راحوا ذيب وسياف الخيمه وجلسوا مع العيال:
عند وجدان وهي تكلم نفسها:
ياويلي ويلاهه شافني من ذا المزيون معقوله سياف بحكم ان وجدان ولا قد مره شافت ذيب
هدى: يا وجدان وينتس خلص الشاهي
طلعت وجدان للبنات
هدى بشك: وجدان وشفيه وجهتس كذا؟
وجدان: ولا شي هدى ما اهتمت
وتركتها:
عند العيال
ذيب كان جالس بعيد عن الازعاج ويفكر شلون يقول ل ابوه عن موضوع الخطبه
سياف بصوت عالي: يالذيب تعال الشاهي
ذيب طالع فيه وصد بدون رد
سياف جاء طيران:
وشفيه الذيب ضايق
ذيب ابتسم بضيق وقال: وش عندي انا غير ذاك الموضوع
سياف جلس وتكه على ذيب: طيب ليه ما تقول ل ابوي وانتهينا
ذيب صد بضيق وقال: انت تعرف ابوك شلون تفكيره لازم وحده مننا
سياف قام وقال: ياولد حنا جايين هنا علشان ننكد على بعض ولا نستانس
ذيب قام وضحك: ههههه من شفت وجهك تذكرت موقف
سياف ضرب راس ذيب بخفه وقال: امش ياشيخ الحين الشيبان يعصبون
فهد اتجه لهم وقال: وين كنتم الشاهي برد وانتم للحين ماجيتوا
سياف: اسرار بينا وشتبي
فهد: الله واكبر يالاسرار جلسوا وهم يضحكون
ذيب وهو يهمس لسياف: والله من شوي شفت لك موتن حمر
ضحك سياف وقال: ههههه اسلم من ذي
ذياب عض على شفايفه وقال: والله مدري لكن اول مره اشوفها
ضحك سياف وقال: اي من كثر ما تدخل عليهم صرت حافظهم
ذياب: ههههههه اعقب لا والله مب قصة كذا لاكن غريبه قاطعهم صوت عبدالله وهو يقول: جالسين هنا وحنا متنا من البرد روحوا جيبوا حطب
ذيب قلب عيونه وهو يهمس لسياف: عزالله الصوت اللي يغث
قاموا مع بعض يجيبون حطب
عند البنات:
ارياف: الا اقول يا خاله مب ناويه تزوجين ذيب
ام فهد: والله يابنيتي ذيب ماني مزوجته الا بعد ما يتزوج سياف
فزت ليان على اسم سياف وهي تحبه بالحيل من يوم كانوا صغار
وقالت: ياخاله ومتى سياف يتزوج ويفرحنا
ام فهد: والله ياريت بس الولد مدري شفيه اول مايجيبون طاري الزواج يتهرب
ردت لين وقالت: يمكن في راسه بنت
ام فهد بشك: تهقينه؟
لين: يمكن
ردت ليان وهي معصبه: وش دراتس لا تحطين في ذمتس على الولد
قاطعهم صوت ذيب ووجدان اللي تلخبطت اول ما سمعت صوته لان يشبه صوت اللي دخل عليها
ذيب بصوت عالي: يام فهد جت نوره
وقالت: لبيه
ذيب: لباتس
ام فهد: وش بغيت ياوليدي
ذيب: عندكم حطب؟
ام فهد: اي تبي؟
ذيب: اي بالله
وطلعت ام فهد تجيب الحطب جت
وقالت سم
ذيب بأبتسامه: سم الله عدوتس يا نور عيني الا بسالتس
ام فهد: وشو
ذيب: من فيه داخل
ام فهد بشك: وليه تسال؟
ذيب: لا ولا شي
ام فهد: اي والله بنات عمانك وبنات عمتك ذيب: بس؟؟
ام فهد: اي وذي بنت ابو نايف
ذيب طلع من المطبخ وهو يقول في نفسه: معقوله ذيك بنت ابو نايف بحكم ان ابو نايف وجهه شين عكس عياله ذيب ما اهتم وطلع
عند وجدان: ذا ذيب؟؟ ياويلي يازينه يمه
وجدان ضلت تفكر في ذيب طول اليوم عكس ذيب اللي حتى ما اهتم عند البنات اللي طول اليوم يسولفون ويستهبلون خلصت جلستهم وناموا وكذالك عند الرجال ووجدان الوحيده اللي كانت صاحيه بحكم انها كانت خايفه من اجواء الليل وبحكم ان الشتاء في الديره يذبح راحت للمطبخ تسوي لها كوب قهوه حاره وبدت تسوي لها الا تحس بصوت خطوات وكانت مره خايفه شوي وتبكي انخرشت اول ما شافت ذيب وراها
ذيب كان يحسب من البسس اللي بالبر انهن دخلن للمطبخ وهو كان يحسب الكل نايم وجدان قعدت تبكي وذيب اول ما شافها صد علطول وقال: ليه تبتسين يا بنت وجدان ما ردت
وقال ذيب: انتي بنت منهو
وجدان ما ردت لان كانت خايفه انو يقول لابوها
ذيب: طيب خلاص لا تقولين بس لا تبتسين وطلع من المطبخ وهو مصدوم بحكم انه اول مره يشوف حرمه تبكي قدامه وجدان انحاشت للخيمه وحتى ما خذت القهوه معها ونامت على طول من الخرشه
انتهى
(اذكروني بدعوه🤍)
