وقع المجانين فى الحب ♥ (متوقفه مؤقتا)

(طفوله مشرده )Part 15

‏الباب الذي يغلق في وجهك عمدًا
لا تطرقه مره أخرى ، اضغط الجرس و اهرب .

-غامبول😂

💜💜💙💙💚💚

نور بفضول : قوليلى بقى يا لوكا مين اللى امه داعيه عليه اللى حضرتك معجبه بيه

مليكه بخجل : بصراحه كده هو ابن عمى

نور : لا بقى ده انتى تحكيلى من طقطق لسلامو عليكوا

مليكه : خلاص ياستى هحكيلك بس بعد لما نخلص وهحكيلكوا كلكوا هناك منا هبات معاكوا النهارده

نور بحماس:  اشطا بس مش هتنازل تمام 

مليكه : تمام بس يلا بقى نشوف اللى احنا عايزينه الاول بقى عشان نقضى اليوم مع بعض وهنحكى كل حاجه متخافيش

نور : طب يلا نبدأ استعنا على الشقى بالله

مليكه : بصى بقى نتفق  اللى تجيب حاجه تجيب اتنين يعنى مثلا انا هجيب شبسيات واندومى وبسكويت وكيكه هجبلك معايا وانتى روحى شوفى الشيكولاتات والعصاير  والبيبسي ومتنسيش الجيلى كولا  عشان ننجز ونخلص بسرعه

نور : تمام نتقابل هنا كمان ١٠ دقائق 

مليكه : اشطا يلا نبدأ
وانطلقوا إلى الداخل

وبعد مرور ١٥ دقيقه

كانت نور تقف وتنتظر مليكه عندما راتها قادمه باتجاهها ببطء وهى تجر أمامها عربه طعام مليئه باكياس الشيبسي والاندومى وغيرها من الأشياء اللذيذه ( اللى انا بصراحه بعشقها كده وعينى فيها )

نور  بغيظ : بقى انا يا جذمه مستنياكى هنا  وانتى ماشيه على قشر بيض

مليكه : معلش بقى تعيشى وتاخدى غيرها يا قلبى

نور : بقى كده مااااشى ماااشى حسابنا بعدين

وذهبوا إلى الكاشير وكل واحده معاها عربة طعام مليئه

كان ادهم فى السوبر ماركت يشترى بيبسى

وتوجه ليدفع الحساب وجد مليكه ابنة أخيه وبجوارها صديقتها او لنقل مجنونته الصغيره

ادهم : ايه ده يا مليكه ايه الحاجات دى كلها يا مفتريه

مليكه : والله يا دومى احنا عندنا سهره النهارده انا والبنات فقلنا نجيبلنا حاجه تسلينا وننأنأ بيها واحنا قاعدين

ادهم بخضه : ده كله نأنأه يا بنت المفتريه  امال لو هتاكلوا بجد هتعملوا ايه

مليكه بمرح : خلاص بقى ياسطا هو انت اللى هيدفع يعنى

ادهم بمرح  : امال هتحاسبى على ده كله منين يا لوكا
يابنتى ده انتى بتاخدى مصروفك من اخوكى يابت

مليكه : مش كتير يعنى يا دومى هصرف تحويشة العمر انا والبت نور  ولو كده ادم يبقى يحاسب بقى