شهامَه

البارت الخامس

أنا الذي أوزع الخرائط أضعتُ الطريق.

.________________
حدث سابق
شويه وقرب يمي غمضت عيوني ماريده يتقربلي وماريد امنعه واضل عايشه على الماضي

قرب مني اختلطت انفاسي ويا انفاسه
حسيت على شفايفه صارت قريبه مني

دفعته مني باوعلي بصدمه
لميت نفسي كمت من السرير مخروعه

وابجي والغصه بداخلي حسيت روحي داخون سلام مع هذا هو مو نصيبي بس شسوي گلبي

ممتقبل قرب سدير اليه فزيت من صفنتي

سدير :: شبيج شبيج شنو هالتصرف مارايده قربي كولي كتلج بالج احد احجي خلي اعرف اتصرف

تاله ::رجعت امشي لسرير واردفت ماكو من البالك بس اني ما مستعده وبالي يم افراح

نمت وغطيت راسي
فزيت الصبح هو مو يمي كمت غسلت ولبست قفطان ابيض صباحيه العرس

انتضرته يصعد حتى انزل ويا استحي انزل واعرف اخوته كلهم موجودين ونسوانهم

وخواته وزلمهم فستحيت انزل مرت نص ساعه واني كاعده تأفأفت وكمت فتحت الباب حتى انزل صار بوجهي

سدير :: صباح الخير
_صباح النور
سدير :: تعاي خلي ابدل وننزل سوه
حسيت بي مرتبك يريد يحجي

تاله ::صاير شي
سدير ::لا ماصاير بس باعي اهلي رادو نيشانج
تاله :: يا كاع نشكي وبلعيني خجلت خدودي صارن زرك مو بس حمر
اردف مكمل كلامه

نزع بنطلونه وطلع رجله جارحه
شهكت شمسوي
على مودج اني خاف يسالونج كوليلهم كلشي كمل

تاله :: حمحمت اسفه الله عليك بس جنت خايفه مجان قصدي اخليك بموقف صعب

سدير ::ماصار شي ابدل وننزل
بدل ونزلنه ثنيناتنه

تلكونه هلاهل وجكليت
سلمت على امه بوسته وابو كذالك

وصلت نسوان اخوته سلمت عليهن وحده من
نسوان اخوته تباوعلي صفح معاجبها اردفت اهلا وسهلا

ضلو كاعدين ويحجون واني كاعده يم سدير لا احجي ولا شي بس ابتسم واهز براسي

صبو غده وكامن البنات ماشاءالله عائلتهم كلش جبيره

تغدينه وسدير كاعد يفلس لحم ويهمس يم اذني
اكلي لتستحين محد يباوع عليج

اكلت شويه وكمت
صبو جاي شربو صعدت الغرفتي

فات وراي سدير
اردف توته
باوعتله بابتسامه تفضل

ليش متكولين باسمي تصيحيلي سدير
دنكت راسي جاوبته

تاله:: بس اتعود عليك توجهت لباب الكنتور  لطلع ملابس
حسيته وراي

سدير :: لشوكت
تاله:: بس انطيني مجال
بيت جديد وعيال مو بسهوله اتعود