صعدت لسطح عسى ولعل احصل امجاد
احس روحي بدونه ضايعه دراسه ماكملت
هنا ماكو وقت لدراسه وامي تخاف علينه مطلعنه
مره بنص ليل نايمين بنت خالتي كاعده ضليت كاعده يمها واحجي وياها
نطلقت احجي ع امجاد شلون احبه ومشتاقتله
بهالاثناء سمعت صوت ورايه
منو تحبين ست شامه يا بنتي لمربايه
شامه: ها ماما ولا شي سمعتي غلط ماكو شي
مو صح رسل التفتت ع رسل
مو صح
رسل :اي خاله محجينه شي وداعتج
تاله:رسل كومي نامي بسرعه
كامت امي للمطبخ صاحت شامه وراي
كمت اطكطك نوب خالتي نايمه منو يدافعلي هسه يمايييي
رحت للمطبخ صوت القصف والهوسه لان ديحررون بالمناطق واني اطكطك خوف من امي
تاله :احجيلي كلشي بينج وبين ابن. خالتج بدون نقاش وجذب سمعتج شتحجين الرسل احجيلي لضمين عليه اني امج مو غريبه
_بديت احجيله كلشي من اول معترفلي واعترفتله
كملت واني ابجي
كامت من مكانه كعدت يمي حضنتني واني ابجي
اردفت
_بنتي الحب مو عيب ولا حرام
بس الحب البدايته حلال نهايته حلال
الحب مو احبك وبس شوفي موهلاته يكدر يوفرلج الي تتمني
يكدر يعيشج الي انتي عايشته
الحب مو حرام كلنه حبينه بس اول وتالي كلمن ياخذ نصيبه
امجاد مستحيل يصير الج ماريد اكسر كلبج بس امجاد ميستاهلج وهواي اسباب
اولهن شفتي خالتج اول فرصه صارتلها طردتني من بيته بنص هالاوضاع تتوقعين تكدر تحافظ عليج
شلون اكدر أمن انطي بنتي لابنها مستحيل هالشي
المفروض انتي من ذاتج تكولين شلون اخذ واحد امه طردت امي
الولد اني احبه ماكره بس نصيب بيناتكم ماكو
_ماما بس
_بلا بس وبلا شي
هالمره عفيتلج هالشي وانطيتج ثقتي وفرصه ثانيه
وموبايلج ماراح اخذه بس اياني واياج اسمعج حاجيه ويا لو هو حرف وهسه تحضري من كل شي
عافتني امي وراحت ياريت سمعت كلامها الي كالتله ولا اوكع بالي اني بي
رحت نمت ودموعي ع خدي مستحيل ارجع احجي ويا نوب
ثاني يوم ب٥الفجر كعدنه ع صياح وعياط بالمنطقه ويصيحون
االله واكبر غادرو المنطقه سوف يهجمون المرتدين
امي جتي فزع تصيح وتكعد بخالتي
_ولج افراح كومي المنطقه نكبت يريدون نطلع ولج كومي
خالتي كامت بفزع واحنه البنات لمينه غراضنه الي نحتاجه ملابس وكم شغله حطيناها بجنط المدارس
أنت تقرأ
شهامَه
Roman d'amourفتاه ذات اصول عربيه تعيش معى عائله متحضره يسودها الحسد والغل وجرائم تعالو معي نتعرف من هي هذه الفتاه وماذا يوجد داخل بيئتها وحياتها اول رواياتي اتمنى ابدع بالسرد والاحداث بس اكمل ترتيب البارتات ابلش تنزيل روايه ايلافيو
