احببت رجل اعمال

البارت 2

نهال من اليوم و رايح مكاش خدمة صايي راكي محاوزة
انا: واشنو كيفاه و علاه
هو : متنسايش التبهديلة لي درتيها و مجياش سارفور يفسدلي سمعة الريستو انا لي عندي قلتو دوك ترفدي حوايجك و جي عندي للبيرو نخليلك واش خدمتي فالبيريودة اللخرة و مانزيدش نشوفك هنا
غاضتني بزاف عمري هاد الخدمة عندي شحال ملي بديتها و اليوم بسبة هداك المصفار لي حاسب روحو راح نتحاوز . بقيت شادة الدمعة باه ما طيحش و ما نبينش روحي ضعيفة قدامهم و من بعد قتلو : ما عندي ما نقولك اذا تهمك سمعة ريستو تاعك و ما خممتش فناس زوالية جايين يخدمو باه يكسبو لقمة العيش . سكت من بعد كملت . ربي يهدي ما خلق و راح نوكل عليك ربي .
خرجت طلعت معاه للبيرو ديت قيس ما خدمت هاد اليامات و خرجت للبرا مع لي خرجت دموعي لقات طريقها لخدي والله غاضتني عمري بزاف منهار ماتو ولديا ناس تهيني و تضحك عليا بيسك ما قريتش و خرجت نخدم توحشت ماما و بابا راحو و خلاوني صغيرة ما قدرتش لهاذ العالم وحدي بزاف راني متحملة فوق طاقتي .
قعدت نمشي و ماشي حاسة لطريق حتى نسمع صوت لاصونات تاع طوموبيل مورايا درت لقيت هداك الزمرون ما حبيتش نهدر معاه
ايهاب : هايا اطلعي نوصلك
انا : ...
ايهاب : راه البرد و مراكيش لابسة مليح دوك تمرضي
انا: ما يهمكش
حبط مالطوموبيل و جا لعندي و حكمني من يدي
انا : واش هبلت اطلقني
ايهاب : ما نطلقكش حتى تطلعي راني نقولك دوك تمرضي
انا : كي بسبتك تحاوزت من الخدمة جاتك نورمال و دوك لاعبها تخمم عليا ايلا نمرض واش دخلك فيا لا حبيت نمرض ولا نموت و دوك روح اخطيني و ما تلعبهاش قدامي
رحت و خليتو بقيت هكاك حتى وصلت للدار لقيت السكات طلعت ديركت لشومرتي لي متقاسمتها مع خياتي غزرت فيهم لقيتهم راقدين سلمت عليهم و دخلت بلاصتي نتخبط باه نرقد بسيف لجاني النعاس و رحت لعالمي الخاص

                 &&&&&&&&&&&&&

ــــ عند ايهاب &
كنت قاعد نكمل الخدمة مع الشركة الانجليزية حتى نشوف فيها رايحة تجري و خارجة عرفتها بلي يكونو حاوزوها ما نكذبش مي حسيت غصة فقلبي معلباليش علاه هي صح غلطت مي دوك راهي خسرت خدمتها بسبتي و انا منحبش نظلم العيباد و لا نقطع عليهم رزقهم و ليت نضت اعتاذرت من لي كانو معايا و رحت موراها شفتها تمشي و تبكي زادت حكمتني ديك الغصة و ليت رحت هدرت معاها باه تطلع نوصلها بيسك كان البرد و مكنتش حابها تمرض مي كيما درت معاها والو راسها يابس و زيد كي قالتلي ديك الهدرة حسيت بلي ظلمتها و من بعد راحت و خلاتني وليت طلعت فطوموبيل و رحت ديراكت للفيلا دخلت لشومبرتي دربتها بدوش و تكسلت تم تم جاتني هي في بالي ما فهمتش علاه وليت نحيت هداك التخمام من راصي و رقت

