شهامَه

بارت سادس عشر

يَقولُ الفَلاحُ :
أنَا لَمْ أقرأ روايات الحُبِّ، ولَمْ أستَمِع إلى فيروز صَباحًا، ولَمْ أتناولْ القَهوَةَ في مَكانٍ مشهورٍ، ولَمْ أخرُجْ مَعَ فَتاةٍ مُسبَقًا
ومَعَ ذلك أعلم أنَّ المحصول الزراعي يحتاج إلى إهتمامٍ بالدرجةِ الأساس ليبقى على قَيدِ الحياة،،
ويتساءَلُ الفلاح :
ما فائدَة أن أحِبَّ وردَةً وأنا لا أسقيها يوميًا!
__________________
سئل القاضي امجاد موافق

كاله موافق

سئلني القاضي لزم ايدي امجاد
مرتين

الثالثه سميت بسم الله

وكتله موافقه

ماعرفت انو اسوء موافقه كلته بكل حياتي

طلعنه من المحكمه اصدقائه الي اجوي شهود
يباركوله وهو مكيف بس گلبي ممرتاح

بس بعد الفاس وكع براس
صعدت بسياره وهو صعد يسوق لزم ايدي باسها
اردف

امجاد:اوففف هسه حسيت بطعم الحلال

حجيت
_راح نكوللهم ؟

امجاد :لا حبيبي بس انتضري ادبر وضع اهلي وامي واكوللهم كلهم اجمعهم بيت جدي من نروح عليهم

_تمام
رجعنه واني ماكلني اكل الهم والغم ماعرف شسوي
شهرين مرن لا ليلي ليل ولا نهاري نهار
ليل كله بس افكر ومن اشوف امي شتسوي ع امي اراسله اكله ماريدد
بطلت عوفني طلكني
وبكل مره يكلي اصبري ماضل شي واعلن كلشي بس كملي دراستج

شهرين عبرت ل٣ول٤ وبدت امتحانات اخر السنه
التهيت ادرس عندي صديقه وحده جانت اسمها سجى

مرتين امجاد اجه يم المدرسه اصعد ويا اروح نتريك  ونحجي ويرجعني

مره احنه طالعين من المطعم وفات ابن عمتي للمطعم لمحني واكفه ويا امجاد

اجه مثل الاعصار بهمه لزمني من زندي امجاد جان ملتهي يدفع لحساب

صاح ابن عمتي بكل علاه حسه
عثمان:شدسوين هنااااااااا

جرني منه امجاد ماحس الا ابن عمتي تكوم بالكاع
ودمايه تطلع من خشمع
وامجاد لزمه كتل ع وجهه شبعه كتل

لزمني من ايدي امجاد اخذني واني ابجي صعدني بالسياره

لزم ايدي
امجاد :حبيبتي اهدي مصار شي نحلت خلي يولي العار

_شنو خلي يولي اكيد هسه حيكول العمامي وامي تدري

مشت سياره واني ابجيي وعيوني صارت نفاخه من البجي

وصلنه البيت التفتت علي
_مبين باجيه
_لا مبين ثارمه بصل

ضربته بايدي ع بطنه
سحب ايدي باسها لتخافين ماراح يصير شييي خليج واثقه واي شي يصير اتصلي بيه

نزلت فتحت باب الشارع نزعت جنطتي بالباب وحجابي شمرته بالمطبخ
البيت هدوء ماكو احد

دورتهم لكيتهم كلهم بالسطح ينضفون بي
صعدتلهم