شهامَه

البارت الاول

◦ لتِلومني ..
◦ و لوم الگلبّ
◦ كُل ما تُمر
◦ بينه يدك
◦ و لوم العِيون الحَبت
◦ وما تِرضه ،
◦ غِيرك تِعشك
◦ انتَ وصوَرك والحَجي
◦  وطيوفك الما تعتك .
◦ ____
◦ ام تاله:يلا بنات كومو ابوكم راح يجي بسرعه
◦ البنات:كايمين يمه
◦ تاله :افراح ايناس يلا بنات كومو
◦ تاله:كمت صبحت ع ماما واخويه صباح الخير
◦ الكل :صباح النور كعدن خواتج
◦ تاله: اي كعدو
◦ ام تاله :عفيه بنتي اليوم ورانه شغل نسوي معجون طماطه الطماطه نازله بالسوك وابوج راح يجي يكلب الدنيا علينه
◦ تاله :كمت طلعت كارتون الطماطه واحد اليه واحد الافراح واحد الايناس فرشنه بصينيه وفورنه مي وخلينا الطماطه بعدين عصرناها بايدنا وشريناها ع شمس حت يجف المي مالتها ويصير معجون طماطه ونضل بهالسالفه المعجون ٤ايام نسوي بي
◦ كاعدين اني لابسه دشداشه وايناس مزوجه خطار يمنه اني وايناس كلش بيضات بس افراح نصيحله زريكه
◦ اجه ابويه من العسكريه رحنه لنبوس ايده شافني لابسه دشداشه جانت نص ردان
◦ ضربني ع ايدي قوي كتله
◦ تاله :الله يساعدك يابه
◦ ابويه :لا بارك الله بيكم خلفه ماذره اخوكم وين
◦ افراح :بابا فوك ديطير طيور
◦ ابويه :يصير خير
◦ فات سلم ع امي وكبل صبينه الغده نزل اخويه
◦ امين :باس راس ابويه الله يساعدك حجي
◦ ابويه :وين جنت
◦ امين :دالم السطح يابه ويغمز الامي
◦ ام تاله :صحيح هالحجي ابو امين لتشيل هم
◦ تاله :كملنه الغده وغسلنا المواعين ابويه نام والبنات نامو بقيت اني انضف البيت حتى العصر من يكعد ينطينه نشرب جاي لان الجاي جنه نشربه بموعد وجان ابويه الصبح يخليلنه كلاص بي شكو احنه بي كلنه
◦ وامين جان يكعد قبلنه ياخذ حصتنه ولو نلحك على جاي لو منلحك فالعصر جنت انضف لو اني وحدي لو افراح اختي وياي حتى ابويه العصر يكولنه عفيه عفيه سولي جاي حتى نشرب ويا
◦ ايناس اختي جانت حامل بشهر التاسع
◦ فامي قررت تروح يمها لان بيتنه صغير
◦ ام تاله :يمعودات وين رايحه هياته بيت اختكم شمره عصى ديرو بالكم ع ابوكم واخوكم
◦ افراح وتاله :حاضر
◦ مرت يومين مثل الاعصار منعرف شنسوي وشنجيب وابويه روحه بخشمه من وره اخويه ميقره جان ثالث متوسط
◦ اجه حماه ايناس :شلونك ابو امين
◦ ابويه :هلا بيك علاوي تفضل
◦ علي :لا والله حجي ينتضرونك بالمستشفى
◦ ابويه :ياستار شصاير
◦ علي :تعال وياي حجي هلا بيك
◦ امين راح ويا ابويه وضلينه ع نار
◦ فجئه ونسوان خوات امي يفوتون يصيحون ويعيطون واني وافراح وحده صافنه بوجه الثانيه
◦ شكو شصاير
◦ تاله :خاله عليج النبي شصاير شكو ايناس بيها شي امي بيها شي
◦ خالتي :يمه يوخيتي يمه ولجن راحت امجن
◦ ايناس ولدت منا وامجن ماتت منا يولو سوده عليه يوخيتي ويصيحن راحت ام البيت الله وياها ومسويات دائره ع نفسهن ويلطمن
◦ تاله :شنو صار بلحضتها شنو الحصل ماذكر بس اذكر صرخه افراح لان جانت متعلقه بامي حيل
