وقع المجانين فى الحب ♥ (متوقفه مؤقتا)

(عفريت بطعم الكاتشب ) Part 17

عند نادر ندوره حبيب الملايين

نادر : اه والله زى ما بقولك كده يا احمد يا اخويا

احمد باستغراب وعدم تصديق : لا والله الحمد لله طلع حد عاقل فى ام العيله دى دا حتى ادم ابنى تافه ومجنون مش عارف بس الناس بيشوفوا كده ازاى ده بيضربوا بيه الأمثال فى الأدب والأخلاق والاحترام والعقل ااااه بس لو يشوفوه فى البيت النظره دى هتتغير كليا

نادر بتباهى مزيف سيكشف سيندم عليه لاحقا : لا بقى مسمحلكش انت هتقارن ادم بشمس بنى ده شمس تتحط على الجرح يطيب اه والله زى ما بقولك كده أدب ايه وأخلاق ايه وعقل ايه دول حتى الناس عندنا هناك كانوا بيضربوا بيها الأمثال فى العقل ومتطلعش منها العيبه ابدا وصوتها متسمعهوش خالص كده نسمه يا جدع وخدها منى كده حكمه العقل والرقه والأنوثة يعنى شمس

وفجأه سمعوا صريخ نور ومليكه فى الشارع

طلعوا يجروا عشان يشوفوا فيه ايه

لقوا مليكه ونور واقفين فى الشارع وبيصوتوا ويقولوا : عفريييت عفريييت شببببببحح ععععععااااااااااا

نادر بتدخل : فيه ايه يا بنات عفريت ايه وهبل ايه

نور ببلاهه ورعب : ايوه صح دول عفريتين مش عفريييت واحد ععععععااا عفريت يا نادر عفريييت فى الشقه

نادر : بطلى هبل يا بت انتى عليا الناس ده تلاقيه مقلب ولا حاجه وطى صوتك بقى وندخل حوا ونشوف الحكايه متخافيش

نادر للجمهور احم قصدى الناس الفضوليين اللى بتتفرج : خلاص يا جماعه البنات كانوا بيهزروا مع بعض

دخلوا العماره اللى فيها بيت فتحى ونادر

إلحاج عثمان واحمد ومحمد اخدوا دور المشاهدين

نادر : فهمونى فيه ايه واهدوا كده

نور : بص يا نادر احنا كننا فى السوبر ماركت كلنا وسيبنا شمس وياسمين لوحدهم هنا ولما جينا دخلنا الشقه لقينا الدنيا ضلمه وكان فيه أصوات أشباح كده وخشب بيزيق كده مكان مكننا بنمشى ولقينا عفريت قدامنا ومرعب اوى وجينا نهرب من الباب لقينا عفريت تانى ورانا فهربنا انا ومليكه

نادر بتفكير وقد تناسى عثمان واحمد ومحمد تماما : عفريتين وشمس وياسمين قولتيلى ده اكيد مقلب مانتى عارفه ياسمين وشمس بيعشقوا المقالب ازاى ولما بيتجمعوا لازم يكون فيه كارثه

مليكه بانهيار وهيا لسه مستوعبه كلام نادر وبشده من القميص بتاعه وبترجع فيه ( زى الرانى كده 😂) : بقولك فيه عفاريت فوق فيييييه عفاريت أشباح فوق انتوا مش فاهمين ليه وايمان واميره فوق معاهم احنا سيبناهم ونزلنا جرى يلا بسرعه الحقوهم

ثم اكملت بعدما بدات تستوعب كلامه : لحظه انت قلت ايه يعنى شمس هى كمان بتحب المقالب وده مقلب انا كنت شاكه من الاول لما قعدوا يطلبوا مننا الحاجات دى كلها