دخلت ام فهد قروب العائله وكتبت: السلام عليكم جايه ابشركم ان ولدي الذيب بيخطب اللهم لك الحمد يارب وتقدرون تباركوون لهه
الكل: ماشاءء الله الفف مبرووك والله يتمم على خير يارب
ذيب: الله يبارك فيكم والعقبال لكم ان شاء الله يارب
اما عند ارياف بنت مفلح لما شافت الرساله انصدمت وكبت القهوه على اختها ليان
ليان: ووجعع ماتشوفينن انتيييي
ارياف بصدمه: لليااننننن ذيب بيخطب!!!
ليان استانست: الله صدقق واخيررراً بيصير عندنا عرسس
ارياف راحت الغرفه وسكرت الباب وانهارت بكي
^^^^^^^^^^^^^
عند ذيب اللي كان ميت من الفرحهه و الابتسامه شاقه وجهه
سياف وهو يضحك عليه: خلاص يبوي علامك شوي وتموت علينا هههههههههههههههههههههه
ذيب عدل جلسته: اخخ ياسياف حبب عمريي اخيراً بتصير حلاللليي!!!
سياف ابتسم بضيق وتذكر حبيبته القديمه: الله يوفقك يارب ويتمم لك على خير ياحبيب اخوك وتاج راسه
ذيب: اللهم امين وعقبالك ياقلب اخوك انت
سياف بضيقه: لا يخوي ماني متزوج
ذيب: سياف يابعدي انسى خلاص اللي فات مات ياحبيبي
سياف:
لو نسيت الليالي كلها مانسيت
ليلةٍ علمتني شلون شكل الوداع
ذيب: سيافوه لاتخليني احزن معك وانا مالي دخل يخوي خلاص اضحك تكفى
سياف: ابشر يابعد زولي
ذيب: الا وشرايك نروح للعيال
سياف: معك وين مارحت يلا
^^^^^^^^^^^^^
عند احمد
احمد: الا رزان
رزان: سم
احمد: سم الله عدوس ابيتس بطلب تكفين لاترديني
رزان: ابشر امرني انت
احمد: رزان تكفين عطيني رقم وجدان ابي اكلمها ب موضوع
رزان استغربت: ليه وشتبي بها
احمد: بكلمها بموضوع عطيني رقمها بس
رزان: طيب
وعطته رزان رقم وجدان وراح احمد لغرفته وارسل لوجدان : السلام عليكم
ومرت 5 دقايق الا ووجدان فتحت الرساله وردت
عليكم السلام مين؟
احمد: وجدان انتي
وجدان: ايوا مين معي
احمد: انا احمد ذكرتيني؟
وجدان انخرشت : احمد؟؟؟
احمد: ايه انا يابعد الدنيا
وجدان: وش جاب رقمي عندك
احمد: قلت لرزان تعطيني ياه وعطتني
وجدان: اهاا بغيت شي
احمد: وجدان انا ابي اخش بالموضوع على طول وابي اخطبك على سنة الله ورسوله وتكفين لاترديني انا احبك وربي
وجدان: اتوقع اني قلتلك يوم كنا بالمخيم اني مااتزوج واحد لعاب..
احمد: وجدان والله العظيم اني حذفت البنات كلهم عشانتس وتببت قسم بالله ياوجدان اني تعلقت فيك وابيك تكونين حلالي قبل لا احد يجي وياخذك مني!