                        &&&&&&&&&&&

اصبحنا و اصبح الملك لله
عند نهال #
فطنت على صوت الرفايي كانت 7 نضت هبطت للكوزينة لقيت خ وهيبة توجد فالقهوة سلمت عليها و طلعت نوض خياتي
انا : يسرى هيبة هايا نوضو وقت المسيد
يسرى : انا نقرى على العشرة البروف تاع العربية راحت تولد كي العادة و العوايد
انا : هاذي البروف ارنوبة ولا قطة كل عام تجري  اي معليه ربي يحفظهملها ... و نتي هيبة ما تنوضيش
هيبة : اصبري خمس دقايق برك و نوض
انا : لا 5 د لا والو نحسب منا ل 3 ما تنوضيش تلقاي لبليغة في وجهك
ههه مسكينة ناضت تجري هبطت و هبطت موراها سربيتلها القهوة و عطيتلها شوية مصروف علبالي تسحق و بستها من خدها
انا : تهلاي في روحك ما سوغ و بلاكي تبعي هدوك البنات تع من و من شدي الطرف و ما تسمعيش هدرة الناس تجيب غير صدع الراس
هيبة : ايه علبالي و زيد عيتيني كل يوم نفس الهدرة والله راني كبيرة و نعرف صلاحي ما تخافيش عليا
انا : ايا روحي دوك يفوتك الحال
راحت هيبة و قعدت خملت الحالة و كي وصلت 9.30 بعثت يسرى تانيك و كيما كل يوم لازم نديرلهم محاضرة قبل ما يروحو بيسك والله نخاف عليهم هادو امانة والديا عندي
لحقت 12 كنت فالكوزينة نوجد الفطور
هيبة : بووووووو
انا : سمله الرحمان الرحيم شكون نتا واش تسحق مني حتى ندور نلقاهم السامطات  و بديت نعرشلهم. والله ما تحشمو خلعتوني حسبتلي كاش غول
هيبة : 😂😂
يسرى : 😂😂
انا : و تزيدو تضحكو معليه دوك تشوفو لا مخلفتهاش
و حنا هكاك حتى دخلت علينا ماني
ماني : راهم جاو بناتي الشابات
يسرى : ماني علبالنا جيبي الجديد
ماني : صار يا وحد الشادية كبرتي و تعلمتي تهدري
هيبة : خرجت لمانها الله غالب 😂
ماني : راهي تبانلي نقطعلكم داك اللسان باه واحد ما يديد يهدر
انا : خداوج خليك منهم مزالهم اطفال
يسرى : ناناك لي مزالها اطفال .. واشبيك انا راني مرا تاع زواج ختيتو
ماني : والله ربحت في عمرك زوج دورو جاية تعرفي الزواج نتي
انا : قال مرا تاع زواج قال يرحم باباك نتي اسكتي و كي تكوني راح تهدري ارفدي صباعك الصغير تاع رجلك😂 ادا عطينالك لاتوغيزاسيو تمام اهدري
هيبة : خلولي ختيتي الصغيرة واش فيها ايلا حبت تتزوج ياك نورمال
انا : دوك تقلقوني نمدك بنتي بهيا لقدور جارنا وليد عمي بوعلام و قولو ما قالتش
هيبة : انا نسكت خير علبالي ديريها
يسرى : راني بطلت ما نتزوجش 😂
كملو فطرو و راحو يقراو كي لحق لعشيا كنت مزالني فشمبرتي حتى  دخلت عليا شهرة
شهرة : واش الزين صفا شويا
انا : بيا واش يخصني
شهرة : واش راكي مريضة ليوم
انا : راني بكل قوايا الجسدية
شهرة : همال اهبطي ماني و ماما و امير رح يديرولك استجواب شفهي كي ما رحتيش تخدمي
انا : استجواب شفهي ولا استجواب كتابي انا خلاص خليت الخدمة
شهرة : ارواحي نحكو لتحت معاهم
هبطنا انا وهي و دحلت ريحت فوق البونك و نطقت ماني : واش ها لالة نضن فات وقت الخدمة و نتي خازنة روحك فالشومبرة
انا : ماني خلاص مراحش نولي نخدم فالريستو راح نبدل
امير : واقيل دوك دوريها تخدمي فالقهاوي
انا : تساعدني علبالك 😁
امير رفد مخدة و تيراها عليا
خ وهيبة : وعلاه يا بنتي فهمينا
انا : خالتي مول الريستو حاوزتي
ماني : واش درتي باه يحاوزك
انا : سوء تفاهم برك ( ما حبيتش نحكيلهم باه ما يقدوش معايا زوج سوايع مع الاستجواب )
امير : اذا كان سوء تفاهم اهدري معاه
انا : حتى انا كرهت خدمت سارفور نرفد للناس و نمسحلهم خراهم ( حشاكم 🙂) تسما جاتني على 16 😁
ماني : جاتك على 16 ولا على 18 😂هادي ماشي سبة باه تحبسي خدمتك
خ وهيبة : خلاص يما الطفلة عندها الحق.حنا ملول قلنالها ما تخدميش هاد الخدمة و هي دارت رايها و دوك فاقت لعمرها الحمد لله
ماني : خلاص همال دبري راسك
امير : و دوك واش راح تخدمي
انا : ندبر خدمة ساهلة كيما لقيت الخدمة فالريستو نلقا جهة اخرى
ليسونسيال انتهى الاستجواب بعلامة جيدة😂 ( 30/20😂😂)  من بعد طلعت مع شهرة و هيبة و يسرى لشمبرتي و حكيتلهم كلش ملول للخر
شهرة : دوك هادا بنادم يخي كلبون جحشون
هيبة : و نسيتي بغلون 😂
يسرى : لوكان كان قدامي راني نتفتو و ريشتو كي الجاجة
هيبة و شهرة : و حنا رانا معاك ايا اطاك
انا : كي نلقاوه نهجمو عليه كامل و حتى انا معاكم
دخل علينا امير : واش البنات راكم رينيو
شهرة : كي يكونو البنات متلميين نتا ما دخلش روحك
انا : ايا طلق الريح لرجليك و ديجا راه قرب عرسك روح اهدر مع حبيبة القلب
امير : فكرتيني تكون راهي تستنى فيا
و راح و خلانا فرشنا و رقدنا كامل كيف كيف

