ومن بعدها جلسوا ابطالنا يسولفون والشيبان كل واحد خذا زوجته وعياله وراحوا لبيوتهم
^^^^^^^^^^^^^^
عند ذيب وسياف:
ذيب: سياف خلاص تزوج وانسى اريج صار لها سنتين متزوجه
سياف بضيق: بس انا حلفت اني مااتزوج ي ذيب افهمني انت بعد واريج ماراح انساها لو اموت
ذيب حس ب سياف: خلاص براحتك ي سياف سو الي ودك
خلصو كلامهم ورجعو للبيت وكل واحد راح غرفته وناموا عشان المخيم
عند بطلتنا وجدان الي كانت بترجع للبيت بحكم انها كانت عند رزان بنت عمتها وكان الوقت متأخر
وجدان: يووه من بيرجعني البيت الحين نايف اكيد نايم ولو بتصل عليه ماراح يصحى
سمعتها عايشه وقالت لوجدان: وجدان اخلي احمد يوصلتس
وجدان توترت لان تعرف ان احمد لعاب وراعي بنات
وقالت: لا عادي الحين اشوف ابوي او نايف
عايشه: بس الوقت متأخر واكيد الكل نايم يبنتي تنامين عندنا او اخلي احمد يوصلتس
وجدان توهقت هنا ماراح تقدر تنام عشان تجهز اغراضها للمخيم و خايفه تروح مع احمد واستسلمت
وقالت: خلاص خلي احمد يوصلني
عايشه: يلا تمام الحين اناديه لتس
راحت عايشه تنادي احمد
عايشه راحت غرفة احمد: احمد روح وصل وجدان لبيتهم ماعندها احد يوصلها
احمد استانس: ابشري يمه
راحت عايشه وراح بعدها احمد ركض ونزل شاف وجدان وكانت شايله النقاب من وجهها وكانت تكلم صديقتها بالجوال وما انتبهت انه احمد موجود احمد شافها كيف حلوه مره عيونها الوسيعه وابتسامتها وصوتها
وقال بهمس: يويل حالي ياوجدان وطلع
وقال: وجداني
لفت وجدان وجهها مخروشه وحطت النقاب على وجهها وقالت: يمه يخرش
ضحك احمد وقال: يلا امشي
طلع احمد وطلعت وراه وجدان وهي خايفه يسوي لها شيء
فك السياره احمد وركب وركبت وجدان ورا
واحمد يوم شاف ركبت ورا صار يضحك
وقال: يحليلك ي وجدان
وجدان كانت شوي وتبكي من الخرشه بس صارت تراسل صديقتها وهدت شوي لين ماوصلت البيت واستانست وحطت اغراضها بشنطه صغيره وراحت نامت
^^^^^^^^^^^^^^
الصباح في بيت ابو فهد
صحى ذيب وراح يصحي سياف بحكم انهم بيطلعون المخيم
ذيب راح طلع ثوبه وراح يتروش وطلع ولبس ونشف شعره ونزل
ذيب راح باس راس امه وابوه: صباح الخير ي الخير كله انتو
ابو فهد وام فهد: صباح النور يوليدي تعال افطر
جلس ذيب يفطر معهم
نزل سياف وهو مروق: صباح الخيرررر
ضحك ذيب عليه وقال: صباح النور ، شهالروقان ذا
سياف: اي والله اول مره اروق
ضحكو كلهم وجلسو يفطرون
ابو فهد: يلا انا بروح اشغل السياره
ام فهد: يلا خلصتو عشان اشيل الفطور
ذيب وسياف: الحمدلله
ام فهد شالت الفطور وغسلت الصحون والكاسات سريع وطلعت تلبس عباتها و اخذت شنطتها ونزلت وبعدها ب كم دقيقه سياف وذيب نزلو وراحو بسياره وحده
^^^^^^^^^^^^^^
في بيت ابو نايف
ابو نايف: يلا خلصتو
وجدان نزلت بعبايتها و شنطتها: انا خلصت
بعدها نزل نايف وقال: يلا مشينا
^^^^^^^^^^^^^^
البارت الثاني بيرفكت لاتقولون مايحمس ادري بس عادي البارتات الجايه بتتحمسون🦦 تصبحون على خير تعبت وانا اكتب اليوم اكمل لكم بكرا
(اذكروني بدعوه🤍)
