نصيحة :💚
اعتنوا بالقرآن كثيرًا في شبابكم ...
فإنه وإن كثُر المحبين حولك !
فسيأتي اليوم الذي تُترك فيه وهذه سنة الحياة ...
ولا شيء أعزّ من صحبة القرآن !
سيبقى رفيقك وأنيسك ...
سيكون شافعًا لك ...
ستأتي يوم القيامة آمنًا حين تُسأل عن شبابك فيما أفنيته؟
ستكون الإجابة : يا ربِّ أفنيته في القرآن💚💚💚💚
💜💜💜💜💙💙💙💙💜💜💜💜
طق طقققققق
ادم: ادخل
رفع ادم نظره إلى الباب وجد بالونه كبيره خضراء داخله عليه
ادم بفزع: اعوذ بالله ايه ده
رويده وهيا تجلس ممددة الارجل على الاريكه اللى
قدام مكتب ادم : ادم انا معاك بقالى قد ايه
ادم باستغراب من طريقه كلامها الهاديه ووضعها اللى
على الكنبه ده: بقالك داخله على الست سنين اهو ليه السؤال
رويدا وصوتها بقى فيه غضب شويه: حلو يعنى ست سنين معاك يعنى بقى بينا عيش وملح
وفجاه صرخت امال بتعصبنى وانا فى ايام ولادتى ليه اولد على مكتبى عشان تستريح
ادم بعصبيه بس مش بصوت عالى: رويدا بتتكلمى معايا كده ليه افتكرى انتى بتكلمى مين انا مديرك يا استاذه
رويدا وهي تمثل الفزع: ينصيبتى نسيت ادم اهدى يا حبيبى انا جيت الشركه عشان سمعت عن الجديه والهيبه وكلام كبير اوييى اول سنه حسيت بيه بعدها لقيت واحد تافهه يشيخ اتلهى اللى يشوفك فى بيتك وجوا مكتبك قدامى انا وعم عبد التواب بتاع البوفيه ميقولش انك رئيس شركه وليك هيبه وسط اى شركه فى العالم
ادم بيمثل الجديه: اخت رويدا قلنا الستر احلى حاجه فى الدنيا بس اوعى تنكرى عندى برستيج
رويده بسخريه: ههههه سلملى على البرستيج يا ابو برستيج بوسهولى من هنا ومن هنا هههههه
رويده وهيا بدأت تحس بالعطش: ادم بس بس يبنى سيب الملف اللى فى ايدك تولع يخويا الصفقه
ادم بنفاذ صبر: رويدا سيبينى اتمم الصفقه دى الصفقه دى مهمه ولا نسيتى مش انتى اللى فضلتى تزنى لحد ما وافقت عليها
رويده بسخريه: ههههه ادم مفيش صفقه يا حبيبى انت مش شايف انا رايقه وجوايا متعصبيه ازاى وفجأه علت صوتها وصرخت كله بسببك الصفقه طارت بسببك اولع فيك ااااه هولد منك الحقنى بمياه يبنى
وادم وهوا بيجرى يديلها ميه: ليه انا عملت ايه
رويده بقهر: قول معملتش ايه ادم ايه اللى عملته مع بنت الشريك فى الصفقه دى دى البت حلفت يمين على ابوها لو تمم الصفقه دى هتولع فى نفسها عملت ايييييييييييييييه فى البت يا ادم البت هتولع فى نفسها يا ادم الطم يا ادم اعيط يا ادم تعرف الصفقه دى مهمه ليا بشكل زى الفل ضيعتها يا فقرى وعامل فيها دكتور وهيبه وبرستيج ومصدع دماغنا الدكتور وصل الشركه الدكتور مشى من الشركه اللهى يولع الدكتور اللى ضيع الصفقه دى
ادم بعصبيه: كل ده شايلاه وساكته يختى استنى كده ومالك محروقه اوييى انى ضيعت الصفقه دى ليه
رويده وهيا بتشد فى حجابها: لو كنا تممنا الصفقه دى يا اخويا كنت هاخد مكافأه بس اعمل ايه المنحوس منحوس حتى لو علقو على راسو فانوس
ادم: ااه متقولى من الاول عشان المكافأه ماديه حقيره هديلك يختى اجازه براتب لحد ما ترجعى من الولاده وتفطمى انبسطتى
رويده بفرحه: تسلملى يا ادم يا اخويا يا بسطنى يا مفرحنى يا مهنينى بعدها افتكرت الصفقه
وادم فرحان بالتطبيل ده بس فجأه لقاها بتكمل وتقول ياللى كاسفنى قدام الناس المحسوكين (مغرورين) دول وطيت راسى قدامهم ادم من غير ما تغير الموضوع عملت ايه قالت بسخريه عملت ايه للانسه شاهنذادا
ادم بقرف: رويده انتى عارفه كويس انى بكره البنات اللى بتتلزق فى الرجاله وكفايه اوييى كمان طريقه لبسها فمقربتش منها
رويده بتأكيد: ايوه الكلام ده صحيح بس مجاوبتش هببتلها ايه
ادم: جاتلى الجامعه النهارده
Flash back
ادم وهوا فى المحاضر: شباب الجزء ده مهم وده مشروع يشترك فيه اتنين وابعتو الكلام ده على جروب الدفعه عشان اللى مش حاضر يعرف اى اسئله قبل ما امشى
شمس: دكتور ينفع اشترك مع بنت محضرتش النهارده
ادم بابتسامه: قصدك نور الجارحى (ايمان) المدرج كله ضحك ما عادا شمس اللى ابتسمت بس
ادم بجديه: احم تمام يا انسه مفيش اى مشكله
فجأه ادم لقى باب قاعه المحاضره بيتفتح وواقفه على الباب الانسه شاهنذادا
ادم حاول التعامل بدبلوماسيه لانه اتفاجأ بوجودها هنا ومعرفة مكان عمله ده
تكلم ادم ليصل لها صوته: انسه شاهنذادا لو سمحتى استنينى فى مكتبى
فجأه فى شاب صفر من دواعى المعاكسه ساعتها انتبه ادم للى الانسه شيشا لابساه تنوره لفوق الركبه وماسكه على الجسم وفوقها تشيرت نص نص ايه ده ربع كم ومدخلاه فى تنورتها وغير المكياج الاوفر حتى الجاكيت حاطاه على ايده ايه الاسفاف ده
ابعد ادم نظره عنها وزعق وقال: الكل يلتزم مكانه عشر دقايق وراجع اطلق احد الشباب لتانى مره تصفير لاحظ
ادم بترف عين ان الست شيشا فرحانه بالمسخره دى
زعق تانى وقال: والله العظيم اللى مش هيلتزم مكانه لاسقطه فى مادتى وملهوش اعمال سنه عندى
💚💛💚💛💚💛💚💛
عد إلى الله'
ولو قطعت مسافات العمرِ مذنبا
أنت تقرأ
وقع المجانين فى الحب ♥ (متوقفه مؤقتا)
Humorهى عنيده وشرسه ومجنونه وذكيه لكن غبائها وتسرعها يوقعها فى المشاكل لكن لا يمكننا الإنكار انها تكون ذكيه فى بعض الأحيان (شمس ) هو عنيد ووسيم وتافه ومجنون مع عائلته واقرباؤه لكن مع الآخرين جاد جدا ذكى وغبى فى نفس الوقت ودائم الصراع مع والده وجده بس...
