم بخبث:اقول اهجدي ولاتصارخين عشان مايسمعنا احد
وجدان كانت بتصرخ بس احمد حط يده عند فمها
وقال: لاتصرخين قلت وفكها
وقالت وجدان: يخوي روح لحد يشوفنا انا مااعرفك ولا تعرفني وخر
احمد: افا ومن الي قبل امس وصلك لبيتكم؟
وجدان تقشعرت وخافت: احمد!!
احمد بضحك: اي ياروحي
وجدان حاولت تبعد منه بس ماقدرت: احمد تكفى وخر مو ناقصني انا تكفى
احمد قال: بقولتس شي قبل لا اوخر
وجدان بتوتر: قول بسرعه
احمد: وشفيتس خايفه
وجدان: ياخي لحد يشوفنا قول وش تببي
احمد: وجدان انا حبيتتس الصراحه و بإذن الله بجي اخطبتس من عمي ابو نايف
وجدان بصدمه: تستهبل انت وبعدين انا شلون بتزوج واحد لعاب والله واعلم كم مره طلع مع بنت!
احمد عصب وقال: اوه حذفت كل البنات الي عندي وبعدين من شفتتس وانتي مو طالعه من بالي كل شوي افكر بتس
وجدان: شفتني!!
احمد: ايه شفتتس يوم كنتي عندنا لما كنت برجعك لبيتكم
وجدان صرفت وقالت: خلاص وخر ووخر عنها احمد وراحت وراح احمد لقسم الرجال
^^^^^^^^^^^^^
زايد: علامك ابطيت انت!
احمد: كيفي
ذيب: شكله شاف حب حياته
احمد: اي والله
ذيب ضحك وهمس ل احمد: منهي
احمد قال له: وجدان
ذيب ضحك وقال: اوف عاد هي موتن حمر
احمد: شفتهاا
ذيب: اي كنت احسب وحده من القطاوه حقت البر وانخرشت لما شفتها
احمد: ايا الحيوان
ضحك ذيب: وشبك غرت
احمد: ايه غرت واكيد بغار
وضحكو احمد وذيب وجلسو يسولفون مع العيال
^^^^^^^^^^^^^
اليوم الثاني الساعه 3:30 العصر
ابو خالد: يلا يرجال مشينا
الكل: يلا
ورجعو كلهم لبيوتهم بعد ماجلسو بالمخيم ثلاث ايام
^^^^^^^^^^^^^
في بيت ابو فهد
سياف: ذيب
ذيب: لبيه
سياف: لبيت حاج في منى الا يالذيب متى ناوي تكلم ابوي عشان تخطب حبيبتك؟
ذيب: هذاني رايح له بقول له
سياف: اجل يلا الله يقويك
راح ذيب للمشب عند ابوه عشان يتكلم له على حبيبته روان
^^^^^^^^^^^^^
تعريف عن عائلة روان
ابو روان ) اسمه عبدالرحمن متوفي بنته الوحيده روان كان حنون مره معها ولطيف بمعنى الكلمه ماعنده عيال
ام روان ) اسمها جوزاء عمرها 45 حالها حال نفسها تخاف على بنتها روان مهتمه بنفسها وبروان حليله وطيبه زي عبدالرحمن
روان ) حبيبة ذيب وحيدة امها وابوها من بعد ابوها دخلت بحالة اكتئاب بس طلعت منها بعد ماتعرفت على ذيب تحب ذيب بشكل مو طبيعي
وصل ذيب للمشب وجلس عند ابوه وصب له قهوه وجلس: الا يبا
ابو فهد: هلا يالذيب
ذيب عدل جلسته: يبا ابي اقولك موضوع من زمان ودي اقوله لك بس اني والله خايف انك ترفض
ابو فهد: قول ياذيب وش بغيت
ذيب: يبا انا احب وحده من سنتين وابيك تخطبها لي وهي ابوها متوفي وانا ابي اكون لها سند بعد الله يابعد راسي انت لاترفض تكفى يايبا طالبك
ابو فهد استانس: والله وهذي الساعه المباركه ياولدي وابشر بها يابعدي
ذيب فز ل ابوه يبوس راسه ويده وهو الابتسامه شاقه وجهه: يابعد رووحي جعلك ذخر وسند لنا يايبا الله يحفظك
وراح ذيب يبشر امه واخوانه وراح ل امه: يايمه ولدتس بيخطب قولي له مبرووك
ام فهد بكت من الفرحه: الف مبروك ياولدي واعتلى صوتها انحاء البيت وهي تزغرد لذيب من الفرحه
انتهت
(اذكروني بدعوه🤍)