◦ تاله:كعدت اني بغرفه امي وافراح فوك راسي لابسه اسود ممستوعبه الصار
◦ افراح :كومي وياي كلهن حيايه جايات على اكل وكل شويه وحده كالتلي اختج عياره ع شنو تبجبج وتتخربط
◦ تاله : يا ساق.... كالت هالحجي
◦ افراح :هسه كومي وياي امين حالته تكسر الخاطر وشوي نوب يجيبون امي
◦ تاله :بس كالت هالكلمه انهاريت ملخت نفسي تملخ فات امين حضني
◦ تاله :راحت شمعه بيتنه ولك امين شلون تموت شلون
◦ امين :شايفه ايناس مرتفع الضغط عدها ومعميها عبالها نعمت للابد وصارت بيها سكته قلبيه من الصدمه
◦ افراح :سوده عليه يمه وحتى موتج متي من ورانه اخ يمه
◦ امين :يلا كومن لتعوفون البيت فارغ لازم توكفون فاتحه امكم كومو
◦ تاله :لكيت دشداشه محضرتلي ياها سوده افراح حتى ماسئلت ع ايناس وشلونه كارهته كره العمه
◦ طلعت الدنيا كلها بيتنه
◦ النسوان :يمه البقيه بحياتكم ماتتت الحنينه
◦ ماتت ام الكلب الطيب
◦ تاله :حياتج الباقيه خاله تسلمين
◦ كمت اني وافراح للمطبخ لملمت المطبخ واسمع صوت صياح جابو امي جابو روحي من الدنيا اخر يوم تفوت بيتها اخ يمه شسويتي بينه بغيابج اكلت لحمه الذياب اخ يمه
◦ فاتو من المطبخ كمت اصيح واعيط ماخلوني ماخلوني توسلت اشوفه ماقبلو اشوف امي لاخر مره لان مشرحيها ميقبلون اشوفه خلو شوفه امي حسره عليه لحد هالحضه اذكر هذاك اليوم المشؤوم
◦ اسمع صوت الجامع يصيح انتقلت الى رحمه الله تعالى المرحومه (خوله ......)الاسم حقيقي
◦ اخذوها واخذو وياهم لمه البيت هدوء البيت اخذوها وحرموني من شوفته اخذوهااا ومات كلشي بعيني  حرموني من امي ومن شوفته اخر مره
◦ كل هذا وماشفت ايناس وين
◦ ليل وكاعدين واسمع صوت وحده صيح يمه اخ يمه وره البيت عدنه هيج مثل الترك
◦ اخ يمه (كل ليله تسوه العمر لو كعدو اهلي وياي )
تاله:طلعت بره واشوف افراح منهاره من البجي تبجي وتصيح يمه وينج تعالي شوفي صار بينه اخ يمه كومته وياي لازم اصير قويه الخاطر اختي واواجه الدنيا
مرت لايام  مثل السم علينه وجتي ايناس وره ما طلعت لاربعين مالته لان كالو انو بعدها نفسه ميصير تدخل فاتحه جابت ولد بنفس الساعه الماتت بيها امي
سمته امجاد .......

جانت كلش مقهوره ع امي بس اني ابد ماعذرتها
لان امي توسلت بيها تجي تجيب يمنه وجانت ترفض انو تجي لان ابويه عصبي
وماراح تاخذ راحته يمنه
هي اكبر مني ب٧سنين
رجعت البيتهم ابنها ماشاءالله يخبل
وره فتره وره ماطلعت اربعين امي كاعدين ابويه اجه
ابو امين : بابا امكم ماتت والله يرحمه
البيت ناقصه حرمه تلمه
امين :شنو قصدك يابه
ابو امين :افهمني وليدي خواتك صغار لازم احد يدير باله على البيت فاني لكيت مره تناسبنه وعزيزه عليكم وعليه
خالتكم شهباء ........

________
هلاووووو شلونكم بنات
بارت قصير حيصير التنزيل بين يوم ويوم لو يوميه
ماراح اقصر وياكم

الانستا
@b6_94
لتنسون التصويت ع فقرات
لكل حكايه بقايه ادمتمم سالمين