                   &&&&&&&&&&&&&

نروحو عند ايهاب #
نبداو من الصباح #
نضت صباح تفكرت ديراكت ليلة تاع البارح وليت نسفت و نضت هيطت للتحت لقيت يما و بابا و ريان و اكرم دايرين بالميدة
يما : ارواح وليدي تستقهوى
انا : راني روكار يما لازم نروح للشركة راكي علبالك راح نتلاقا ب جان ( جان : مدير الشركة الانجليزية لي عقد معاها ايهاب عقد الشراكة )
يما : صحا وليدي تهلا في روحك
رفدت روحي و ركبت طوموبيلتي حتى وصلت طلعت ديراكت للبيرو حتى جي السكرتيرة تمشي و تتمايل و لابسة المعري كتر من المغطي شحال نكره هاد الجور يحبو يرمو رواحهم وين يشوفو دراهم 
ليندة  : ميسيو ايهاب راه هنا ميسيو جان نخليه يدخل
انا : دخليه بلا ما نقلك
ليندة : اكي ميسيو اكرم
راحت ليندة حتى جا جان و قعد فالكرسي مقابلني
( الهدرة بالانجليزية )
انا : اهلا جان كيفاه
جان :  نقولو الحمد لله
انا : ايه سمحلي على البارح
جان : نو مكاين والو انا نسيت كامل
انا : ميرسي خو
جان : حبيت نبدا اول خدمة لينا كيف كيف
انا : كاش ما خممت 
جان : ايه رح نبداو الخدمة  على غوب صواري  مع ملابس تقليدية من تصميم مصممينا
انا : راح يكون تصميم جديد ماشي لي كيما تع مقبل
جان : و رح نديرو عرض لهاذ الملابس
انا : بصح شكون العارضات مرانيش حاب ندير ملي يخدمو عندي فالشركة بيسك ما يصلحوش
جان : ههه خليها عليا  انا نلقى
انا : خلاص مريڨلة
جان : ايا باي راح نخليك
انا : تهلا في روحك
راح جان و انا قاعد مع لي دوسيي حتى يتفتح الباب و يدخل منو ................