وجدان: اذا انت تحبني صدق وصادق بكلامك ذا تعال بكرا او بعده واخطبني من ابوي
احمد استانس مررره وقال:والله انكك تبشرينن ياقلبييي انتيي
وجدان: يلا مع السلامه
قفلت جوالها ونامت
^^^^^^^^^^^^^
اليوم اللي بعده تحديداً يوم الاثنين الساعه 8:00 بعد اذان العشاء عشان يخطبون روان للذيب
في بيت ابو فهد
ابو فهد بصوت عالي: يالذييب
جاء ذيب على طول: سم يباا
ام فهد: يلا ياذيب مشينا
بحكم ان ذيب بيروح يخطب روان
ذيب: يلا يميمتي
مشوا من بيتهم متجهين لبيت روان وهم متتبعين الموقع الي ارسلته روان لذيب
بعد 30دقيقه وصلو
ذيب: يلا ي يبا حوّل
ابو فهد: يلا ي ولدي
دقو الجرس وفتح لهم خال روان
تعريف بسيط عن خال روان
ابو محمد)اسمه مصلح عمره 45 عنده ولد واحد واسمه محمد طلق زوجته بسبب خلاف بسيط وخذت محمد منه ومن بعد وفاة ابو روان صار ابو محمد سند لروان واخته ام روان وضلعهم اللي ماينكسر بعد الله
ابو فهد و ذيب بحده: سلام عليكم ياعم
ابو محمد: عليكم السلام ياهلا اقلطو
دخلو ابو فهد و ذيب لمجلس الرجال ذيب:اخبارك ياعم شالاعلوم
ابو محمد: والله بخير ياحبيبي انت ذيب الي كلمتنا روان عنه صح
ذيب: هالله هالله يعم
دخل ابو خالد بعدهم وسلمو وجلسو
وشوي بعد سوالف وتعارف دخل الشيخ عشان يملّك
وقال ابو فهد: يابو محمد انا جايكم ونبي القرب منكم ونبي نخطب روان لذيب على سنة الله ورسوله
ابو محمد: الله حييه وهذي الساعه المبارركه والله ويستاهل الذيب وعطيناك روان يالذيب
ذيب: تسلم ياعمم والله اني لحطها بعيوووني وبكون لها سند بعد الله ثم انت
ابو محمد: عشت يالذيب عشت
الشيخ: يابو محمد
ابو محمد: سم طال عمرك
الشيخ: قول زوجتك ياذيب ابنة اختي روان عبدالرحمن ******** على كتاب الله وسنة رسوله وعلى الصداق المسى بيننا والشروط المتفق عليها وامساك بمعروف وتسريحً باحسان
ابو محمد ردد وراه
الشيخ: ياذيب قل قبلت هذا الزواج ورضيت به على كتاب الله وسنة رسوله صلى الله عليه وسلم وعلى الصداق المسمى بيننا والشروط المتفق عليها وامساك بمعروف وتسريحً باحسان
وقالها ذيب
الشيخ: بارك الله لكما وبارك عليكما وجمع بينكم في خير
وسلمو على الذيب كلهم وسلم عليهم وراح ابو محمد ونادى روان توقع
سياف: الله يالدنيا الذيب كان كل يوم معي ويسهر والحين بيسحب علي
ذيب ضربه بخفه وقال: افاا انا اسحب عليك يالعشيررر
وضحكو كلهم
عند روان ابو محمد
روان جت وكانت خايفه مره ووقعت وقال ابو محمد: روان ترا ذيب بيشوفتس
روان خافت زياده: هااه
ابو محمد وشبتس ذيب بيشوفتس
روان صارت ترجف مره وقالت: ططيب
وراح ابو محمد وقال لذيب وراح ذيب داخل وهو متحمس مره ودخل عليها وانصدم من جمالها وقال: يويلي ياقلبيي
روان لفت وهي منخرشه وترجف وتقدم لها ذيب وباس راسها: هذاني وعدتك وقلت بجي اخطبتس يابعد الدنياا كلها
روان: ذيب بكلمك بموضوع قبلل كل شي
ذيب: سمي ياروح ذيب
روان: ذيب انا بقولك ان مقدر اتزوجك
ذيب انصدم : وشو!!
روان جلست تبكي وقالت: انا فيه واحد اعتدى علي قبل ثلاث اسابيع ياذيب
ذيب انصدم زياده وكأنه مويه حاره انكبت عليه وطلع بدون لايقول لها شي وراح لمجلس الرجال وقال بصوت عالي: يببا ماعاد ابي الخطبه ذي وكنسلووها الاان
ابو فهد قام لذيب: اعقببب شهالحتسييي
